Бар да кабатлана

Бар да кабатлана

Хаклы түгел икәнемне
Беләм үзе.
Хаклы түгел...
Ник соң әле
Акыл минем яклы түгел?!
Әйтерсең лә, ялгыш уйдан
Ялгыш сүзләр яралганда
Хакыйкатьнең күзләренә
Өлгерәсең карап анда?!
Әйтерсең лә, үҗәт Күңел
Акыл белән көндәш түгел:
Үзе соңрак җимерәсен
Белә торып
Киртә кормый араларга?!
 

* * *

Акыл, имеш, түрә бүген!
Мине үтә күрә бүген!..
Үткән эшкә салават, дип
Аяп калу исәбе юк.
Утлы тәмугъ кисәвеме-
Җанны өтәр җиңсә берүк...
Җанны өтәр...
Ә аннары
Тынын өрер:
“Терел...терел...
Яшә, зинһар, яшә”, дияр...
Мине дә син аңла, дияр...
Мин бит сине
Саклар өчен
Җибәрелгән монда, дияр...
Идиллия!..
Рәхәт көннәр...
Соңра тагын үтәр..бетәр...
Хаклы түгел икәнемне
Тезләндереп танытырга
Килеп җитәр Акыл- җәллад!
Тәүбә итү...идилллия...
Рәхәт... газап...


* * *

“Син курыкма! Мин синең белән!”
Бала чакның гамьсез көннәреннән
Килеп җиткән ямьле хәтирәм-
Сөю бөеклеген раслаучы өн:
“Син курыкма! Мин синең белән!”

...Әнә тагын әңгәмәдәш ханым
Күз яшьләрен бездән яшерә.
Әйтә торган булган ир канаты:
“Син курыкма! Мин синең белән!”

Кыенлыклар килсә, калкан да ул,
Моңсулыкны куган нурлы ярдәм...
Һәр күңелнең өзелеп көткән сүзе:
“Син курыкма! Мин синең белән!”

Шушы ихлас сүзләр хатын-кызга
Гомер кичерерлек көч-дәрт бирә.
Күңел дөньясының сакчысы ул:
“Син курыкма! Мин синең белән!”

Шул сүзләрне ышанып әйтә алган
Ир-егетләр бик күп җирдә, беләм.
Ирләр күңелендә Аллаһ өне:
“Син курыкма! Мин синең белән!”
 


Нигәдер

Качышлы уйныйбыз әле...
Курку белән...
Ул кайдадыр шунда гына.
Мин бит беләм...
Ул күңелнең кайсыдыр
бер почмагында.
Шунда гына...ул һаман да
Шунда гына...
Әле анда , әле монда күчеп йөри.
Әле йөрәк уртасында
Танго бии!
(Юк, бу нинди танго булсын!
- Пәри туе!)
Әле табан астына ук
Шомын сөйри...
(Нинди Курку булды соң бу?!
Тынгы бирми!)
Качышлы уйныйбыз әле... Курку белән...
Ул качамы? Куадырмы?-
Мин ...йөгерәм!..
Арттан уйлар куа килә...
Алда- уйлар...
Егылам шул.Сөрлегелә...
Әллә инде
Курку миннән өлгерерәк...
Әле анда хыялларның чите көйри...
Әле монда ышанычның көче кими...
Курку каһкахәләп көлә.Ә мин...
Белмим...
Ул Куркуның йөзен белмим.
Тик бар үзе...
Булган икән-бер күренер...
Качышлы уйныйбыз әле...
Кем җиңелер...
 

Әниемә

Маңгайдагы сырлар тирәнәя бара,
Һәрберенә сыйган моңлы, зарлы уйлар.
И әнием минем! Гомер йомгагыңа
Тәгәрәргә язсын әле озак еллар.

Җилләрдән дә җитез, өлгер чакларыңа
Кушылып киткән салмак еллар агышлары.
И әнием минем! Синнән күчкән миңа
Гамьле табышларым, моңым, сагышларым.

Көчле булулары җиңел түгел бер дә-
Язмыш арбасында авыр-авыр йөкләр.
И әнием минем! Табынганың – иман.
Йомшак күңелеңне догаң саклап йөртә.

Зәңгәр күкләр төсен алган күзләреңдә
Булса булсын иде бары шатлык яше.
И әнием минем! Син –өйдәге кояш,
Озак-озак әле сөендереп яшә.
 

Теләк

Көзге җилнең зәһәр ачы кочагы
Чыгармыйча озагырак тотканда,
Йөрәгеңне җылы учка алучы
Якын кешең булса иде яныңда.

Күзләреңә болытлы төн сарылып,
Ваемсызлык баткагына батканда,
Курыкмыйча ныклы кулын сузучы
Якын кешең булса иде яныңда.

Сөенечең йөрәгеңә сыешмый
Бар җиһанны колачларга торганда
Сиңа кушылып бер риясыз сөенгән
Якын кешең булса иде яныңда.

Якын кешең булса иде яныңда
Сине саклап, сине яклап яшәүче.
Бәхет орлыклары чәчеп җаныңа
“Бәхетем син” диеп сөеп дәшүче.
 


“Тыңлачы, сандугач” ны югалткач...

(Р.Төхфәтуллин ул җырны башкара алмый дигән карар чыккач)

Тал-тирәктә нидер кыштырдады.
Сандугачмы әллә, бәгырем?
Чут-чут итеп сайрый алмас инде,
Таңмы соң бу бездә? Каберме?!..

Тавыш-тынсыз гына аска карап
Сыер, сарык кайта җәйләүдән.
Ничек болай бер ямь калмаган соң
Мең бизәкле, моңлы җәйләрдән?

Көзен узар микән кыр казлары
Каңгылдашмый гына тезелеп?
Саубуллашмый китүләрен күреп
Калыр микән үзәк өзелеп?

Чишмәләре ага- челтерәми...
Бакалары хәтта тавышсыз...
Әйткән мәллә Аллаһ : “Узынсагыз,
Өнсез, җырсыз җирдә калырсыз.

Сатып алырсыз да миннән хокук
Тыңларсыз сез җиһан көйләрен.
Мин - АВТОРНЫҢ- кем хокукын боза
Онытмасын хакны түләрен!”

Я Ходаем, ачуланма безгә,
Телсез-өнсез, гамьсез затларга.
Без шул әле Сандугачлы Җирне
Әзер түгел һаман сакларга.

 

Әлегә...

Дөнья көтә адәм заты.
Кырмыска күк чытыр чаба:
Эшли, ашый,
Майлый, җайлый,
Бара , кайта,
Эзли , таба.
Яратам, ди,
Җырлар яза.
Өйләнә ул,
Аза , туза.
Бала-чага көен көйли.
Ришвәт бирә,
Гайбәт сөйли.
Абына да сөртенә ул,
Аклана ул,
Үкенә ул...
Яши кеше.
Яши шулай иркенәеп...
Әлегә...
..........................................
Барлык гаме
Эш тә өйдер.
Ике илнең
Дошманлашкан хакимнәре
Үлем коралын селкетеп
Үртәшкәнне
Кинодагы
Чираттагы кадр, дидер...
(Соңгысы булмасын иде...)

 

Сабак

Ни сәбәпле очраштырган Язмыш, белмим,
Мәңге Зарлы Мәңге Шатка тап булган, ди.
Мәңге Шатның көләч йөзен күрү белән
“Мин дә яшим инде җирдә” дип куйган , ди.

“Кая барсам, нишләсәм дә –юлым уңмый,
Туганда ук, ахры, кемдер күз тидергән.
Гомерем буе озата бара эт тормышы:
Кемдер майлы калҗа ашый- мин кимерәм.

Безгә дигән бәхеткәйне сыер сөзгән!
Гел ярарга тырышасың- ярап булмый.
Кемнәргәдер бер елмаеп карау җитә-
Майлагандай бара эше- блат полный!

Хөкүмәтен әйтер идем, карак йорты.
Безнең ишене яклый, ди, тот капчыгың!
Безгә дигән кара шәлне кем бәйләсен:
Кемдер балда-майда йөзә, без –ялчылар!”

Тезә торгач үзе чиккән “газаплар”ны
Маңгаенда тагын бер сыр артып киткән.
Әдәп саклап, аның зарын тыңлаган да
Мәңге Шат та җайлап кына тезеп киткән:

“Бу дөньяга килүең ул – үзе бәхет.
Дүрт саның сау-сәламәт ич, зиһенең ачык.
Аллаһ биргән ризык булыр өстәлеңдә,
Тик рәхмәтне ешрак әйт син, йөзең ачып”.

... Ул Мәңге Шат – бер иманлы карчык кына.
Узганында сөенечләр – тансык кына...
Булганына шөкерана кыла-кыла,
Яши икән шулай эчтән балкып кына.

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Кар патшабикәсе Билгеләнгән вакытта кафеда иде инде кыз. Ишекне ачып керде дә, ярым буш залга күз йөртеп, үзенә кирәкле кешене эзләде. Гомерендә беренче күрүе булса да, ул аны әллә каян таныды. «Снежная королева!» – дигән уй сызылып үтте кабат. Ханбикәләрдәй затлы иде ханым.
    8304
    1
    113
  • Хәшәрәт – Әни, без Фәридә белән өйләнешергә булдык. Син каршы түгелсең бит, әйеме? Зөлфия, улының бу хәбәренә күптән әзер булса да, каушап калды. Бу минутта теленнән нинди генә сүз төшсә дә, ничектер урынсыз, ялгыш булыр кебек тоелды.
    7112
    1
    106
  • Тапшырылмаган имтихан Без еш кына: «Күргәннәрдән китап язырлык, кино төшерерлек», – дибез. Беркемнең дә язмышы ал да гөл түгел. Тик кайберәүләр, аның кире якларын оста итеп яшерә,
    5351
    4
    78
  • Гомернең ике яры Бездә бүген – дебют! Гөлнур Сафиуллинаның дебюты! Ниһаять!.. Аның хикәяләр яза башлавын бик көткән идек без. Хәер, Гөлнурның журналист язмалары ук чын хикәя итеп кабул ителә: йә елмаеп, йә күз яшьләрен тыярга тырышып укыйсың... Ә геройлары үзенә охшаган: тыйнак, акыллы, сизгер күңелле, серле... Кечкенә генә бер сүзе, карашы, хәрәкәте белән дөньяларны үзгәртә, гап-гади тормышны ямьгә төрә белгән... Менә шулай! Хикәяләрендә – фәлсәфә, хисләр, сизгер хатын-кыз йөрәге, тагын әллә ниләр – кыскасы, өр-яңа халәт!
    4470
    6
    49
  • Карындашым – көндәшем  Язын чәчәк аткан алмагачның чәчәкләре ап-ак, бик матур. Ләкин нигә соң алмаларының тәме бертөрле түгел? Берсе баллы, ә икенчесе, карар күзгә матур булса да, эчендә – корт. 
    7867
    2
    48
Реклама
Соңгы комментарийлар
  • 4 март 2021 - 21:40
    Без имени
    Укенеп уз узeнне бетермаска булган сезга, мин уземнен тормыштан чыгып эйтам, мин яшь вакытта ирнен изменаларын кичереп килдем,яра инде,балалар бар,бала хакы дип, шунда УК сезнен кебек кутареп сугарга булган, олыгайгач пенсияга чыккач барыбер чыгып китте ,сезнен ипташегез кебек эйберларен жыеп,азгын кеше барыбер азгын була,курасен, хазер инде минда Бер узем яшап ятам, сезда шул кадар кайгырмагыз ,узегезне бетермагез,балаларыгыз исан булсын
    «Иреңне берәүгә дә бирмә!»
  • 4 март 2021 - 21:04
    Без имени
    Бик сирэк очрый торган чын мохэббэт.
    Минем йолдызым
  • 4 март 2021 - 21:12
    Без имени
    Ничек балаларынны иреннэн азрак яраттынмы эллэ? Ир хыянэт итте яки ташлап китте дип, балалар турында уйламыйча ,узенне генэ кызганып, улэргэ житеп,балаларны борчып ягэргэ ярвймы.Аллага шокер итеп,исэн саулар дип яшэргэ иде.Бу узенне генэ ярату, ирне дэ, балаларны да тугел.
    «Иреңне берәүгә дә бирмә!»
  • 4 март 2021 - 21:24
    Без имени
    Эх, Гузэл, карьера дип баланнын ин матур, тэмле вакытларын курми калдын тугелме? Ул вакытлары кабатланмый бит. Э сина насыйп эш коткэн булып иде. (Фикерем ошамаска момкин, гафу утенэм)
    Мин гаепле, кызым...
  • 4 март 2021 - 10:09
    Без имени
    Бик кызык язма. Ботенлэй икенче торле фикер йортучелэр дэ бар. Гомер буе интегеп яшэп, сэлэмэтлеклэре беткэч " ник яшь чакта аерылмадым икэн " диючелэр дэ. Балалар да "нигэ безне тилмереп яшэрттен бу эти белэн" диючелэр дэ бар. Хэр очракта кеше узе генэ хэл итэ ала. Кеше сузенэ карап тугел. Аерылган вакытта "тукта алай эшлэмэ" дигэн кешелэргэ упкэлэр йореп иде.Аллахы Тэгалэ ни язган шуны курэбез. Синен язмышына язылган икэн Бер кая китэ алмыйсын.
    «Иреңне берәүгә дә бирмә!»
Реклама
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»
Кешелек хакында фәлсәфи уйланулар, робот София һәм ипи
Балачак – уйнар чак...