Баллы борычтан

Паштетлы борыч

Юылганнан соң тавыкның түш итен күмелерлек кенә сулы кәстрүлгә салыгыз да, тоз белән бөтнек яфрагы өстәп, 20-30 минут пешерегез. Ә сарымсак төшен ваклап турагыз, баллы борычны буйга урталай ярып, орлыгын әрчегез.

Аннары пешкән тавык итен вак итеп турап, блендерга салыгыз. Шуңа сарымсак, әстерхан чикләвеге, манный ярмасы, йогурт, тоз, борыч өстәп, блендерда боламык ясагыз. Барлыкка  килгән шул боламыкны яртылаш борычларга тутырыгыз да, петрушка яфрагы белән бизәп, табынга куегыз. Әлеге кабымлыкны өстенә угычта уылган сыр сибеп, мичтә пешерергә дә ярый.

Бер өлеш кабымлык өчен: тавыкның 1 өлеш түш ите, 1 бөтнек яфрагы, 1 төш сарымсак, 2 аш кашыгы манный ярмасы, 2 баллы кызыл борыч, 25 г төелгән әстерхан чикләвеге, 45 мл йогурт, петрушка кирәк.

 

Борычлы куе аш

Кисәкләп туралган итне табада җиңелчә кыздырып алыгыз. Дөгене яртылаш пешереп сөзгечтә саркытыгыз. Аннан соң ярымбоҗралап туралган башлы суганны дөге белән бергә үсемлек маенда кыздырыгыз. Итне кайнар су салынган кәстрүлдә 30 минут томалап пешерегез. Шул итле шулпага суганлы дөге, туралган бәрәңге, баллы борыч, помидор, тоз, борыч кушып, әзер булганчы пешерегез. Табынга куйганда аш өстенә туралган яшел суган сибегез.

Дүрт өлеш аш пешерү өчен: 400 г сыер ите, 4 баллы борыч, 3 бәрәңге, 2 баш суган, 2 помидор, ярты стакан дөге, 2 аш кашыгы маргарин яисә үсемлек мае, 1,5 л су, яшел суган, төелгән кара борыч, тоз кирәк.
 


Борычлы яшелчә салаты

Юып әрчелгән баллы борычны тасмалап, кәбестәне саламлап, ә кыяр белән колбасаны шакмаклап, помидорны кисәкләп турагыз. Шуңа ваклап туралган башлы суган, яшелтәмләткечләр, тоз һәм майонез кушып болгатыгыз.
Дүрт өлеш салат өчен: 1 кызыл, 1 сары һәм 1 яшел баллы борыч, 3-4 кыяр, чирек кәбестә (300 г), 1 помидор, стаканның 1/3 өлеше пешкән дөге, 100 г ветчина яисә пешерелгән колбаса, 1 баш суган, 150 г майонез, тоз, яшелтәмләткечләр кирәк.

 

Маринадлы баллы борыч

Юып орлыклары әрчелгән баллы борычны 10 минут суда пешереп алыгыз да, сөзгечтә саркытып, вак итеп турагыз. Аннары маринад әзерләгез: юылган кишер, сельдерей һәм әрчелгән башлы суганны саламлап турагыз. Шуларның барысын бергә үсемлек маенда кыздырып алыгыз. Шуңа саламлап туралган кәбестә, томат согы һәм тоз кушып болгатыгыз. Барлыкка килгән маринадны табадагы туралган борыч өстенә салып, утта 20-30 минут томалап пешерегез. Суынгач яшелтәмләткечләр сибеп, табынга куегыз.
Дүрт өлеш өчен: 8 баллы борыч, 2 кишер, 2 баш суган, ярты баш кәбестә, 1 сельдерей тамыры, 5 аш кашыгы үсемлек мае, 1 стакан томат согы, тоз, яшелтәмләткечләр кирәк.

 

Кәбестәле бәрәңге коймагы

Иң элек 250 г тозлы кәбестәне ваклап турагыз, 700 г бәрәңгене әрчеп угычта уыгыз. Шуларга 2 чи йомырка, 4 аш кашыгы он, тоз, борыч кушып барысын бергә болгатыгыз. Әлеге катнашмадан үсемлек маенда коймаклар пешерегез.
Аннары 250 г эремчеккә угычта уылган 1 төш сарымсак һәм ваклап туралган яшел суган кушып болгатыгыз. Шул эремчекне коймак белән бергә табынга куегыз.

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Кыска буйлы зур бәхет Бар яктан да килгән Миләүшәгә башка егет табылмады микән дип, шаккаттым, дөресен генә әйткәндә. Авылда өрлек кадәрле менә дигән ничә егет бар, ә аның артыннан кайсыдыр бер авылдан шушы кечкенә генә егет йөреп маташа. 
    6294
    3
    51
  • Үләнче Рушания ханым Минсәгыйрованы үзе яшәгән Спас районының Болгар шәһәрендә генә түгел, инде бөтен республикада үләнче дип беләләр
    6257
    4
    50
  • Сабырлык чиге 2  Шулай итеп, Сәрия туташ никахлы ире кочагында бер төн генә ләззәтләнеп калган. Нәрсә генә булмасын, авылда «кияүгә чыккан» дигән хәбәр таралган бит...
    8524
    0
    36
  • Ике килен-килендәш Ярты ел очрашып йөргәч, өйләнештеләр Алия белән. Барыбыз да куандык, сөендек. Ләкин гаиләбездә яңа килен барлыкка килгәч, минем кадерем бетте...
    7055
    9
    33
Реклама
Соңгы комментарийлар
  • 7 февраль 2023 - 10:21
    Без имени
    Бик зур рэхмэт сезгэ, эйбэтлэп анлаткансыз. Хэзер сезнен рецепт буенча камыр куям эле.
    Төче камыр рецепты
  • 7 февраль 2023 - 06:25
    Без имени
    Карыйсы килэ башлады инде. Бу эсэрне укыганым бар иде.
    Бала бишеге тибрәнүендә  – чиркәү чаңы
  • 3 февраль 2023 - 09:19
    Без имени
    Рушания ханымның сәләтенә, булдыклы, уңган булган ханым булганына шаккатып, исем китеп укыдым.Була бит шундый бар яктан да килгән кешеләр, сөбханАллаһ, күз тимәсен 🤲🤲🤲Сәламәтлек, озын гомер телим аңа!
    Үләнче
  • 4 февраль 2023 - 13:37
    Без имени
    Гомер ничек яшэлсэ дэ утэ.Ярый анлаган ирен,э анламаганнар анламый ул.Яшэгэн саен чарасыз тузеп яшэгэн хатынкыз азмы доньяда.Сабыр тобе Сары алтын дисэлэр дэ сэлэмэтлек бик кирэк нэрсэ.Аллакаебыз яшьлектэ хэр балага тэуфикь, сабырлык хэм уз башына акыл бирсен.Сэлэмэтлектэ булып яшик
    Сабырлык чиге 5    
  • 3 февраль 2023 - 09:42
    Без имени
    Ие ие, бау белэн бэйлэп сойрэп яткыралар ди. Шул йоремсэк ирлэрне яклап утырмагыз инде
    «Йөремсәк» хатын
Реклама
«Татар гаиләсе / килен-кайнана» бәйгесе җиңүчеләрен котлау тантанасы
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр