Бер сорауга ике җавап: Алсу һәм Азат Фазлыевлар

Бу юлы сорауларыбызны җырчылар Алсу һәм Азат Фазлыевлар гаиләсенә юлладык. Бер-берсенең нинди җавап биргәнен алар белми, шуңа күрә кайбер әйберләр үзләренә дә ачыш булачак.


Сездә азык-төлекне кем ала?

Алсу: Икебез дә. Ләкин мин күбрәктер. Чөнки ир кеше нәрсә кирәген белми. Азат ул бөтен кибетне дә сатып алып кайтырга мөмкин.

Азат: Күбрәк мин сатып алам. Алсу өйдә булса, аны ал, моны ал әле дип, куша да, мин кереп алам.


Сезнең гаиләдә табак-савытны кем юа?

Алсу: Күбрәк миңа эләгә. Безнең Азат бик тәмле итеп пешерә, бәйрәмнәргә әллә нинди сюрпризлар ясап, мул табыннар корып куя. «Молодец! Инде савыт-сабасын да үзең юып куйсаң, вообще суперский була», – дигәч, анысын да үзеп юып куярга мөмкин.

Азат: Савытларны Алсу юа.


Гаиләдә акча кем кулында?

Алсу: Бездә акчаның тора торган бер урыны бар. Шуннан кемгә кирәк, үзе ала. Теләсә ничек итеп алмыйбыз инде, киңәшләшеп, белдереп.

Азат: Акчага икебез дә хуҗа.


 Кем акчаны күбрәк туздыра?

Алсу: (көлә) Мин чүт кенә күбрәк туздырамдыр. Хатын-кызга барысы да күбрәк кирәк. Җитмәсә, соңгы араларда үземә игътибарымны арттырдым бит әле.

Азат: Алай кызыксынганым юк, белмим дә хәтта. Алай да Алсу түгел микән?


Гардеробта кемнең киеме күбрәк?

Алсу: Минеке инде. Ир-атка ул кадәр күп кием кирәкми бит. Аннары безнең Азат кибеттә кием сайлап йөрергә яратмый да...

Азат: У-у! Алсуныкы билгеле!  


Ирегез  өчен иң кадерле өч әйбер?

Алсу: (уйланып) Мөгаен беренче урында җырлары кадерледер. Аннары инде... машина. Машинасын ярата ул. Аннары... сәхнә киемнәредер...

Азат: (шулай ук уйланып) Монда точно гаилә керми инде, әйеме? (Юк, сүз кеше турында  түгел, дигәч), сәламәтлектер. Аннары фатир, аннары кием-салым. Сәламәт булсаң, торыр урының булса, өскә кияреңә булса – син бәхетле кеше инде.


Яраткан ризыгыгыз?

Алсу: Мин бик тә балык яратам. Ә Азат ит ризыклары, «второй»лар ярата. Әтнә ягында «әбәд ашы» диләр, менә шуларны ярата.
 
Азат: Алсу балык ярата инде. Ә минеке: өчпочмак, кыстыбый, манты.


Соңгы тапкыр кинога кайчан бардыгыз?

Алсу: Азат белән бергә күптән барган юк инде, бер ел бардыр. Ә мин балалар белән барып кайттым әле.

Азат: Алсу балалар белән йөреп тора ул. Ә бергә кайчан бардыкмы? Хәтта хәтерләмим дә. Бер ярты еллап элек түгел микән?


Казандагы иң яраткан урыныгыз?

Алсу: Казанда юньләп торган да юк, димәсәң... Шуңа да алай өздереп кенә, менә шул төшен яратабыз дияргә?..  Казанның үзәгедер. Элек укыган, тулай торакта яшәгән җирләрнедер. Шуннан узганда, элеккеләрне искә алып узабыз.

Азат: Казан Кремлен яратабыз.


Бер-берегезнең ошаган сыйфатлары?

Алсу: Азат бик тә бала җанлы, нечкә күңелле.

Азат: Алсу сүзендә тора, беркайчан да ялганламый, тәнкыйтьләсә, бик дөрес итеп тәнкыйтьли.


Соңгы тапкыр бер-берегезгә кайчан ачуыгыз килде?

Алсу. Ачу килде, дип, алай зурдан кубып ачуланышкан юк инде. Булса, шул эш буенча гына. Мин хатын-кыз үзенә артыгын алмаска, бераз иренә аркаланып яшәргә тиеш дип саныйм.

Азат: Бер атна элек микән, ачу бик нык чыккан иде. Мин онытканмын, Алсу искә төшермәгән. Менә шуның өчен эләкте үзенә. Аннары үз хатамны аңладым инде.  


Бер-берегезнең телефон парольләрен беләсезме?

Алсу: Азат минекен белә. Мин дә аныкын белеп торам. Азат кайвакыт балалар алып уйнамасын дип, паролен үзгәрткәли.

Азат: Беләбез.


Бер-берегезнең телефонында ничек язылгансыз?

Алсу: Мин аны матурым дип язып куйдым. Ә ул мине җимешем дип язган булырга тиеш.

Азат: Миндә Алсу «Минем Алсуым» дип язылган. Ә мин Алсуда... (көлеп җибәрә) Кара, белмим дә... Җимешем дип түгел микән?


Балаларыгызны нинди һөнәр ияләре итеп күрергә телисез?

Алсу: Улларыбызны сәнгать өлкәсендә күрергә телим. Оештыручымы икән... Организаторлар булсалар, мин каршы булмас идем.

Азат: Артист булсалар да бер сүз әйтмим. Без менә икебез дә артист, Аллага шөкер, тормыш шулай гына барса, без бик канәгать.  


 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Үги әнкәйнең җылы йөрәге «...Үги ананың бик әйбәтләре була. Гадәттә, алар турында гел яман сөйлиләр, ләкин алар турында юньле сүзне күбрәк сөйләргә кирәк. Чит канга ана булырга тырыша бит ул. Мәҗбүри яратып булмый бит. Ә ул рольгә кереп «уйнарга» тиеш. Бала исә рольгә керми, «уйнамый». Ике артистның берсе уйнап, икенчесе уйнамаса, спектакль туа алмый. Үги аналы гаиләдә әнә шуңа күрә җылы, уңай тормыш коруы бик кыен. Үги аналарны кызганырга, ихтирам итәргә кирәк...» Мөхәммәт Мәһдиев «Мәңгелек яз» әсәрендә үги әниләр турында әнә шундый уйлануларын язып калдырган. Үги тормышны үз башына төшкәннәр генә аңлыйдыр, мөгаен. Үги ананың да, үги баланың да үз хәле... Әмма гомер уртасына җиткән ир балачагын искә алганда «Үги әниләргә һәйкәл куярга кирәк», – ди икән, димәк, барлык үги әниләр дә, халык телендәге кебек, явыз түгелләр. Чит балаларны карап үстерә икән, димәк, алар олы йөрәкле... Үги әни белән үскән Татарстанның халык артисты Җәвит ШАКИРОВ үзе сөйләсен әле...
    8620
    10
    103
  • Егетемне кыйнадым – Ышанмыйсызмы? Чынлап әйтәм! Ул бу хакта хәтта полициягә хәбәр иткән.
    8886
    2
    71
  • Бәхетле булырга хакым бар!  Мин кияүгә 25 яшемдә чыктым. Яратып чыктым...
    8716
    8
    68
  • Өч кенә көнгә... – Кирәкми. Кешечә түгел бу. Шалтыратмагыз. Өметләнеп көткәнче, алдан ук барысын да аңласын. Башка бер сүз дә әйтмичә, нянечка балалар янына кереп китте. Ишек тавышы йөрәкне сызып үткән кебек булды. Бар да тынып калды. 
    4340
    4
    49
Реклама
Соңгы комментарийлар
  • 23 июль 2021 - 18:22
    Без имени
    Мене шулай кысылып купме бала бехетсез шул.Узебезнен баштан утте
    Кемнәрдән бәйләтим яраны?
  • 25 июль 2021 - 19:20
    Без имени
    Ай, рәхмәт яугырлары!!!!! бик тә нык сөендем бала өчен! Нянечкага рәхмәт!!! Йөрәкләренә, бәгырьләренә үтә торган итеп аңлатып әйтә белгәне өчен! Аллаһы Тәгалә аның аша, ир белән хатынга туры юл күрсәткән, гомерлек үкенечкә юл куймаган.
    Өч кенә көнгә...
  • 24 июль 2021 - 15:57
    Без имени
    Уф.... Йорэккэемне....
    Өч кенә көнгә...
  • 26 июль 2021 - 14:07
    Без имени
    Нәкъ шулай . Тик партнер бер генә булырга тиеш , югыйсә , хатын - кыз үзенең тәнендәге җепселләрен башкаларга таратып , үзе авыру булып калачак .
    ​Назлану өчен алты медицина сәбәбе
  • 22 июль 2021 - 16:52
    Без имени
    Мондый язмаларны еламыйча укый алмыйм,чонки минем бабамда узган ул концлагерларны,9май житсэ бакча артына чыгып жылый иде, соныннан Аны оправдали, ещё орден бирделэр,Бер солдаты коткарган очен,рэхмэт Ана,онытмаган...
    Ева-Мөслимә
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан