Укучы хаты

Югалттыгызмы мине? Әйтәм бит, төрле язмышлар минем янда бөтерелә генә. Кемдер болай гына сөйләп ата, бушана, кемдер киңәш сорый… Бу юлы киңәшне әнием сорый. "Нишләргә?!" дип бетешә.

Әнинең бик күптәге подружкасы яшьрәк иргә кияүгә чыккан иде. Хәзер Ләйсән апага 43 яшь, иренә - 34 дип беләм. 
Заманында Ләйсән апа ире турында күп сөйләде. Мәхәббәтләре дә ялкынлы, ире дә дәртле, урамда йөргәндә дә кулын бер дә ычкындырмый, чәчәкләр бүләк итә һәм башкалар. Ләйсән апа романтикага тиенде. Бәхетле иде, бәхет нурлары күзеннән чәчелеп тора иде. Бик яхшы яшәделәр. Шул арада Ләйсән апаның беренче иреннән туган кызы үсеп җитте. Студентка инде ул. Өч бүлмәле фатирларында яши бирә һаман да. Яхшы укый, чибәр, кафеда да эшли - үз акчасын тота.

Әни янына төнлә килеп егылды Ләйсән апа. Елый да елый. Әни бер сүз тартып чыгара алмады үзеннән. Таңны шулай кочаклашып уздырдылар. Иртәнге якта гына сер капчыгын чиште. Истерика сәбәбен белгән әнием телсез калды. 

Ул көнне Ләйсән апаның башы авыртып, эшенән иртәрәк сорап кайтты. Фатирга керде. Анда аны начар анекдотлардагы күренеш каршы алды. Йокы бүлмәсендә - ире белән кызы аунаша. Ләйсән апа шунда егыла язды. Тегеләр дә сикерештеләр инде. 

Әнидә бер атна тора инде Ләйсән апа. Тегеләр кайда икәнен белми. Кызы да, ире дә шалтыраталар моңа, Ләйсән апа трубканы алмый. «Нишлим?! Өйдән кемне куарга?! Ничек яшәргә хәзер?!» - дип суза да, еларга тотына. Бер атна юньләп ашамый. Су гына эчә. Әни куркып бетте - ачтан үлеп китсә? Врач чакыртырга бирми, чакыртсаң, тәрәзәдән сикерәм дип яный. 

Бүген бераз ашый башлады инде. Китәргә җыена - өенә түгел инде, үзе д белми кая китсен. Әни җибәрми. Тегеләр шалтырата. Кызын үзебезгә чакыртырга дип тә уйлады инде әни, анысын да эшләргә курка әни - ахыры ни буласы билгесез бит…

Әзрәк тынычлансын дип көтәбез. 

Берьюлы ирең дә, балаң да хыянәт итсен инде сиңа?!.

фото: https://pixabay.com

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (7)
Cимвол калды:
  • 30 июль 2021 - 05:28
    Без имени
    ЙӘ Ходай! Асты өскә килде дөньяның
  • 30 июль 2021 - 05:28
    Без имени
    Эниенен ирен белэн ятуы тагын да авырырак. Ирем уземннэн зурырак.
  • 30 июль 2021 - 05:28
    Без имени
    Минемчэ кыз гаепле.уз тинен таба алмады мы икэн,энисенен иренэ ябышмаса.урыслар эйтмешли:сучка не захочет,кобель не вскочет.
  • 30 июль 2021 - 05:28
    Без имени
    Шулай буласы билгеле инде,бик яшь иргә кияүгә чыксаң
  • 30 июль 2021 - 05:28
    Без имени
    Боларның арытаба бергә яшәүләре мөмкин була торган хәл түгел. Кызын кичерәчәк ул, үз баласы бит. Тик, "гафу итү белән генә, төзәләмени яра" (Әнгам Атнабаев).
  • 30 июль 2021 - 05:28
    Без имени
    Шулай шул, хиянэтне кутэрэ алмаганга ялгыз яшэу артыграк
  • 30 июль 2021 - 05:28
    Без имени
    Узеннэн Ирен яшь булгач анын нэкь шулай тэмамланачагы билгеле бит инде
Хәзер укыйлар
  • Үги әнкәйнең җылы йөрәге «...Үги ананың бик әйбәтләре була. Гадәттә, алар турында гел яман сөйлиләр, ләкин алар турында юньле сүзне күбрәк сөйләргә кирәк. Чит канга ана булырга тырыша бит ул. Мәҗбүри яратып булмый бит. Ә ул рольгә кереп «уйнарга» тиеш. Бала исә рольгә керми, «уйнамый». Ике артистның берсе уйнап, икенчесе уйнамаса, спектакль туа алмый. Үги аналы гаиләдә әнә шуңа күрә җылы, уңай тормыш коруы бик кыен. Үги аналарны кызганырга, ихтирам итәргә кирәк...» Мөхәммәт Мәһдиев «Мәңгелек яз» әсәрендә үги әниләр турында әнә шундый уйлануларын язып калдырган. Үги тормышны үз башына төшкәннәр генә аңлыйдыр, мөгаен. Үги ананың да, үги баланың да үз хәле... Әмма гомер уртасына җиткән ир балачагын искә алганда «Үги әниләргә һәйкәл куярга кирәк», – ди икән, димәк, барлык үги әниләр дә, халык телендәге кебек, явыз түгелләр. Чит балаларны карап үстерә икән, димәк, алар олы йөрәкле... Үги әни белән үскән Татарстанның халык артисты Җәвит ШАКИРОВ үзе сөйләсен әле...
    9051
    10
    106
  • Бәхетле булырга хакым бар!  Мин кияүгә 25 яшемдә чыктым. Яратып чыктым...
    9122
    8
    74
  • Өч кенә көнгә... – Кирәкми. Кешечә түгел бу. Шалтыратмагыз. Өметләнеп көткәнче, алдан ук барысын да аңласын. Башка бер сүз дә әйтмичә, нянечка балалар янына кереп китте. Ишек тавышы йөрәкне сызып үткән кебек булды. Бар да тынып калды. 
    4860
    4
    57
  • Сөеп, сөелеп яшисем килә-2 «Таһирә өстеннән жалу язганнар» дигән хәбәр авылда таралганга да бер айга якын вакыт үтте. Тегеләй дә, болай да дип тикшергәннән соң: «Фактлар ачыкланмады», дигән.
    6090
    2
    26
  • Көтеп алынган бәхет Әллә күзенә күренәме, сискәнеп китте Гөлгенә. Каршысында пәйда булган Гамилне күргәч, ни уйларга да белмәде, чөнки бу  очрашу көтмәгәндә, кинәт булды. Унсигез еллап гомер үтсә дә, шундук  таныды  аны: шул ук озын буй, киң җилкә, серле караш, тик куе кара чәчләренең чигә тирәләренә ак бәс яткан. Күзләрендә ниндидер сагышмы, назмы...
    2831
    0
    24
Реклама
Соңгы комментарийлар
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан