Узмаган туй...

(Булган хәл)

Минем сезгә тормышта булып узган бер вакыйга турында сөйләп үтәсем килә. Бу хәлне Чирмешән районыннан Лилия исемле ханым сөйләде. Ничек бар, шулай бәян итәм...

Әзерләнеп тә узмаган туй турында... 

Безнең авылда күрше Фәния апаның ике кызы бар иде, – дип сөйләде Лилия . –  Апалы-сеңелле Галия белән Сания бик акыллы, эшкә уңган булып үстеләр. Кулларыннан килмәгән эш юк иде: сыер да савалар, бакча эшләренә дә өлгерәләр, пешеренергә дә осталар. Аралары да  бер яшь кенә булганга,  кызлар гел бергә йөриләр иде. Галия мәктәпне беренче тәмамлады, Чаллыга китеп эшкә урнашты. Тулай торакта урын да бирделәр. Сания мәктәпне тәмамлауга апасы янына ашыкты. Атна саен булмаса да,  кызлар еш кайтып йөрделәр. Күчтәнәчләр төяп, күрше-күләнне сөендереп кайтулары үзенә бер ямь бирә иде авылга. 

«Фәния кызлары кияүгә чыга» дигән хәбәр авыл буйлап яшен тизлегендә таралды.  Апа-сеңел үзләре кебек үк абыйлы-энеле егетләр белән очрашып йөргән икән. Кызларның кулларын сорарга автобуска утырып килгән кунакларны үз күзләрем белән күрдем. Ул вакытларда миңа 10 яшьләр чамасы иде.  Күчтәнәчләр күтәргән кодаларның Фәния апалар өенә кереп киткәнен үзем күрдем.  Ирсез тормыш – көйсез тормыш, диләр бит. Яшьләй тол калып, ялгыз үстерде ул кызларын.  

Кода-кодагыйлар танышканнар, килешкәннәр дә никах, туй көнен билгеләп, китеп тә барганнар.  

Фәния апа туйга әзерләнде. Кызларга пардан туй күлмәкләре, фаталар алынды. Бирнә сандыкларыннан чиккән сөлгеләр, алъяпкычлар, челтәр пәрдәләр чыкты. Мәҗлескә авыл мулласы чакырылды. Бавырсак, кош теле, каклаган казлар белән өстәл тулды.... 

Менә билгеләнгән көн дә килеп җитте. Җомга, иртәнге тугызда  Сарманнан туй машиналары килеп җитәргә тиеш иде. Сания белән Галия ап-ак киемнәрен киеп, кияү егетләрен көтте. Сәгать ун тулды, унбер, унике... Сарман ягыннан зарыгып көтелгән машиналар килмәде… Мичтәге пешкән бәлешләр суынды, токмачлы аш куерды... 

Ул вакытта кесә телефоннары да юк иде. Бердәнбер телефон – авыл советында...  «Нигә килмисез?» – дип сорарга да мөмкин түгел...

Кухняда Фәния апа илерә-илерә елады... Галия белән Сания туй күлмәкләре кигән килеш кочаклашып үкседе... Әйтерсең туй түгел, мәет озаталар...

Туйга чакырылган  кунаклар әкренләп таралышты, мулла мәчеткә ашыкты.

Ул көнне Фәния апа гаиләсе генә түгел, барлык  авыл халкы шок кичерде... Кодаларның килмәү сәбәбен генә белә алмадылыр. Сания белән Галиянең бай гаиләдән булмавы, әтисез үскәнлеге сәбәп булгандыр, дип әйтүчеләр булды.  

Ни генә булмасын, тормыш дәвам итте. Берничә елдан Галия дә, Сания дә кияүгә чыкты. Ләкин туй уздырмадылар.  

Бүгенгесе көндә икесе дә оныклар үстерә.

 Менә шушындый хәлләр дә була бу тормышта.

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (2)
Cимвол калды:
  • 11 февраль 2022 - 07:13
    Без имени
    Э сэбэбе ни булган? Соныннан белгэннэрдер бит?
  • 5 сентябрь 2021 - 15:52
    Без имени
    Була андый хәлләр...
Хәзер укыйлар
  • Балдаклар, туй күлмәге калды, ә мин... Сүземне ерактанрак башлыйм әле. Әти үлгәндә мин әле тумаган да булганмын – әни 7 айлык корсаклы килеш калган. Аңа бу вакытта нибары 21 яшь булган...
    7028
    2
    50
  • Ялгыз канат Ире чит хатынга чыгып китсә дә, йөрәк болай әрнемәс иде. Хыянәтен кичерә алмый, мендәр кочаклап елар да, мәхәббәтне нәфрәткә әйләндереп яшәр иде. Ә ул хатынына гына түгел, балаларына, әти-әниләренә, диненә, үзенә хыянәт итте. Миләүшә яшь көе ирсез калды.
    7833
    0
    36
  • Рәхмәт, әнием! Аның ирен үтереп ташладылар. Дөресрәге, үләр дәрәҗәгә җиткәнче кыйнап ыргыттылар... Аңсыз гәүдәсен өйләреннән ике йөз метрлар чамасы җирдә, барак кебек шыксыз йортларның пычрак ишегалдыннан таптылар...
    4112
    0
    34
  • Бар җылымны сиңа бирәм, әни... Әнигә бар җылыңны да, назыңны да, яратуыңны да бирәсең, чөнки ул әни, һәм башкача уйлау, яшәү мөмкин түгелдер... Ә үз әниең булмаса?! Кемгә бүләк итәргә? Сине ничек бар шулай кабул итә торган кем бар тагын?! Әни бар! Иремнең әнисе!
    2129
    0
    32
  • Синнән башка беркем кирәкми Нурзидә белән Рәдиснең балалары юк. Күп еллар юк инде. Нурзидә моның белән күптән килеште. Рәдис тә килешкән кебек булган иде... 
    1932
    1
    23
Реклама
Соңгы комментарийлар
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда