Бүләккә – телевизор!

Бүләк иясе – мәктәп, мәгариф, укытучылар дөньясына билгеле кеше, газета-журналларның дусты Раиф Кәримулла улы Зиннәтуллин. Ул Чаллыдагы Гали Акыш исемендәге лицей директоры вазыйфаларында да, Татарстан Республикасы Мәгариф һәм фән министрлыгында эшләгәндә дә, хәзерге көндә шәһәр методик үзәгендә дә өстәлендә һәрчак көндәлек матбугат. Бу юлы да 11 басмага язылган! Алардан тыш, шәхси басмаларны да алдыра икән. «Сере – балачакта ук газета -журналлар белән тәрбияләделәр безне, – ди. – Мамадышта чыга торган район газетасыннан башлап, балалар, яшьләр матбугатын укып бардык. «Сөембикә»не «Азат хатын» чагыннан ук укый идек. «Мәгариф», «Безнең мирас» журналларын да күптән укып киләм», – диде ул.
Җиңүегез белән котлыйбыз, Раиф әфәнде! Киләчәктә дә бергә булыйк!