Чебурек

Тәҗрибәсе аз булган хуҗабикәләр! Чебурек пешереп карамаган булсагыз, бу рецепт – сезнең өчен. Инде остарып беткән хуҗабикәләргә дә моны белү файдалы булыр дип уйлыйм. Чебурек камыры йомшак, сузылучан, үзле булып чыга, шуңа күрә аны юка итеп җәеп була. Эчлек өчен әзерләнгән фаршка бу юлы кефир өстәп карадым һәм бик канәгать калдым. Эчлек сусыл, йомшак килеп чыкты! Тагын бер сере шунда: ябыштырыр алдыннан кырыйларына су тидереп алсаң, сусыл эчлек кырыйлардан агып азапландырмас.

16 чебурек өчен кирәк:
* 2,5 стакан он;
* 1 стакан кайнар су;
* 1 чәй кашыгы тоз;
* 1 чәй кашыгы песок;
* 2 аш кашыгы минераль су;
* 4 аш кашыгы үсемлек мае.



Эчлек өчен:
* 350-400 г сыер яки сарык итеннән фарш;
* зуррак 2 баш суган;
* 1 учма петрушка үләне;
* 1 чәй кашыгы кавказ аштәмләткечләре;
* 1 чәй кашыгы тоз;
* 2-3 аш кашыгы кефир;
* кыздырыр өчен 100 г үсемлек мае.
 

Эш тәртибе:

1. 2 стакан иләнгән онны табакка салабыз да уртада түгәрәк ясап, тоз белән шикәр, 4 аш кашыгы үсемлек мае, 2 аш кашыгы минераль су өстибез. Аннан, кап-кайнар 1 стакан су салып, камыр басабыз.


2. Әзер камырның өстенә он сибеп, азык-төлек пленкасы белән каплап, 1 сәгатькә кабартырга куябыз.


3. Әзер фаршка (ул майлырак булса, әйбәтрәк) вак итеп туралган суган, шулай ук вак итеп туралган петрушка, тоз, кавказ аш тәмләткечләре  өстибез. Аннан бу катнашмага майлылыгы югары булган кефир кушабыз. Әйткәнемчә, ул аны сусыл һәм йомшак итә. Әйбәтләп болгатабыз. Эчлек әзер.


4. Камырдан калынлыгы 2-3 мм булган вак кына шарчыклар ясап җәябез.


5. Җәймәләргә чәй тәлинкәсе каплап, кырыйларын пычак белән тигезләп алабыз.


6. Җәймәнең бер яртысына тулы 1 аш кашыгы эчлек салып, кырыйларына җитмичә, тигезлибез.


7. Кырыйларына су сөртеп алабыз (шулай итсәң, әйбәт ябышачак, суы да агып чыкмый).


8. Эчлекне җәймәнең икенче яртысы белән каплап, ябыштырабыз.
Бизәкле булсын өчен һәм тыгызрак ябышсын өчен, чәнечке белән тыгызлап алабыз.


9. Үсемлек маен табага салып, утка куябыз, кызгач, чебурекларны шунда салып җибәрәбез.
Уртача утта ябык капкач астында һәрбер чебурекны ике яклап, әйләндерә-әйләндерә, кимендә 5-7 минут кыздырабыз (алар, кубыкланып, алтынсу төскә кергәнче).
Әзер чебурекларны киң кырлы кәстрүлгә урнаштырып, капкачын томаларга кирәк.


10. Гадәттә, чебуреклар яшел аштәмләткечләре һәм сарымсаклы ит шулпасы белән табынга бирелә.


Ашларыгыз тәмле булсын!

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (2)
Cимвол калды:
  • 3 июль 2022 - 03:01
    Без имени
    Гөлназ! Рәхмәт сезгә! Марина Дмитриевага җиткерербез!
  • 3 июль 2022 - 03:01
    Без имени
    Марина Дмитриева рецептлары буенча пешерган ризыклар гел уна хам бик тэмле була. Бик зур рахмат сезга.
Хәзер укыйлар
  • Балдаклар, туй күлмәге калды, ә мин... Сүземне ерактанрак башлыйм әле. Әти үлгәндә мин әле тумаган да булганмын – әни 7 айлык корсаклы килеш калган. Аңа бу вакытта нибары 21 яшь булган...
    7476
    2
    51
  • Рәхмәт, әнием! Аның ирен үтереп ташладылар. Дөресрәге, үләр дәрәҗәгә җиткәнче кыйнап ыргыттылар... Аңсыз гәүдәсен өйләреннән ике йөз метрлар чамасы җирдә, барак кебек шыксыз йортларның пычрак ишегалдыннан таптылар...
    4342
    0
    34
  • Бар җылымны сиңа бирәм, әни... Әнигә бар җылыңны да, назыңны да, яратуыңны да бирәсең, чөнки ул әни, һәм башкача уйлау, яшәү мөмкин түгелдер... Ә үз әниең булмаса?! Кемгә бүләк итәргә? Сине ничек бар шулай кабул итә торган кем бар тагын?! Әни бар! Иремнең әнисе!
    2254
    0
    33
  • Синнән башка беркем кирәкми Нурзидә белән Рәдиснең балалары юк. Күп еллар юк инде. Нурзидә моның белән күптән килеште. Рәдис тә килешкән кебек булган иде... 
    3047
    1
    31
  • Бергә булырга язмаган безгә... Хәзер аңлыйм: мин бик тырыш, яхшы укучы бала булганмын. Һәм шуның өстенә соң өлгергәнмен. Мәктәптә кайберәүләр бишенче класстан ук егетләр белән аралашып, егет сөйгәнгә исләрем китеп карый идем. Артык хисләнеп тормыйча гына дөньяны җигелеп тартучы әти-әни үрнәге дә шул булгандыр. Алар артык мәхәббәт маҗараларыннан башка гына, димләп өйләнешкән кешеләр иде. Егет сөю бер оят эш төсле тоелган миңа.
    2555
    0
    16
Реклама
Соңгы комментарийлар
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда