Ничек өлгерергә?!

Миңа еш кына: «Ничек син барысына да өлгерәсең?» – дигән сорауга җавап бирергә туры килә.
Әлләни зур эшләр эшләмәсәм дә, хатын-кызның вакыты бик кадерле шул ул – гаиләне карыйсы, балаларны тәрбиялисе, өйне җыясы, ашарга пешерәсе һәм шуның өстенә бизнес алып барасы, эшлисе... Әле үзеңә, яраткан шөгыльләреңә дә вакыт калырга тиеш.

Үз-үземә эшли башлагач, миңа үземдә дисциплинамны катгый итеп тәрбиялисе булды. Оешмада эшләү кешене җыя, кысаларга кертә – иртән фәлән сәгатькә эшкә барырга тиешлегеңне белгәндә үз-үзеңне мәҗбүриләү кирәкми, сине тәртип үзе мәҗбүрили. Ә мине исә үз-үземнә эшли башлау белән «рәхәткә чыктым» – иртән беркая барасы юк, эштә беркем көтми... Чү, сизәм – көне буе эленке-салынкы йөрим дә, кич җиткәч көнлекне төнлә башкарып чыгарга туры килә. Йокы туймый башлады, кәеф китте, баш авырткалый башлады.

Шул мәлдән башлап мин дә эшне тәртипкә салдым. Эш сәгатем, күпчелек башка хатын-кызларныкы кебек үк, иртәнге 9да башлана. Мин үземне шул сәгатьтә эшкә утыртам. Эшли торгач, үзем өчен лайфхаклар булдырдым, бу алымнар вакытымның күп өлешен янда калдырырга ярдәм итә. Бәлки, сезгә дә ярдәме тияр.

*​ Яңалык булмаса да, әйтим әле – эшне җыярга ярамый. Бигрәк тә вак-төяк эшләрне. Эре проектлар, әлбәттә, болай да планлаштырылып эшләнә, аларның дедлайны бар. Ә менә хисап язып бирү, документларга кул кую, печать сугу, аларны тиешле папкага тегеп кую, хат җибәрү кебек эшләрне алар килешкә эшли торырга кирәк. Юкса ай ахырына өстәл башында бер өем документ пәйда була, аларны тәртипкә китерү өчен бер көнеңне сарыф итәргә мәҗбүр буласың. Мәсәлән, сез ниндидер документка кул куеп, аны сканер аша чыгарып, бухгалтерга йә булмаса партнерыгызга җибәрергә тиешсез икән, бу эш ашыгыч булмаса да, аны шундук эшләп куегыз. Вакытыгыз аз булса да эшләгез. Вак эшләрне җыеп, үзегезгә өр-яңа зур эш ясамагыз.

*​ Мөмкин кадәр онлайн режимга күчегез. Банк түләүләре үткәрү, телефонга акча салу, билетлар алу, хәтта турпутевкалар алуга ник вакыт сарыф итәргә? Банкка барып, анда квитанция тотып чират көткәнче, аз гына акча түләп «банк-клиент» сервисына тоташсагыз, никадәр вакытыгызны бушата алачаксыз. Шулай ук мин онлайн шопингка күчәргә киңәш итәм. Әйтик, сез яратып куллана торган косметика, көнкүреш химиясе тауарлары, оекбаш-колготкилар, ярма-он, сөлге-чүпрәк – гади кибеттә дә шул ук, онлайн кибеттә дә шул ук. Онлайнда аларны 5 минутта алып була, өеңә үк китереп бирәләр, йә булмаса бер ноктадан гына барып аласың, ә гади кибеткә барырга, парковка эзләргә, керергә, әйберләрне эзләргә, кәрҗингә җыярга, кассада чират көтәргә кирәк... Әле җитмәсә супермаркетка эләксәң, берочтан күпме кирәкмәгән әйбер җыеп чыгасың, шулай бит?

*​ Көндәлек (ежедневник) булдырыгыз. Кичтән эшләрне планлаштырып, көндез аларны башкара-башкара пунктларны сыза барудан да ләззәтлерәк тагын ни бар эш кешесе өчен? Һәр пунктны сызган саен үзегезне мактап та алсагыз, бу үз-үзегезгә карата хөрмәтегезне арттырачак – менә бит сез нинди молодец! Барысына да өлгерәсез! Ә көндәлек булмаган очракта үзеңне мактарга сәбәп тә булмаячак.

*​ Әгәр электрон почта кулланасыз икән, бу бик шәп. Аны да көндәлек итеп була. Башкарылачак һәр эшкә багышлап аерым-аерым хатлар языгыз да, үз-үзегезгә юллагыз. Хат темалары кызыктыргыч һәм кәефегезне күтәрә торган булсын: «Алсу, сәгать 14тә сине зур акча көтә, клиентың белән очрашырга онытма!», «Алсу, сәгать 11дә йомшакларың-балаларыңның дәресләре бетә, онытма» һ.б. Һәм иң мөһиме – почтагызны даими карап барыгыз (мин 20-30 минут саен карыйм). Хатны ача барасыз, эшли барасыз. Смартфоныгызда, планшетыгызда да почтагыз тоташкан булсын.

*​ Электрон почта тартмасын куллануның тагын бер алымын таптым мин. Әгәр сезгә ниндидер йомышлы хат килгән икән һәм сез аңа менә хәзер үк җавап бирә алмыйсыз икән, ләкин инде ачкансыз икән, аны кире үзегезгә юллагыз һәм аны җавапларга вакытыгыз булганда гына кире ачыгыз (яңа кебек күренеп торсын). Шул очракта гына сез бу хатка җавап бирергә тиешле икәнегезне онытмаячаксыз. Ачылган хат – ул инде эшләнгән эш дигән сүз кебек (ул башка хатлар арасына кереп бутала). Сезгә килгән хатлар җавапсыз калмасын, бу сезнең игътибарлы һәм ихтирамлы булуыгызны күрсәтә. Шушы ук алымны мин СМС һәм Ватсап хәбәрләргә карата да кулланам.

*​ Китап укырга вакытыгыз юк икән, аудиокитапларга күчегез. Вакыт юк дип укудан туктап калырга һич ярамый. Аудиокитапны мин ашарга пешергәндә, рульдә барганда, спортзалда шөгыльләнгәндә тыңларга өйрәндем, бер кыенлыгы да юк икән. Шушы ук рәвешле чит тел дә өйрәнеп була. Ә радионы мин күптән тыңламыйм инде, чөнки ул файдасыз.

*​ Кирәкмәгән эш белән шөгыльләнмәгез. Урын-җир япмалары, сөлгеләрне үтүкләү ник кирәк сезгә? Кибеттә менә дигән кондиционерлар сатыла, кер юганнан соң шуның белән чайкатсаң, аннары керне тигезләп элсәң, үтүкләгәннән ким булмый ул. Кулланып карагыз әле.

Ә сез вакытны янга калдыруның нинди алымнарын кулланасыз? Комментарийларда язуыгызны үтенәм. Сездән үзем өчен файдалы мәгълумат алуыма ышанам, кызлар! 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Син минем балам! – Нихәл, улым! – Айдар Фидаилевич ак биләүдәге бәбине күтәреп, битенә үк терәде. Үз гомерендәге иң шатлыклы көне бүген аның! – Рәхмәт сезгә, Ләйлә! Бу бәхетне бүләк иткәнегез өчен. – Ир баланы күтәргән килеш Ләйләгә борылды. Хатын елый иде. Башта яшерен генә тамган күз яшьләре тора-бара тоташ үксүгә әверелде.  – Ай-дар... Фи-даи-левич... ба-ла-ны бир-мим... Бирә... ал-мыйм... – Ләйләнең бу сүзләре иңрәү булып чыкты. 
    11308
    5
    142
  • Бозым Сихерчеләр, имчеләрне никтер картаеп-бирчәеп беткән карчыклар кыяфәтендә генә күзаллый иде моңарчы Галия. Аларның яшәгән йорты да каядыр бер читтә, аулакта булырга тиеш иде кебек. Ул йорт үзе үк күңелдә шик уятырга, шом кертергә тиеш...  Ачык йөзле, ак яулыклы апа каршы алды аларны.
    6932
    1
    91
  • 7917
    2
    53
  • Ялгыш очрашу Инде ничә ел үткән, әмма аны күргән саен, атлап барган җирдән адымнарын әкренәйтә, йөзенә иңгән гаепле елмаюын махсус җыерылган кашлары астына яшерергә тели. Оныта алмый бугай шул...
    8963
    1
    49
Реклама
Соңгы комментарийлар
  • 25 сентябрь 2020 - 01:53
    Без имени
    Мин Дэ нэкъ шулай 32 яшемдэ 2 кызым белэн ялгыз калдым,ирем бер хатын бн чыгып китте ,1 елдан кире кайтты, гафу итэ алмадым,шартлатып араны оздем.Ул хатыннан-хатынга йореп,45 яшьтэ асылынып улде,чыгып киткэн хатын 10 еллап, психбольницада яши.Э мин ,Аллага шокер ,ирлэр булдыра алмаган ирлэр эшен эшлэп,кызларымны устереп,эле Дэ исэн- сау эшлэп ятам.Хатын-кыз ялкау булмаса,беркайчан да югалмый,аларга АллахеТэгалэ безгэ коч бирэ.
    Бәясен белгән хатын-кыз көчле ул...
  • 25 сентябрь 2020 - 02:10
    Без имени
    Минем кияу Дэ нэкъ шулай качып-посып ,никах укытып,узенен классташы белэн 5 ел инде яшэп ята.10 еллык классташлар очрашуыннан сон айный алмады.Бик тырышып яшерсэ дэ,тэжрибэле кузгэ куренеп тора.Ул да шуннан сон дин юлына кереп китте.Имеш диндэ 4 хатын да рохсэт ителэ.Узлэре бугенге кондэ БИК рэхэт яшэсэлэр дэ,ата-ананын азгынлыгы очен балалар узлэренен авырулары,газаплы тормышлары ,улемнэре белэн жавап бирэ.Чонки рэнжу,куз яшьлэре узенэ тошмэсэ,балаларга тошэ.Хэр кеше шуны онытмасын Иде.Алар бит ойгэ кайтасы акчаны,гаилэнен зур ойлэр салып,иркен тормышта яшисе доходларын илтеп икенче хатынга бирэ.Гаилэдэ беркайчан да артык акча булмый.Ойдэге хатын белэн бергэлэп эшлэп,чит хатынны содержать итэлэр.2 нче хатын булып яшэргэ ризалык бируче хатыннар,акылыгызга килегез,ул ирлэрнен акчасы тозлы куз яшьле,рэнжешле акчалар,беркайчан сезгэ бэхет китермэячэк,авырлык,авырулар белэн корэшу очен тотылып бетэчэк.
    Бәясен белгән хатын-кыз көчле ул...
  • 23 сентябрь 2020 - 15:08
    Без имени
    👍👍👍
    ​ Адашкан шәүләләр
  • 23 сентябрь 2020 - 19:18
    Без имени
    Великовозрастный балаларны карарга жигелергэ кем кушты? Узегез гаепле бит!!!
    Ана рәнҗүе төшәргә дә мөмкин
  • 23 сентябрь 2020 - 15:25
    Без имени
    Шундый тәрбияви әсәрләр иҗат итүчеләр бик сирәк шул.Урының җәннәт түрләрендә булсын иде,Туфан абый
    Сиңа дигәне...
Реклама
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»
Кешелек хакында фәлсәфи уйланулар, робот София һәм ипи
Балачак – уйнар чак...