Марат Бәшәров тормышындагы иң зур серен ачты...

Марат Бәшәровның әнисе сигез ел элек тромбы өзелеп, кинәт кенә якты дөнья белән хушлаша. Ә әтисе Вафа Юсиев актерга 20 яшь булганда яман шеш авыруыннан үлеп китә. Марат якыннарының үлемен бик авыр кичерә. Ул гаиләдә бердәнбер бала була. Әмма хәзер ул үги абыйсы һәм апасы барлыгын белә. Әтисе белән очраша... 


Маратның әнисе Роза ханым беренче иреннән ун ел яшәгәннән соң аерыла.  Аларның балалары булмый. Ул җәй саен Түбән Новгород өлкәсендәге татар авылларының берсенә кунакка кайта. Күршедә яшәүче гаилә – Әминә һәм Алимҗан Билалетдиновлар белән аралаша. Әминә белән бертуган сеңелләр кебек якын булалар. Ә менә Алимҗанга ул туган итеп түгел, ә ир-ат итеп карый: гашыйк була. Аннан балага уза. Бу хакта белгәч, ир гаиләсеннән китмәячәген, хатынының да икенче балага узуын әйтә. Роза яраткан кешесеннән берни таләп итми. Алиментка да бирми. Ул бары тик авылга кайтмый башлый. Әминә белән очрашулардан кача. Алиҗанның кызы Галия туа, бер айдан соң Марат дөньяга килә. Маратка дүрт яше тулганда, Роза Вафа Юсиевка кияүгә чыга. Ир Розаның улына үз фамилиясен бирә.  Мартка дүрт яшьләр тирәсендә вокзалда шофер булып эшләгән Алимҗан Молдовиядән кайтып төшкән Роза белән улын очрата. Өйләренә илтеп куя. Роза кияүдә булуын, иренең көнче икәнен әйтеп, аңа шалтыратмаска куша. 


Марат 6 нчы сыйныфта укыган вакытта документлар арасыннан туу турындагы таныклыгын таба. Анда әтисе урынына башка фамилия, башка кеше исеме күрә. Бер атнадан соң гына бөтен кыюлыгын җыеп әнисе белән сөйләшә. Әтисе белән таныштыруын сорамый ул.  Алимҗан да аралашырга бик теләп тормаган. Паспорт алганда Марат Юсиев фамилиясен әнисенең бабасы фамилиясенә – Бәшәровка алыштыра. «Үскән чакта каеш әнидән генә эләгә иде, әти кул күтәрмәде, авыр сүз дә әйтмәде. Күрәсең, биологик әти булмагач, хокукым юктыр дип уйлагандыр. Ә ул минем өчен әтием булып калды. Барысын да белгәч тә мөнәсәбәтем үзгәрмәде, ә хөрмәтем артты гына», – дип сөйли актер. 


Маратның әнисе югары дәрәҗәле аш-су остасы, әтисе слесарь-сантехник була. «Минем белән шөгыльләнгән репетиторларга түләр өчен иртән торып әти белән идән юа идек. Шул вакытта ул кеше байдыр бит, ник берничек тә ярдәм итми микән дип үпкәләп уйлаганым истә», – ди актер. 
Институтта укыганда әбисе фатирында биологик әтисе белән очраша. «Әни эшләрем бар дип чыгып китте. Бераздан ул килеп керде. «Улым, сәлам», – диде. Бик нык дулкынлана иде. Мин дә бу очракта нишләргә кирәген белми идем. Берәр рюмка эчеп алдык. Сүзләребез бәйләнеп китмәде. Ул миннән гафу үтенде. «Мин сиңа үпкәләмим», – дидем». Марат Бәшәров әтисе белән тәүге очрашуын әнә шулай искә ала. Юк, сабый чакта коляскада утырганда бер абыйның аңа зур шоколад тоттыруын хәтерли әле. Ул да Алимҗан була. Әбисе фатирындагы очрашудан соң әнисе белән бу хакта башка бервакытта да сөйләшмиләр. 


Ул биологик әтисе белән кызыксынмый. 81 яшенә җиткән Алимҗан исән булып чыкты. «Секрет на миллон» тапшыруында алар кабат очраштылар. «Әссәләмәгаләйкүм, әти, – дип күреште ул атасы белән. – Хәзер коронавирус бер-берегезгә якын килмәгез, диләр. Элек син миңа якын килергә курыктың, ә мин курыкмыйм менә, куркырга ярамый», – диде ул. Алимҗанга бердәнбер сорау бирә: «Ник әнине җирләргә килмәдең? Ул вакытта Вафа әти күптән юк иде бит? Әни бит сине ярата иде...» Бу сорауга Алимҗан төгәл генә җавап бирә алмый. 


 Марат тапшыру ахырында әтисе белән аралашачагын, әмма тыгыз элемтә булдырмаячагын әйтте. «Атнага бер хәлең ничек дип шалтыратып сорармын», – диде ул...
 Алимҗан, сигез ел элек Роза ханым үлгәч кенә, хатынына хыянәте турында сөйли.

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Шушы ук темага
Хәзер укыйлар
  • 7343
    1
    65
  • 7134
    0
    58
  • «Насыйбың булыр әле!» Әдибә эштән кайтып керде дә, бермәлгә ишек төбендә тукталып, йорт эченә күз салды. Их, күңелгә рәхәт тә соң нур бөркеп торган өеңә кайтып керүләре! Бар җирдә дә тәртип,
    5004
    2
    50
  • Балан ачылары Әйдәгез, без бу хатынның исемен күрсәтмибез. Шулай исемсез генә булсын ул. Аның ни атлы булуы мөһим дә түгел бит. Ул – шушы көндәлекләрнең хуҗасы.  Теләсәгез, бастырыгыз, гыйбрәт булсын дип, егерме ел элек язылган дәфтәрләрне, миңа биргән иде.
    7159
    1
    49
Реклама
Соңгы комментарийлар
  • 30 апрель 2021 - 20:44
    Без имени
    Егет кешене күп кызлар ярата , концертына агылачак .Озак " мин егет " - диеп йөрер әле Ришат .
    Ришат ТӨХВӘТУЛЛИН: «Чак кына соңрак туганмын» 
  • 1 май 2021 - 21:53
    Без имени
    Ин яраткан жырчым.Телевизорда Ришатнын жырларын тапшырсалар, бар эшемне ташлап залга йогереп чыгам.Балалар да кунектелэр,тиз бул,дип,чакыралар.
    Ришат ТӨХВӘТУЛЛИН: «Чак кына соңрак туганмын» 
  • 2 май 2021 - 10:03
    Без имени
    Әйтер сүз юк...Гыйбрәтле хикәя! Без, татар хатын - кызлары, үз теләгебезне гел соңгы чиратка куеп өйрәнгән...тик, иң мөһименә кемнәндер рөхсәт сорамыйча үзебез дөрес дип санаганча карар кабул итәргә өйрәнсәк иде. Бу менә шушы очрак... Күңеле теләгәндә кайта алмавы гомере буена исеннән китмәячәк!!! Безнеке үтте...кире кайтарып булмый. Яшьләр, сезгә сүзем: ирне дә кимсетми үз теләгегездә нык торып, күңелегез кушканны үз акылыгызга, хисегезгә таянып гамәлгә салырга өйрәнегез!!! Без теләгегебезне аңлап үтәү түгел үтәргә теләмәгән дә ир кешене акларга тиеш түгелбез! Бу хикәяне укытып күптәннән әйтәсе килгән фикеремне Аллаһ фарыз итте күрәсең!!!
    SOS! Җанымны коткарыгыз!
  • 2 май 2021 - 15:11
    Без имени
    Бик яраткан артискам. "Сүнгән йолдызлар" дагы Сәрвәре генә дә аның буй җитмәс талантка ия икәненә дәлил.
    Җаным монда кала...
  • 2 май 2021 - 23:15
    Без имени
    Гажэеп дэрэжэдэ талантлы актриса турындагы язма очен рэхмэт. Олкэнэя барган саен, матурлыгы арткан кешелэр була. Аларнын эчке матурлыгы тышкы гузэллеккэ кушыла. Флера Хэмитова шундйлардан. Сабырлыгы,горурлыгы,гузэллеге белэн сокландыра ул. Хаман да сокландыра...
    Җаным монда кала...
Реклама
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»