Ризотто




Мастер-классны яшь җырчы Рамил ЗАКИРОВ үткәрә.


Рамил – Чаллы егете. Узган ел гына Казан дәүләт мәдәният һәм сәнгать университетын тәмамлаган. Укытучысы – Венера Ганиева. Аңынчы әле ул Америкаларда эшләп кайтырга, үзенең бизнесын ачарга өлгергән. Америкада яшәгәндә үк аның Айнур Шәрипов белән яздырган «Күк төсле күзләр» җыры татар яшьләре арасында шактый популярлык казана. Дискотекаларда ут өертеп биегән җырның Рамил Закировныкы икәнен генә беркем белми. Океан артыннан иҗатка сусап кайта Рамил. Күңеле үз итеп өлгергән Көнбатыш аһәңнәрен татар җырына да кертергә, яңача көйләр язарга дәртләнә. Ләкин җыр дәрьясына тирәнрәк кергән саен, татар көйләренең башка бер генә халыкта да булмаган үзгә матурлыгына таң кала. «Безгә көнбатыш көйләре белән мавыкмаска, ә үз мелизмнарыбызны сакларга, үзебезнеке генә булган, башкаларныкыннан аерылып торган көйләребезне дөньяга танытырга кирәк икән. Татар моңын башка бер аһәң белән дә алыштырып булмый», – ди Рамил Закиров. Бүгенге көндә ул үзенең иҗат төркеме белән Татарстан районнары буйлап концертлар куя, мәңгегә истә калырлык итеп туйлар оештыра, радиога җырлар яздыра. Кыскасы, иҗат дәрте белән янып йөргән көннәре. Яңарак кына Америкада яшәүче дусты Рәшит Галимов ярдәме белән «Тик син генә» җырына клип төшергәннәр.
«Яшьләрнең күбесе Америкада яшәп калырга тырыша, синең андый теләк булмадымы соң?» – дигәнебезгә, «Юк, мин Америкада яши алмыйм. Сәер гадәтләр анда. Бөтен нәрсә акчага корылган. Чын дус санап йөргән америкалыдан кечкенә генә берәр ярдәм сорасаң, беренче соравы – күпме түлисең? Дуслык шундый була димени? Әйе, гел елмаеп йөриләр, гел дустанә кебек тоелалар. Елмаеп йөргәч, бу кеше бик ихластыр, ярдәмчелдер, миһербанлыдыр дисең, күңелең шуңа ышана. Аннан соң ул кешенең һәр адымын акча белән исәпләгәнен беләсең дә, гайрәт чигә. Яки менә ризыкларын алыйк. Мин үзем аш-су тирәсенә якын торгач, Казанда суши-барым бар иде, Америкада да ресторан бизнесында эшләдем, ризыкларның сыйфатына бик нык игътибар итәм. Америкада бер кеше дә ачтан үлми, диләр. Ачтан түгел, ясалма ризыкларны организмы эшкәртә алмыйча, симезлектән үләләр анда. Кибетләрдә күп ризык әллә нинди ясалма. Помидорлары – пыяла кебек, бер ел торсын, бер ни дә булмый. Сөтләре – әчеми, майлары – бозылмый, яшелчәләре – череми, ипиләре – күгәрми. Аларның ашларына ияләнә алмадым мин. Үзебездә үскән чып-чын яшелчәләрне, җимешләрне ашыйсым килде. Дөрес, табигый ризыклар Америкада да бар, тик алар махсус кибетләрдә сатыла һәм кыйммәт тора. Үз илебездә рәхәт миңа», – ди җырчы егетебез.
Җырдан тыш, тагын бер яраткан шөгыле бар Рамилнең – җырлый-җырлый ашарга пешерергә ярата. Бүген ул «Сөембикә» укучыларына итальяннарның иң популяр ризыгы (пиццадан кала, билгеле) – ризотто пешереп күрсәтә.

Кирәк:



1 кг тавык ите;
200 г дөге (ризотто өчен арборио, басмати,  виалоне нано, карнароли сортлары яхшы. Бик тырышканда гади дөгедән дә яхшы ризотто әзерләргә була);
2 баш суган;
3-4 тырнак сарымсак;
2 кишер;
100 г атланмай;
100 г каты сыр;
тоз-борыч.

Эш барышы

Тавык итен сөякләреннән аралап, шакмаклап турыйбыз.



Сөякләреннән шулпа кайнатырга куябыз. Күбеген җыеп алганнан соң, шулпага турамыйча гына бер баш суган белән, кишер салабыз, тәменчә тоз өстибез.



Шулпа әзер булгач, сөзеп, янә талгын утка утыртабыз. Ризотто өчен шулпаның гел кайнар булуы мөһим.

Калын төпле табада атланмайның яртысын эретеп, иң элек суганны кыздырып алабыз.




Суган яртылаш кызгач (аны көйдерми кыздыру бик мөһим), шакмаклап туралган кишер өстибез.



Кишер йомшаргач, туралган тавык итен салабыз. 



Дөгене юып, ит өстенә салабыз һәм болгата-болгата ит белән бергә кыздырабыз.



Озак кыздырырга кирәкми, 3-4 минут җитә. Дөге күмелер-күмелмәслек итеп кенә кайнар шулпа агызабыз, 3-4 тырнак сарымсак батырабыз. 



Ризотто ашчының гел үз янында булуын, шулпа өстәп торуын таләп итә. Дөге тәмам әзер булганчы кайнар шулпа өсти барып, болгата-болгата пешерәбез. Ризотто пылау кебек таралып та тормаска, шул ук вакытта дөге боткасына да әверелмәскә тиеш. 
Итальяннар үзләре дөгенең бераз терерәк калганын ярата. Аль-денто, диләр андыйны. Дөге әзер булгач, уттан алып, калган атланмайны өстибез, уылган сыр сибәбез. Барысын бергә сак кына болгатабыз. 



Ризотто кайнар килеш кенә ашала торган ризык. Аны табынга сай тәлинкәгә салып, яшел аштәмләткечләр белән бизәп чыгаралар.




Ашларыгыз тәмле булсын! 

 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Реклама
Хәзер укыйлар
  • «Таккан белән теккән кебек без...» – Кайнана белән ничек торасың син? Минем сыман гомер буе бием белән яшәгән, башкалар кайнаналарын сөйләгәндә сүзгә кушылмаган кешегә бу сорауны бик еш бирәләр. Җавабым гел бер була минем: – И-и, рәхәт бит аның белән! – дим. Чын күңелдән әйтәм! Бер риясыз...
    4462
    10
    114
  • Гомерем усал кайнана, исерек ир белән үтте 8   Рәфис тә, кайнатам да туасы баланың малай булуын  бик тели иделәр.  Ирем: «Малай тусын, Алладан сорап дога кыл әле», – дип, авылдагы сукыр Фәния карчыкка сәдака да илтеп бирде. Ул заманда туасы баланың кызмы, малаймы икәнен алдан белеп булмый иде шул...
    13010
    2
    90
  • «Ирең яратсын дисәң, кайнанаңны ярат» – Бу – төп нигез. Ишле гаилә! Эшле гаилә! Монда килгән-киткән кеше дә бик күп булыр. Ә син шушы йортның хуҗабикәсе булырсың! Әнинең – кайнанамның туйда әйткән бу сүзләре бүгенгедәй колагымда яңгырап тора. Ул көнне ишеткән теләкләрнең бик күбесе күптән онытылды, ә әнинекеләрне гомерлеккә хәтерләп калганмын. Матур тормышның башы шушы сүздән үк башлангандыр.
    2753
    9
    88
  • Гомерем усал кайнана, исерек ир белән үтте 11 Көн артыннан көн, ай артыннан ай узды. Икенче балама көмәнле вакытымда без, кайнана белән кайната яшәгән йорттан башка чыгып, үз йортыбыз белән яши башлаган идек...
    11084
    13
    75
  •  Гомерем усал кайнана, исерек ир белән үтте 10  Мин, иремне уятмаска тырышып, куенымда мыш-мыш килеп йоклаган баламны саклык белән агач караватка китереп салдым. Өстемдәге пальтомның төймәләрен чишеп, чөйгә өлдем. Урамда апрель башы булуга карамастан бик суык иде шул, кар да эреп бетмәгән. Салкын төндә печән өстендә баламны кысып кочаклаган килеш төн кундым бит.
    13595
    4
    73
Реклама
Соңгы комментарийлар
  • 29 сентябрь 2022 - 14:49
    Без имени
    Очень жизненно интересная история!👏👏👏
    Үз кызы итеп кабул итте
  • 29 сентябрь 2022 - 13:17
    Без имени
    Искиткеч шагыйрэ!
    Лена Шагыйрьҗан шигырьләре
  • 29 сентябрь 2022 - 20:53
    Без имени
    ФӘгыйләүүүүү, сез кая?) дәвамын көтәбез бит, һаман язмыйсыз. Языгыз инде, тизрәк укыйсы килә биииииит!!!!😻
    Гомерем усал кайнана, исерек ир белән үтте 11
  • 28 сентябрь 2022 - 08:57
    Без имени
    Эчә инде ул,туктамый хәзер.Алма агачыннан ерак төшми шул.Ераграк тәгәрәгәне бик сирәк аның.Бер ни эшли дә алмыйсыз,кызганыч.Ә кызыгыз,нәрсә булса да булыр инде диеп,буйсынган тормышы белән....
    Бүре баласын бүреккә салсаң да...
  • 27 сентябрь 2022 - 18:49
    Без имени
    Кияугэ чыкканда баласы бар икэнен белмэдегез мени? Ул беренче хатыны хэм баласы янына кире китэргэ дэ момкин, беренче хатын Аллахтан
    Баладан көнләшәм
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда