Каклаган помидор

Сезнең помидор каклаганыгыз бармы? Итальяннар уйлап чыгарган бик тәмле ризык ул. Аны салатларга кушарга, ит, балык, токмач янына бирергә була. 
 

Эш барышы:

Каклар өчен бик эре булмаган тыгыз, итләч помидорлар кирәк. Аларны дүрткә бүлеп, эчен алабыз һәм пергамент кәгазе җәелгән табага бер-берсенә терәп тезеп, өстенә тоз-борыч сибәбез, һәрберсенә бер-ике тамчы май тамызабыз.

Табаны 60-100О С кадәр җылынган газ миченә куеп, 5-8 сәгать тотабыз (мичнең ишеген бераз ачык калдырырга кирәк).

Әзер помидорлар бик нык кечерәя, алар сыгылмалы, бераз гына дымлы булырга тиеш, артык киптереп, сынар хәлгә җиткермәгез.

Чиста банканың төбенә бераз гына сыек май (зәйтүн яисә чистартылган көнбагыш мае), берничә тармак бәбрия (розмарин), орегано, телемләп туралган бер төш сарымсак салып, банканың өчтән берен суынган помидорлар белән тутырабыз. Аның өстенә янә май, тәмләткечләр салабыз һәм шул рәвешле банканы тутырабыз. Помидорларны кашык белән бераз тыгызлап, өстеннән сыек май агызабыз (помидорлар күмелергә тиеш, югыйсә бозыла) һәм чиста капкач белән каплап, салкынча караңгы урынга куябыз. Какланган помидорлар алты ай саклана. 

P. S. Бакчагызда бәбрия белән орегано үсмәсә, кибеттән «Прованс тәмләткечләре»н сатып алырга мөмкин.
 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Оясында ни күрсә... Оясында ни күрсә ...Очканында шул булыр. Халкыбызның буыннан-буынга күчеп килгән әлеге мәкале бүген дә үзенең актуальлеген югалтмый. Ә очар өчен һәр кешегә ныклы канатлар, кайтырын сагынып көтә торган нигез кирәк. Бала өчен ул башта ата-ана йорты булса, үсә төшеп насыйбын очраткач, үз өенә әверелә. Бүгенге геройларыбыз Земфира һәм Рамил Әхмәтшиннарның йорты да хәзер туганнарны гына түгел, балаларны, оныкларны бергә туплый торган җылы учак булып тора.
    2177
    28
    234
  • Үгиләр... Илзирә бүген әбисенә төшеп китте. Әнисенә үпкәләде. Үз әтисе үлеп, икенче иргә кияүгә чыкканнан соң әнисе ике арада өзгәләнә: бер яктан балалары, икенче яктан яңа ире. Ир – ир инде ул. Ничек Илзирәгә ышанмый әнисе?! Ана кеше иренә түгел, кызына ышансын өчен нәрсә эшләргә кирәк бу Хариска? Башка чыдар хәле калмады бугай кызның...
    5938
    2
    86
Реклама
Соңгы комментарийлар
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан