Сугыш… Сугыш барысын да җимерде.

Дүрт бертуган абыем да сугыш башланганның беренче көннәрендә үк фронтка киттеләр. Китте­ләр дә… берсе дә әйләнеп кайтмады! Дүртесе дә суга төшкәндәй булды. Бу югалту ачысын, бу кайгы-хәсрәтне сүзләргә күчереп бетерү мөмкин түгел. Иң олы абыем Насыйбулла, аннан соң Зәйнулла, Миңнегали, Аб­дул­ла Лаеш районының Та­тар Сараланы авылында туып үскән, егет булган, 
гаилә корып әти кеше булу шатлыгын да татыган. Тик балаларының үскәнен күрергә, аларга ата тәрбиясе бирергә, уңышларына куанырга насыйп булмады аларга. Сугыш… Сугыш барысын да җимерде. Башта хатлары килеп торды. Ул хатларны иң кадерле хәзинәбез кебек җыеп, кичләрен җыелышып кат-кат укый идек. Хатларыннан Абдулла абыемның танкист булуын, Миңнегали абыйның хәбәрче (мотоциклда булса кирәк) булып хезмәт итүен белдек. Ләкин ул хатлар да бик аз вакыт кына — 1942 елның май-июль айларына кадәр генә күрешүләргә өмет биреп яшәтте безне.
1942 елның август-сентябрь айларында бер-бер артлы кара өчпочмаклар килде. Ул вакыттагы кайгы, әче күз яшьләре, әрнүләр мәңге онытылырлык түгел. Урам капкасы ачылган саен әти-әнинең тәрәзәгә ябырылулары әле дә күз алдымда. Әйе, бик көттек без аларны. Хет берсе булса да кайтмады!
1996 елда “Хәтер китабы” чыкты. Анда абыемнарның исемнәре дә кергән. Тик бер Насыйбулла абыйның гына кайчан үлгәне һәм кайда җирләнгәне язылган. Өч абыемның хәтта каберләре дә билгесез. “Хәтер китабы” чыкканнан соң олы абыемның уллары Волгоград өлкәсенә барып, әтиләренең кабереннән туфрак алып әниләренең кабере белән янәшә күмделәр. Таш та куйдылар. Күңел беркадәр тынычланды, абыйны алып кайтып җирләгән кебек булды. Өч абыемның гәүдәләре кайларда туфрак булгандыр инде?
Бу сугыш ярасы гомерлек булды. Төзәлмәслек!

Миңҗамал РАВИЛОВА.
Лаеш районы, Татар Сараланы авылы.

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Балдаклар, туй күлмәге калды, ә мин... Сүземне ерактанрак башлыйм әле. Әти үлгәндә мин әле тумаган да булганмын – әни 7 айлык корсаклы килеш калган. Аңа бу вакытта нибары 21 яшь булган...
    5866
    1
    44
  • Ялгыз канат Ире чит хатынга чыгып китсә дә, йөрәк болай әрнемәс иде. Хыянәтен кичерә алмый, мендәр кочаклап елар да, мәхәббәтне нәфрәткә әйләндереп яшәр иде. Ә ул хатынына гына түгел, балаларына, әти-әниләренә, диненә, үзенә хыянәт итте. Миләүшә яшь көе ирсез калды.
    6926
    0
    32
  • Рәхмәт, әнием! Аның ирен үтереп ташладылар. Дөресрәге, үләр дәрәҗәгә җиткәнче кыйнап ыргыттылар... Аңсыз гәүдәсен өйләреннән ике йөз метрлар чамасы җирдә, барак кебек шыксыз йортларның пычрак ишегалдыннан таптылар...
    3742
    0
    30
  • Бар җылымны сиңа бирәм, әни... Әнигә бар җылыңны да, назыңны да, яратуыңны да бирәсең, чөнки ул әни, һәм башкача уйлау, яшәү мөмкин түгелдер... Ә үз әниең булмаса?! Кемгә бүләк итәргә? Сине ничек бар шулай кабул итә торган кем бар тагын?! Әни бар! Иремнең әнисе!
    1834
    0
    25
  • Мин аны Ходайдан сорап алдым Ул чакта алдымда ике юл иде: йә үземне тулысынча карьерага багышлыйм (мин бу вакыт Мәскәүдә, бик зур бер оешмада әйдәп баручы юрист булып эшлим), йә...
    3143
    1
    20
Реклама
Соңгы комментарийлар
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда