Рөстәм Миңнеханов: Путинның Юлламасында телгә алынган карарлар Татарстан өчен бик тә мөһим

ТР Президенты Лаеш район Советының узган елда башкарылган эш нәтиҗәләренә һәм 2019 елга бурычлар билгеләүгә багышланган сессиясендә чыгыш ясады.


(Казан, 21 февраль, «Татар-информ», Алексей Угаров). РФ Президенты Владимир Путинның Юлламасында телгә алынган туучылар санын арттыруга ярдәм итү чаралары, сәламәтлек саклау системасын үстерү һәм торакның үтемлелеген тәэмин итү механизмнары Татарстан өчен гаять зур әһәмияткә ия һәм алар республика хакимият органнарының аерым контролендә булырга тиеш. ТР Президенты Рөстәм Миңнеханов Лаеш район Советы сессиясендә шул хакта хәбәр итте.

«Юлламада телгә алынган карарлар Татарстан өчен бик тә мөһим. Юллама, беренче чиратта, демографиягә кагыла, без бу теманы күп тапкырлар күтәреп чыктык. Шунысы кызганыч, республикада инде ике ел рәттән туучылар санының кимүе күзәтелә. Тулаем алганда, бездә демографик вәзгыять уңай булса да, күп кенә районнарда күрсәткечләр тискәре. Шунлыктан Юлламада телгә алынган карарлар бик тә мөһим», - диде Миңнеханов.

«РФ Президенты сәламәтлек саклау мәсьәләләренә бик зур игътибар юнәлтте. Әлеге юнәлешләр буенча үзебезнең дә республика программалары бар», - дип өстәде ТР Президенты.

Рөстәм Миңнеханов билгеләп үткәнчә, Юлламадагы цифрлы икътисадны үстерү, илнең оборона сәләтен күтәрүгә бәйле башка темалар да зур әһәмияткә ия. Республикада әлеге бурычларның барысы да үтәлергә тиеш.

ТР Президенты үз чыгышында Владимир Путинның 2019 елның 12 февралендә Татарстанда РФ Дәүләт Советы президиумының киңәйтелгән утырышын үткәрүен, анда гражданнар өчен торакның үтемлелеген арттыру мәсьәләсе күтәрелүен искәртте. «Торак төзелеше мәсьәләсенә комплекслы якын килергә, ипотеканың үтемлелеген тәэмин итәргә, инженер, транспорт, социаль инфраструктураны үстерергә кирәк», - дип билгеләп үтте Рөстәм Миңнеханов.

Кичә Россия Президенты Владимир Путин РФ Федераль Җыенына Юллама белән чыгыш ясады, анда ил үсешендәге төп юнәлешләрне билгеләде. 

фото: http://tatarstan.ru

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Мәмдәлнең катлаулы гаиләсе – Өйдә сигез көн авырып ятты. Температурасы төшмәде... Шул инде, коронавирус. Балалар Казанга алып киттеләр. Сыгылып кына төшеп калдым. Төяп алып кайтсалар дим... Бик курыктым! Аннан ике операция кичерде. Әй, берсе минеке инде аның... Барыбыз да рәхәтләнеп көлешәбез.  Әмма Гөлсия апа ялгышып әйтсә дә хагын әйтте: береңнең тәне авыртканда икенчеңнең җаны авырту шушы була инде. Сулар һаваң кебек кадерлегә әйләнгән кешең бит ул...
    2113
    10
    126
  • Гөр-гөр килеп яшәү «Бар әле...» дигән эш барлыгын беләсезме? Без белми идек, Актаныш районы Пучы авылында аңлаттылар.
    3848
    5
    125
  • Дуслыкның чиге бармы? Искән җил аның күлмәген тәненә сылады да, түгәрәкләнеп килгән корсагы сизелде. Ир моны күреп, тетрәнеп китте. Ул сүз әйтә алмаслык дәрәҗәгә җитте. Хатынының корсагыннан күзен ала алмады.
    6467
    1
    64
  • Көнче киленем Берничә көннән соң Алсу миңа үзе шалтыратты. «Әни, мин өй җыештырыр идем, Булат белән урамда йөрергә килә алмассыңмы», – диде. Ярты сәгать эчендә аларның ишек төбендә идем.
    4734
    1
    51
Реклама
Соңгы комментарийлар
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан