Төче камырдан пешкән өчпочмак

рецепт на русском языке
 
Төче камырдан пешкән өчпочмаклар аеруча тәмле була! Кетердәп тора, авызда эреп кенә китә!
Камырны бик юка итеп җәйсәк тә, ул ертылмый. Моның кечкенә генә бер сере ул. Ул сер – бер уч манный ярмасы!


 
Кирәк:
Камыр өчен:
* он – 3 стакан;
* манный ярмасы – 1 аш кашыгы;
* тоз – 1/2 чәй кашыгы;
* су – 100 мл;
* сыер мае – 100 г.

Эчлек өчен:
* сыер һәм тавык ите – 300 г;
* бәрәңге – 3 данә;
* башлы суган – 3 данә;
* укроп – 20 г;
* тоз, борыч – 1/2 чәй кашыгы.

Эш барышы:
1. Онны иләп, уртасында уем ясыйбыз. Манный ярмасы һәм тоз сибәбез.


2. Әкрен генә боздай салкын су агызабыз һәм чәнечке белән болгатып җибәрәбез.



3. Йомшак маргарин яки сыер маен шакмаклап турап, онга салабыз һәм камыр басабыз.



4. Камырны савытка салып, өстен ризык элпәсе белән каплыйбыз. Бер сәгатькә суыткычка куябыз.


5. Шул арада иттарткычтан бертигез пропорциядә сыер ите белән тавык итен чыгарып, бергә катнаштырабыз. Бәрәңге белән башлы суганны вак шакмаклап турыйбыз. Боларны тирән эчле зур савытка салып туралган укроп кушабыз, тоз, борыч сибәбез. Болгатабыз.



6. Әзер камырны кабат бераз басабыз һәм юка итеп җәябез. Чәй тәлинкәсе зурлыгында җәелгән түгәрәкләрнең уртасына эчлек салып чыгабыз.
 


7. Камырны, уртасында тишек калдырып, өч урыныннан чеметеп алабыз. Уртасыннан тотынып, кырыйларына таба чеметеп чыгабыз.



8. Өчпочмаларны кәгазь җәелгән табага тезеп чыгабыз. Алдан 205 градуска җылытылган мичтә 40-60 минут пешерәбез. Әмма 25 минут узуга, өчпочмакның аскы өлешен тикшерәбез. Көеп китәрлек булса, аска кайнар сулы таба куябыз.


  9. Әзер өчпочмакларны чәй яки яшел аштәмләткеч үләннәр сибелгән шулпа белән табынга чыгарабыз.
 
 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Кар патшабикәсе Билгеләнгән вакытта кафеда иде инде кыз. Ишекне ачып керде дә, ярым буш залга күз йөртеп, үзенә кирәкле кешене эзләде. Гомерендә беренче күрүе булса да, ул аны әллә каян таныды. «Снежная королева!» – дигән уй сызылып үтте кабат. Ханбикәләрдәй затлы иде ханым.
    7825
    1
    107
  • Хәшәрәт – Әни, без Фәридә белән өйләнешергә булдык. Син каршы түгелсең бит, әйеме? Зөлфия, улының бу хәбәренә күптән әзер булса да, каушап калды. Бу минутта теленнән нинди генә сүз төшсә дә, ничектер урынсыз, ялгыш булыр кебек тоелды.
    6288
    1
    97
  • Тапшырылмаган имтихан Без еш кына: «Күргәннәрдән китап язырлык, кино төшерерлек», – дибез. Беркемнең дә язмышы ал да гөл түгел. Тик кайберәүләр, аның кире якларын оста итеп яшерә,
    5013
    4
    76
  • Гомернең ике яры Бездә бүген – дебют! Гөлнур Сафиуллинаның дебюты! Ниһаять!.. Аның хикәяләр яза башлавын бик көткән идек без. Хәер, Гөлнурның журналист язмалары ук чын хикәя итеп кабул ителә: йә елмаеп, йә күз яшьләрен тыярга тырышып укыйсың... Ә геройлары үзенә охшаган: тыйнак, акыллы, сизгер күңелле, серле... Кечкенә генә бер сүзе, карашы, хәрәкәте белән дөньяларны үзгәртә, гап-гади тормышны ямьгә төрә белгән... Менә шулай! Хикәяләрендә – фәлсәфә, хисләр, сизгер хатын-кыз йөрәге, тагын әллә ниләр – кыскасы, өр-яңа халәт!
    4176
    5
    47
  • Карындашым – көндәшем  Язын чәчәк аткан алмагачның чәчәкләре ап-ак, бик матур. Ләкин нигә соң алмаларының тәме бертөрле түгел? Берсе баллы, ә икенчесе, карар күзгә матур булса да, эчендә – корт. 
    7428
    1
    43
Реклама
Соңгы комментарийлар
Реклама
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»
Кешелек хакында фәлсәфи уйланулар, робот София һәм ипи
Балачак – уйнар чак...