Югары Ослан районында 90 яшьлек хезмәт ветераны сайлауда беренче булып тавышын бирде

Татарстанның Югары Ослан районында барлык 37 сайлау участогында VII чакырылыш Россия Дәүләт думасы депутатларын сайлау башланды, дип хәбәр итте районның территориаль сайлау комиссиясе.

1248 нче санлы сайлау участогына беренче булып үз тавышын бирергә 30 августта 90 яшен билгеләп үткән хезмәт һәм тыл ветерананы Вера Комлякова килде.

«Безнең чор кешеләре өчен сайлаулар һәрвакыт мөһим вакыйга булып торды. Бүген дә минем өчен сайлау бик мөһим. Сайлау комиссиясе әгъзалары миңа өемә килеп сайлатырга тәкъдим ясасалар да, мин үзем килдем. Шулай булганда мин үземне актив һәм җәмгыять өчен кирәкле итеп тоям», – диде ул.

«Район оештыру ягыннан сайлауларга тулаем әзер, – дип хәбәр итте территориаль сайлау комиссиясе рәисе Виктор Постников. – Сайлау башланыр алдыннан исемлектә 14 мең 44 сайлаучы теркәлгән, без аларның күпчелеге килеп, үз тавышларын бирерләр дип ышаныбыз. Безнең 143 яшь сайлаучы быел беренче тапкыр гражданлык бурычларын үтиләр, аларга бүләкләр тапшырылачак».



Барлык сайлау участогыларында дүрт сәяси партиядән һәм 27нче Мәскәү сайлау бермандатлы округыннан депутатлыкка кандидатыннан күзәтүчеләр теркәлде. Күзәтүчеләрдән тыш, әлеге дүрт сәяси партия киңәш хокукы тавышын участок сайлау комиссиясе әгъзаларына бирде.

Моннан тыш, Барлык сайлау участогыларында хокук саклау органнары җәмәгать тәртибен саклауны тәэмин итә.

Исегезгә төшерәбез, «Татар-информ» агентлыгы ТР Үзәк сайлау комиссиясе Бердәм мәгълүмат үзәге онлайн-трансляцисен «Пирамида»күңел ачу комплексында оештырды. Трансляция төнге сәгать бергә кадәр барачак. Мәгълүматлар белән агентлык сайтыннан да танышып барырга була.

http://tatar-inform.tatar/news/2016/09/18/126276/

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
Реклама
Соңгы комментарийлар
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан