Халыкның күпчелеге БДИ белем дәрәҗәсен киметә дип саный - ВЦИОМ

Бөтенроссия җәмәгатьчелек фикерен өйрәнү үзәге (ВЦИОМ) россиялеләрнең бердәм дәүләт имтиханы нәтиҗәлелеген ничек бәяләүләре турында сораштыру турында мәгълүмат тәкъдим итә.

БДИнын керткәннән соң 7 ел узгач, аның турында россиялеләрнең 75 проценты белә. Аларның 35 проценты үзләре, аларның балалары яки туганнары БДИ биргән. 40 процент халык имтихан турында яңалыклардан ишетеп кенә белә. 2013 елдан башлап бу соңгы күрсәткеч 11 процентка кимегән. Шул ук вакытта БДИ турында берни белмәүчеләр 9 процентка арткан.

Соңгы биш елда бердәм дәүләт имтиханы вакытында мошенниклык киң таралган дип санаучылар сизелерлек кимегән. 2011 елда 49 процент россияле шулай уйласа, бүген алар 25 процент кына калган. Сораштыруда катнашкан 52 процент кеше андый очраклар санаулы, дип ышана. Имтихан тапшырганнар арасында мошенниклык очракларына ышанучылар саны 62 проценттан артык. Бүген 25-34 яшьлек кешеләр, шулай ук югары белемлеләр (59%) дә нәкъ шулай фикер йөртә.

Россиялеләрнең 89% бердәм дәүләт имтиханы вакытында аңлашылмаучылык яки мошенниклык очраклары белән беркайчан да очрашмаган. 5 процент алар шәхсән үзләре яки аларның гаилә әгъзалары андый очраклар белән очрашканлыгы турында белдерә. Соңгы өч елда аларның саны бераз (2013 елда 7% ) кимегән.

Быел имтихан тапшыруны оештыру белән бәйле гауга турында 17% россияле ишеткән, ә 83% бу хакта белми.

БДИ үткәрү турындагы кайбер фикерләр россиялеләр арасында киң таралган. 70% халык тест үткәрү юлы белән имтихан бирү белем сыйфаты начарлануга китерә дип саный. Дәүләт имтиханында укучыларның индивидуаль үзенчәлекләре исәпкә алынмавына 68% россияле ышана. Ә 67% БДИ кертелгәч, белемне тикшерү формальлеккә кайтып калды дип саный.

Шул ук вакытта 58% респондентлар төбәкләрдәге сәләтле балалар дәрәҗәле вузларда уку мөмкинлеге алды дип уйлый. 49% россияле фикеренчә, имтиханның тест өлешен кичектерү реаль белем дәрәҗәсен ачыклау мөмкинлеге бирә.

Россиялеләр арасында вузга керү баллары җыю өчен БДИ тапшырганда, мәктәптә алган белем генә җитәрлек түгел, дип ышанулар көчле. Хәзер респондетларның 61% шундый фикердә, тагын 68 % БДИнда катнашы булганнар. Бары тик һәр дүртенче кеше генә (25%) аның киресенчә булуын белдерә, бер елда бу сан 9% ка кимегән.

Бу уңайдан Бөтенроссия җәмәгатьчелек фикерен өйрәнү үзәге идарәсе рәисе Константин Абрамов үз фикерен белдерә: "БДИ турында нәрсәдер белүче россиялеләр саны кимү, теманың актуальлеге кимүе турында дәлилли. Әгәр күпчелек БДИ белән бәйле гауга турында ишетмәгән икән, димәк, бу хакта мәгълүмат кчаралары язмаган, йомгаклау аттестациясе россиялеләр өчен гадәтигә әйләнгән. Халык БДИын тест буларак кына кабул итә, тест өлеше дип аңлау юк. Күпчелек фикеренчә, өстәмә шөгыльләнүдән тыш, мәктәп программасы, имтиханнарны уңышлы тапшыру өчен, кирәкле белемне бирергә сәләтле түгел. Шулай итеп, мәгариф системасында БДИ, аның проблемалы урынына күрсәтеп, җәмәгать контролен үти".

http://tat.tatar-inform.ru/

Реклама