Татарстан Республикасына дүрт көнлек визит белән Әфганстанда нәшер ителүче матбугат чаралары җитәкчеләре һәм журналистлары килде.

Алар бер уңайдан «Татмедиа» агентлыгына караган газета-журнал редакцияләре, Татар-информ агентлыгы эшчәнлеге белән танышты. Кунаклар «Сөембикә» журналы редакциясендә дә булдылар. Аларны татар хатын-кызларының җәягыятьтәге урыны, журналның эчтәлеге һәм бизәлеше, реклама мәсьәләләре кызыксындырды. Кунаклар журнал битләрендә Әфганстанда яшәүче татарлар турында да язмалар күрергә теләделәр.