Төрекчә пилмән

Кирәк:

Камыр өчен:
* югары сортлы он – 4 стакан;
* авыл йомыркасы  – 2 данә;
* тоз – 1 чәй кашыгы;
* су – якынча 200 мл


Фарш өчен:
* туралган сыер ите  – 500 г;
* башлы суган – 3 данә;
* петрушка – 30 сабак;
* кара борыч – 1/2 чәй кашыгы;
* тоз – 1 чәй кашыгы (өймичә генә);
* сыер мае – 2 аш кашыгы;


Соус өчен:
* сарымсак – 5 теш;
* чили кайен борычы – 1 чәй кашыгы;
* ак йогурт – 200 мл;
* бөтнек – 5-8 яфрак;
* тоз – бер чеметем.

 

Эш барышы:

1. Он уртасына уем ясыйбыз да аңа ике йомырка сытабыз. Тоз сибәбез. Болгатабыз.


2. Өстенә бүлмә температурысындагы суны салмак агызып камыр басабыз.  Шар формасына китерәбез дә, савытка салып, пленкага белән каплыйбыз. Бер сәгать шулай торсын.


3.  Бу вакытта фаршка тоз, борыч, туралган петрушка салып болгатабыз. Камырны юка итеп җәябез һәм шакмаклап (5*5 см) кисәбез. Һәр шакмак уртасына тулы булмаган чәй кашыгы фарш салып чыгабыз.


4. Шакмакларның очларын тоташтырабыз. «Төенчек» килеп чыга.



5. Пилмәннәрне коры табага күчерәбез.
6. Өстенә сыер мае агызабыз һәм 5-7 минут салмак утта тотабыз.  



7. 200 мл кайнап торган бульон яки су агызып, капкачын каплыйбыз. 15 минут пешерәбез.


8. Соус әзерлик. Классик ак йогуртка туралган бөтнек, чили борычы, сытылган сарымсак, бер чеметем тоз салабыз. Яхшылап туглыйбыз.


9. Әзер пилмәнгә соус агызып, петрушка яфраклары белән бизибез.