«Россия - Ислам дөньясы: KazanSummit» VIII халыкара икътисади саммитының икенче нче көне чараларга гаять бай

Казанда кичә "Россия - Ислам дөньясы: KazanSummit" VIII халыкара икътисади саммиты эшли башлады, төгәлрәге, аның кысаларында чаралар уздырылды, бүген саммит рәсми ачыла.

Саммитта катнашучылар исемлеге башында ТР Президенты Рөстәм Миңнеханов тора, шулай ук Албания, Алжир, Баһрейн, Бенин, Буркина-Фасо, Джибути, Иран, Катар, Кувәйт, Мексика, Мисыр, Мозамбик, Пакстан, Сенегал, Серра-Леоне, Сомали, Согуд Гарәбстаны, Судан, Сүрия, Тунис, Төркия, Фәләстыйн, Чад, Кыргызстан кебек илләрнең Россия Федерациясендәге илчеләре, Венгрия, Төркия, Казакъстанның Казандагы генераль консуллары, Азәрбайҗан, Франция, Гарәп Әмирлекләре, АКШның рәсми вәкилләре, Татарстан Республикасы министрлыклары, ведомстволары, муниципаль районнарының кайбер башлыклары, төрле ил кредит оешмалары, Россиядә һәм Татарстанда «Хәләл» стандарты комитеты җитәкчеләре бар. Әлеге чарада катнашуга «Россия мөслимәләре берлеге» гомумроссия иҗтимагый оешмасы рәисәсе Наилә Җиһаншина да теркәлгән. Анда барлыгы 40 илдән, РФның 20 субъектыннан 1,2 меңләп кеше.

Бүген исә «Корстон» комплексында «Россия банк системасы: ислам бизнесына аны ничек җайлырак итәсе» темасына эшлекле иртәнге аш белән башланасы көнне гаять күп чаралар каралган.

Саммит барышында хезмәттәшлек турында дистәләп документ имзалау күздә тотылуын алдан ук билгеләп үтик.

«Дөнья икътисадының яңа архитектурасы: Россия Федерациясендә Ислам хезмәттәшлеге оешмасы финанс индустриясе үсеше перспективалары» темасына пленар утырышта зур сөйләшү була. Казан кремлендәге «Кол Шәриф» мәчетендә җомга намазы укыгач, «Корстон»да эш дәвам иттерелә. Саммитта катнашучыларның биредә В2В очрашуы була, бер үк вакытта төрле залда «IT STARTUP EXPO» Ислам хезмәттәшлеге оешмасы илләре яшь эшкуарларының II Казан форумы инвест сессиясе, «Россия Федерациясе банк системасында ислам финанслары механизмнарын һәм инструментларын файдалану» турында ислам банкингы семинары, Ислам хезмәттәшлеге оешмасы илләренең яшь дипломатлары конференциясе, «Бүгенге дөньяда вакф» VIII халыкара конференциясе, «Экспорт – яңа базарлар» эшлекле форумы, «Россия Федерациясе төбәкләрендә проектларны финанслау инструменты буларак Партнерлык банкы» нетворкинг-сессия уздырыла. Шулай ук ике түгәрәк өстәл оештырыла, билгеләнгән темалары – «Гарәп финанс институтлары – Россия проектлары буенча партнерлык» һәм «Дәүләтнең импорт урынына үз товарларын булдыру һәм азык-төлек куркынычсызлыгы өлкәсендә аграр сәясәте: икътисади-хокукый аспект». Саммит кысаларында матбугат конференциясе исә 12нче яртыга билгеләнгән, ул "Достоевский" залында була.

Шул рәвешле эшләгәннән соң, сәгать кичне 7дә «Казан» халыкара ат-спорт комплексында ат чабышы була. Шулай ук Татарстан Республикасы җитәкчелеге исеменнән рәсми кабул итү чарасы каралган.

21 майда исә саммитта катнашучылар иртүк Спас районына «Изге Болгар җыены»нда катнашу өчен сәфәр чыга. Аннарың кичке 6да аларның Казанда М.Җәлил исемендәге Татар дәүләт опера һәм балет театрында Нуриев фестивале кысаларында «Баядерка» балетын карау мөмкинлеге була.

чыганак

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
Реклама
Соңгы комментарийлар
  • 22 июнь 2021 - 21:17
    Без имени
    БИК эшэке хэзерге заман балалары...садиктан Олы БН кайтып бара ,теге Олы телефон тишегенэ кереп баткан..бала чыбык БН дводрагы паркованый машиналарны сызырыпмы сызырып кайта,аны кургэн,замечания ясыйсы олы телефон тишегендэ
    Туган көн
  • 22 июнь 2021 - 13:49
    Без имени
    Бик кызганыч хэл, аллам сакласын!
    Каргыш төшә ул
  • 23 июнь 2021 - 08:08
    Без имени
    Кеше беркайчан да узгэрми. Конче кеше бн яшэу биииик авыр, купчелек кинэшенэ колак салып, тиз арада качсын сенелегез. Анлатмыйча бер-ике эшне узенчэ эшлэп карасын эле сенелегез, нэтижэсен узе курер. Гел егет телэгэнчэ эшлэп баргач, сизми эле ул аны.
    Көнләшә. Димәк, ярата???
  • 23 июнь 2021 - 08:35
    Без имени
    Ул ауырыу холҡо бер ваҡытта ла үҙгәрмәй
    Көнләшә. Димәк, ярата???
  • 21 июнь 2021 - 22:01
    Без имени
    Бик дөрес,мэгьнэле сүзлэр!Язучынын сүзенэ колак салыгыз,яшьләр!
    Иргә хөрмәт булырга тиеш!
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан