Логотип
Икенче ашлар

Фета сыры һәм помидор белән паста

Бөтен социаль челтәрләрне яулап алган яңа фуд-хит бу!


Бөтен социаль челтәрләрне яулап алган яңа фуд-хит бу!  

Фета сыры белән паста рецептын иң беренче булып Тиу Пирет дигән блогер 2018 елда үзендә урнаштыра.  

Бер елдан соң фин блогеры Дженни Хайренин әлеге рецептның тагын да җиңелрәк вариантын тәкъдим итә.  

Һәм шуннан башлана!  

Хәзер дөньның бөтен фудблогерлары сыр һәм помидор белән паста әзерли. Бу видеорецептны караучылар саны миллионнар белән исәпләнә.  

Гаҗәп тә түгел. Беренчедән, ул бик тәмле күренә, икенчедән, әзерләве дә шактый җиңел тоела.  

Ясап карыйбызмы? 

 

Кирәк: 

* черри помидоры 

* фета сыры 

* сарымсак 

* зәйтүн мае (оливковое масло) 

*базилик (свежий) 

* тоз 

* борыч 

* яраткан берәр пастагыз 

 

Әзерләү тәртибе:  

1. Табага черри помидорлары салыгыз. Алар өстенә зәйтүн мае сибегез, тоз һәм борыч өстәгез. 

 

2. Табаның уртасына фета сыры куегыз, өстенә зәйтүн мае салыгыз, борыч сибегез. 

 

3. Помидорлар һәм сыр салган табаны 200 градуска кадәр кыздырылган духовкага 35 минутка куегыз. 

 

4. Табаны духовкадан алып, аңа ваклаган сарымсак һәм базилик өстәгез, әйбәтләп бутагыз. 

 

5. Хәзер шушы соуска алдан әзерләнгән пастагызны кушыгыз һәм кабат бутагыз. 

 

Тәмле булсын! 

 

 

@feelgoodfoodie

Baked feta pasta with cherry tomatoes!! Recipe on blog • Inspired by @grilledcheesesocial ? #tiktokpartner #LearnOnTikTok #fetapasta #recipes

♬ original sound - Feel Good Foodie

Следите за самым важным и интересным в Telegram-каналеТатмедиа

Комментарий юк

Хәзер укыйлар