“Моабитская тетрадь” киносын Казанда күрсәтәләр

Каһарман татар шагыйре Муса Җәлил юбилеена багышланган чаралар дәвам итә. Бүген Казанның “Мир” кинотеатрында 15.00 сәгатьтә “Моабитская тетрадь” киносы тәкъдим ителә. Керү ирекле.

Заманында “Моабитская тетрадь” картинасы зур экраннарга чыккач, татарлар турында да бәян иткәч, халкыбыз өчен зур горурлык булды.

Фильмда татар көйләре дә яңгырый, Сабан туе күренешләре, татар авыллары да сурәтләнә. Әлеге күренешләрне Муса Җәлилнең кызы әзерләгән икән. Татар халкының бөек улы турындагы “Моабитская тетрадь” фильмында катнашкан кайбер актерлар, шөкер, бүген дә исән. Картинаның режиссер ассистенты, М.Җәлилнең икенче никахтан туган кызы – Люция Муса кызы Җәлилованың фильмны төшерүгә бәйле истәлекләре турында узган ел без язма да әзерләгән идек.

Кинопробада Г.Камал театрыннан Наил Дунаев, Рифкать Бикчәнтәев, Ренат Таҗетдинов, Әзһәр Шакиров, Марсель Сәлимҗанов катнаша. Әзһәр Шакиров фильмда шагыйрь Абдулла Алиш ролен башкара.

Фильмны режиссер Леонид Квинихидзе 1968 елда төшергән. Кинотасмада Бөек Ватан сугышы вакытында Җәлил дошманга әсирлеккә төшкән һәм немец концлагерына эләккән чор тасвирлана. Җәлил һәм аның курку белмәс көрәштәшләре 1944 елның 23 августында җәзалап үтерелә.

 



 


P.S. Игътибарыгызга Муса Җәлилгә багышланган ком анимациясе тәкъдим итәбез. Авторы – Алинә Хәйруллина.

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
Реклама
Соңгы комментарийлар
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан