Кесадилья

 

Кесадилья – бодай һәм кукуруз оныннан пешергән күзикмәккә (тортильи) эчлек салып кыздырылган мексикан ризыгы. Эчендә тавык ите дә, сыер ите дә, гөмбә дә булырга мөмкин. Шулай ук төрле сортлы сыр да – эчлекнең төп ингредиенты. Аны төрләндерү үзегезнең фантазиягездән тора. Эчлекне алдан ук әзерләп куярга да мөмкин. 

Кирәк: 

6 күзикмәк (тортильи); 

200 г тавык түше; 

1 данә болгар борычы; 

1 баш суган; 

200 г шампиньон гөмбәсе; 

150 г каты сыр; 

100 г «Рикотта» яисә эремчекле сыр; 

тәменчә тоз, борыч; 

кыздырыр өчен 2 аш кашыгы үсемлек мае. 

 

Эш барышы: 

Тавыкның  түш итен, суганны вак итеп турап, үсемлек маенда кыздырабыз. Бер-ике минут узгач, саламлап туралган борыч өстәп, тавыкның түш ите әзер булганчы бергә кыздырабыз. 


Икенче табада шампиньон гөмбәсен кыздырып, тавык ите белән катнаштырабыз.

Тоз, борыч сибәбез. Эчлек әзер. 

Хәзер күзикмәкләрнең ярты ягына угычтан уылган сыр түшибез. Сыр өстенә эчлек салабыз. Эчлектән соң «Рикотто» һәм эремчекле сыр сортлары куябыз. Һәм иң өске катка тагын сыр сибәбез. 

 

Эчлекне җәемнең икенче ягы белән каплап, тыгызланып ябышсын өчен, кул белән баскалап тигезлибез.

Табага үсемлек мае агызып, күзикмәкне ике яклап алсу төскә кергәнче кыздырабыз. 

Әзер кесадильяне өчпочмаклап кисеп, табынга кайнар килеш, яшел тәмләткеч үләннәр туралган каймак белән чыгарабыз. 

Тәмле булсын! 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
Соңгы комментарийлар
  • 2 июнь 2020 - 21:51
    Без имени
    Бигрэк матур язылган, Бер тында укыла торган хикэя
    Әкълимә
  • 3 июнь 2020 - 07:15
    Без имени
    Тарихын белмәсәм дә җырчы яратам идем.Бик шәп җыр.(Гөлнур.)
    ПАР АЛМАДАЙ ИДЕК, БАГАЛМАДАЙ...
  • 2 июнь 2020 - 15:27
    Без имени
    Бэхетсез кешелэр генэ яши.....Кубесе бэхетле булып килештергэн була ...
    «Иң авыры – якыннар хыянәте...» 
  • 2 июнь 2020 - 14:01
    Без имени
    Минем дэ кызык шундый ир белэн торды . Аерылды хэзер башка ир белэн . Бәхетле.
    Бәхет шәүләсе
  • 2 июнь 2020 - 09:16
    Без имени
    Физалия ханым, хэерле иртэлэр! Хикэялэрегез бигрэк йорэккэ утешле, рэхмэт. Хикэя язучылар куп, лэкин грамматик дорес язучылары сирэк, хата тозэтеп укып, игътибарны туплап та булмый
    Хәерле булсын сәфәр
Бу – безнең уртак тарихыбыз
Журналыбыз архивыннан
«Объективта – әни»
Кешелек хакында фәлсәфи уйланулар, робот София һәм ипи
Балачак – уйнар чак...