Рөстәм Миңнеханов эш сәфәре белән Кукмарада

Күпьеллык үлән кырларын күздән кичергәч, Татарстан Президенты урып-җыю эшләрендә катнашучы механизаторлар, агросәнәгать комплексы башлыклары һәм инвесторлар, авыл җирлекләре башлыклары белән очрашып сөйләште.

Кукмара районында бөртеклеләр 30 мең гектарда чәчелгән, бүгенгә мәйданнарның 70 проценттан артыгында ашлык суктырылган. 70 мең тонна чамасы ашлык җыеп алынган. Уртача уңдырышлылык гектарыннан 31,6 центнер тәшкил итә.

Биредә кырда эре авыл хуҗалыгы хуҗалык күргәзмәсе урнаштырылган иде. Президент игътибарына быелгы уңыш ашлыгы, төрле тамыразыклар, җиләкләр, җимешләр һәм яшелчәләр, бал, кайнатма тәкъдим ителде

Кырдан соң Рөстәм Миңнеханов һәм аны озата йөрүче затлар “Урал” авыл хуҗалыгы җитештерү кооперативы мегафермасына юл ала. 1000 баш савым сыерга исәпләнгән әлеге объект быел төзелеп бетте. Комплекс 3 бинадан гыйбарәт: 500әр баш сыерга исәпләнгән 2 торак һәм саву корпусы.

“Урал” кооперативы районда гына түгел, бөтен республикада иң эреләрдән санала. Савым сыерлар көтүендә 2,5 мең баш терлек исәпләнә. Районда барлыгы 27,6 мең эре мөгезле терлек бар

Мегаферманы караганнан соң, Татарстан Президенты район кырларын очкычтан карап уза.

Бирегә сәфәренең икенче өлешендә район үзәгендә Рөстәм Миңнеханов республиканың төзелеш, архитектура һәм торак-коммуналь хуҗалык министры Ирек Фәйзуллин һәм ТР Президенты карамагындагы Татарстан дәүләт торак фонды башлыгы Тәлгать Абдуллин белән 21 фатирлы йортка күченүе тантанасында катнаша.

Соңрак ТР Президенты ярдәмчесе Наталия Фишман Рөстәм Миңнеханов өчен Нурминка елгасы яры буйлап экскурсия уздыра. Ул республиканың “Су саклау зоналарын уңайлату” программасы кысаларында яңартылган.


фото: https://vk.com/hezmetdani
сылтама: http://tat.tatar-inform.ru/