Камал театры оркестры Казан аэропортында Салих Сәйдәшев көе белән пассажирларны каршылады

Театр легендар "Зәңгәр шәл" спектакленнән күренеш белән 112нче сезоны ачылу уңаеннан аэропортта флэшмоб оештырды.
 

Камал театры труппасы – унике яшь артист һәм оркестрның унөч музыканты театр артисты Казан аэропортында Салих Сәйдәшев көен уйнап һәм җыр-бию белән яшь артист Ришат Әхмәдуллинны каршы алды. Ришат Әхмәдуллин да чемоданын куеп артистларга кушылды. Оркестр белән аның дирижеры Фоат Әбүбәкеров җитәкчелек итте. Каршылаучылар арасында театрның танылган яшь артистлары Раил Шәмсуаров, Алмаз Гәрәев, Алмаз Сабирҗановлар бар иде.

Казан аэропортындагы бу тамаша – театрның “визит карточкасы” булган “Зәңгәр шәл” спектакленнән Булатны каршы алу күренеше иде. Ришат Әхмәдуллин – театрның чираттагы Булаты, бу рольне Азат Аббасов, Мәсгут Имашев, Наил Әюпов, Әсхәт Хисмәт, Рамил Төхфәтуллиннардан соң лаеклы дәвам итүче яшь артист.

Флэшмоб в Казанском аэропорту

Ә театрның аэропортка килүе – татар театры үткәргән чираттагы флэшмоб иде. Камал театры пиар-хезмәте аны яңа сезон ачылу уңаеннан оештырды.

Театрның Матбугат үзәге җитәкчесе, маркетинг һәм PR буенча директор урынбасары Илшат Латыйпов төрле флэшмобларны трамвайда да, метро да үткәрүләрен искә төшерә. “Ул үз нәтиҗәләрен бирә. Күрәсезме, аны күпме пассажир һәм аларны каршы алучылар телефоннарына төшерде. Бу видеокадрлар һәм фотолар социаль челтәрләр аша таралачак”, - ди ул.

Флэшмоб в Казанском аэропорту

Илшат мондый флэшмобларны оештыруның зур кыенлыклар тудырмавын әйтә. Театрның бу теләгенә аэропорт җитәкчелеге дә, метрополитен җитәкчелеге дә каршы килмәгән.

Артистлар да мондый акцияләрнең кирәклеген аңлый. Әлбәттә, көтелмәгән урыннарда образга керүнең авыррак булуын да билгеләп үтәләр.

Флэшмоб в Казанском аэропорту

Искәртеп үтәбез, 6 октябрьдә легендар "Зәңгәр шәл" спектакле белән Камал театры яңа 112нче сезонын ача.

Илшат Латыйпов сүзләренә караганда, сезон ачылышына инде билетлар калмаган. 



сылтама: http://tatar-inform.tatar/news/2017/09/26/149033/

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Оясында ни күрсә... Оясында ни күрсә ...Очканында шул булыр. Халкыбызның буыннан-буынга күчеп килгән әлеге мәкале бүген дә үзенең актуальлеген югалтмый. Ә очар өчен һәр кешегә ныклы канатлар, кайтырын сагынып көтә торган нигез кирәк. Бала өчен ул башта ата-ана йорты булса, үсә төшеп насыйбын очраткач, үз өенә әверелә. Бүгенге геройларыбыз Земфира һәм Рамил Әхмәтшиннарның йорты да хәзер туганнарны гына түгел, балаларны, оныкларны бергә туплый торган җылы учак булып тора.
    2511
    28
    243
  • Үгиләр... Илзирә бүген әбисенә төшеп китте. Әнисенә үпкәләде. Үз әтисе үлеп, икенче иргә кияүгә чыкканнан соң әнисе ике арада өзгәләнә: бер яктан балалары, икенче яктан яңа ире. Ир – ир инде ул. Ничек Илзирәгә ышанмый әнисе?! Ана кеше иренә түгел, кызына ышансын өчен нәрсә эшләргә кирәк бу Хариска? Башка чыдар хәле калмады бугай кызның...
    6425
    2
    94
Реклама
Соңгы комментарийлар
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан