​Бөтнекле бәрән ите



Бу – көндәлеккә әзерләр өчен дә, кунакларны сыйлар өчен дә кулай ризык. «Сөембикә»нең бу сандагы кунаклары – җырчы пар Зинира һәм Ризат Рамазановлар безгә корбан итеннән әнә шундый сый әзерләргә тәкъдим итә. «Күп кеше бәрән итен өнәп бетерми. Бөтнек белән лимон аңа үзгә тәм бирә. Искиткеч хуш исле булып пешә ул», – дип, үзләре генә белгән серне журнал укучылар белән дә уртаклашырга булды җырчы яшьләребез.

Аз гына үзләре белән дә танышып китик әле. «Болгар» радиосы һәм «TMTV» премияләре лауреатлары Зинира һәм Ризат Рамазановлар эстрадага «Бул үземә генә» җыры белән килеп керде дә, тиз арада халык мәхәббәтен дә казанырга өлгерде. Алар башкаруындагы «Сиреньнәр», «Үпкәләмә», җырлары күпләрегезгә инде таныштыр. Без киләсе көнне дә алар яңа җыр яздыру белән мәшгуль иделәр – татар эстарадасын сөючеләргә тиздән «Син икән ул» җырын тәкъдим итәчәкләр.

Кирәк:



Зур гына бер түтәрәм ит (кабырга яки сум ите);

бер уч бөтнек;

1 лимон;

3 аш кашыгы чамасы зәйтүн мае (көнбагыш мае да ярый);

4 тырнак сарымсак;

тәменчә тоз һәм кара борыч;

кечкенә генә бер кисәк зәһәр борыч.

Гарнирга:

500 г вак яшь бәрәңге;

5-6 ваграк помидор;

3-4 данә вак суган;

бер баш сарымсак;

1 данә кызыл борыч.


Эш барышы:

итне юып, суын саркытабыз.

Бөтнекнең яфракларын аралап, вак кына итеп турыйбыз яки кул белән өзгәлибез.

Сарымсакны пычак белән изеп, кабыгыннан арындырабыз, зәһәр борычны вак кына кисәкләргә турыйбыз.



Боларның барысын да блендерга салып, бер лимонның сутын сыгабыз, үсемлек мае, тоз һәм борыч сибәбез дә, бертөсле масса булганчы ваклатабыз.



Бөтнекле массаны иткә ягып, ярты көн чамасы суыткычта тотабыз – маринадлыйбыз.

Итне алып, кашык очы белән генә бөтнекләреннән арындырабыз һәм бераз гына үсемлек мае тамызылган кайнар табада һәр ягын да кызарганчы кыздырып алабыз.



Бәрәңгене яхшылап юып, кабыгын әрчеми генә урталайга ярабыз. Эре бәрәңгеләрне түтәрәмләп турарга кирәк булыр. Помидор, суган, борычны да эре итеп турыйбыз. Сарымсакны чистартып, тырнакларын бөтен килеш кенә калдырабыз.


Яшелчәләрне иттән калган маринадка салып, яхшылап болгатабыз. Мае азрак булса, бераз гына май өстибез.


Итне табага салып, кырыена яшелчәләрне тезәбез һәм уртача кызулыктагы мичкә тыгып, йомшарганчы пешерәбез. Якынча сәгатьтән артык вакыт кирәк була.



Зур тәлинкә төбенә салат яфраклары, укроп, рәйхан, петрушка, суган кыягы түшәп, уртага итне куябыз, янына яшелчәләрне тезәбез. Кунакларга дигән итне табында килеш турасаң әйбәтрәк.



 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Балдаклар, туй күлмәге калды, ә мин... Сүземне ерактанрак башлыйм әле. Әти үлгәндә мин әле тумаган да булганмын – әни 7 айлык корсаклы килеш калган. Аңа бу вакытта нибары 21 яшь булган...
    8201
    2
    55
  • Бар җылымны сиңа бирәм, әни... Әнигә бар җылыңны да, назыңны да, яратуыңны да бирәсең, чөнки ул әни, һәм башкача уйлау, яшәү мөмкин түгелдер... Ә үз әниең булмаса?! Кемгә бүләк итәргә? Сине ничек бар шулай кабул итә торган кем бар тагын?! Әни бар! Иремнең әнисе!
    2489
    0
    40
  • Рәхмәт, әнием! Аның ирен үтереп ташладылар. Дөресрәге, үләр дәрәҗәгә җиткәнче кыйнап ыргыттылар... Аңсыз гәүдәсен өйләреннән ике йөз метрлар чамасы җирдә, барак кебек шыксыз йортларның пычрак ишегалдыннан таптылар...
    4794
    0
    38
  • Синнән башка беркем кирәкми Нурзидә белән Рәдиснең балалары юк. Күп еллар юк инде. Нурзидә моның белән күптән килеште. Рәдис тә килешкән кебек булган иде... 
    3907
    1
    33
  • Айгөл + Линар Бу язма – Татарстанның атказанган артисты Айгөл Бариеваның көндәлекләре. Аларда – ире Линар белән танышу тарихы, әнисен югалту ачысы, татар кызының ерак себердә дә үз юлына тугрылык саклавы, туган якка бөтенләйгә кайту шатлыгы. Ихлас, самими хатирәләр...
    4368
    2
    29
Реклама
Соңгы комментарийлар
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда