Быел Казанда Татар яшьләре көннәрендә илнең төрле төбәкләреннән 150 ләп делегат көтелә

Быел Татар яшьләре көннәре 11-17 июль көннәрендә “Идел” яшьләр үзәге (Лаеш районы, Бор.Матюшино бистәсе) базасында узачак. Биредә Россия Федерациясе һәм чит илләрдән 150дән артык делегат катнашуы көтелә. Бу хакта “Татар-информ” хәбәрчесенә “Идел” яшьләр үзәге директоры Ләйсән Сафина хәбәр итте.

1990 елдан башлап әлеге чара Россия Федерациясенең төрле төбәкләрендә һәм чит илләрдә яшәүче татар яшьләрен берләштерә. Ул яшьләрне милли-мәдәни яктан беләрштерү, эшлекле мөнәсәбәтләрне киңәйтү, яшьләр сәясәте, фән һәм мәгариф өлкәсендә мәгълүмат алышу, тәҗрибә уртаклашу, туган телгә һәм халкыбыз тарихына кызыксыну уяту максатларын күздә тота.

Ләйсән Сафина искәрткәнчә, Татар яшьләре көннәрен оештыручылар – Татарстан Республикасы Яшьләр эшләре һәм спорт министрлыгы, Татар федераль милли-мәдәни автономиясе, “Идел” яшьләр үзәге.

“Бүгенге көндә 26 нчы Татар яшьләре көннәрендә катнашуга кандидатлардан заявкалар кабул ителә, әлегә төгәл кайсы төбәкләрдән һәм күпмешәр урын бүлеп биреләчәген әйтә алмыйбыз. Программа әзерлек этабында”, - дип белдерде Ләйсән Сафина һәм кайсы төбәккә күпме квота каралуы төгәл июнь ахырында билгеле булачагын әйтте. Аның сүзләренә караганда, хәзерге вакытта яшьләрдән анкеталар кабул ителә. Татар яшьләре көннәре кысаларында яшьләр үзләре оештыра алырдай чараларның проектлары өйрәнелә. Квоталар күләме дә шуңа нигезләнәчәк.

Ләйсән Сафина, инде берничә ел дәвамында Татарстаннан читтәге төбәкләрдә яшәүче татар балалары һәм яшьләре өчен методик ярдәмлекләр чыгарыла, диде. Читтән яшәүче яшь милләттәшләребез даирәсендә үткәреп була торган чаралар турындагы бу китап Татар яшьләре көннәренә килгәннәргә таратылачак. “Методик кулланма ярдәмендә яшьләр дискуссион клуб, төрле уеннар, флеш-моблар форматындагы чараларны үзләрендә үткәрә алачак”, - диде ул. Мисал өчен, Әстерханда, Татарстанга нигезләнеп, Татар балалар лидеры мәктәбе эшләп килә. Екатеринбургта күп еллар элек “Татар килене” дигән махсус проект уйлап табылган. Соңрак ул берничә төбәктә гамәлгә ашырылган.

“Быелгы программа да кызыклы булыр, яшьләрнең яңа идеяләрен ишетербез дип өметләнәбез, - дип ышанычын белдерде Ләйсән Сафина. Быел да, гадәттәгечә, яшьләрне Казанның күркәм урыннарына, Болгарга экскурсияләргә алып бару планлаштырыла. - Татар яшьләре көннәре кысаларында кечкенә генә Сабан туе, “Татар кызы", “Татар егете”, “Танцпол йолдызы”, “Идел моңы” кебек конкурслар да узар дип өметләнәбез”, - диде Л. Сафина.

Башка елдагыча, Татар яшьләре көннәренең лидеры сайланачак. “Оештыру комитеты үз төбәгендә ел дәвамында актив эшләгән берничә кандидатураны тәкъдим итә. Татар яшьләре көннәрендә катнашучылар яшерен тавыш бирү юлы белән сайлый. Алдагы елларда 9-10 лап лидер барладык, былтыр лидер исеменә Сарытау өлкәсе Татар яшьләре иҗтимагый оешмасы җитәкчесе Реналь Иксанов лаек булды”, - дип билгеләп узды Ләйсән Сафина.

чыганак

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
Реклама
Соңгы комментарийлар
  • 20 июнь 2021 - 07:03
    Без имени
    Дауамын языгыз
    Сигез сумлык үтүк
  • 18 июнь 2021 - 22:51
    Без имени
    Төкерә хәзер сиңа Әсмабикә!
    Әсмәбикәм, гафу ит!
  • 19 июнь 2021 - 04:36
    Без имени
    Эйе. Молодец Физвлия апа.
    Әсмәбикәм, гафу ит!
  • 19 июнь 2021 - 07:00
    Без имени
    Бик килешәм
    Ике куллы һәм дүрт куллы
  • 19 июнь 2021 - 09:10
    Без имени
    Ирегез чүп түгә, почта ящигын карый, аның өстенә ашарга пешерүдә дә катнаша икән, тагын сез ни көтәсез аңардан?!Эшлидер бит?! Иртән жыенып документ-телефоннарын онытмыйча чыгып китә алсалар бик рәхмәтле булырсың ирләргә, аларны табигать шулай яраткандыр күрәсең.
    Ике куллы һәм дүрт куллы
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан