Күрәзәчедән ничек коткарырга?

Апама инде 32 яшь. Ул бик акыллы, белемле, эшендә хөрмәтле кеше. Әмма, ул әле һаман да үз акылы белән яшәми, ә бер күрәзәченең киңәшләрен тотып гомер итә. 
Моннан биш ел элек ул бер егеткә гашыйк булган иде. Барысы да менә шуннан башланды. Ничек кенә тырышса да, ул егетне үзенә карата алмады апам. Ничектер, җавапсыз мәхәббәт булып, йөрәгендә зур яра булып калды ул аның.  Апамның сагышланып, күңелсезләнеп йөрүен күргән бер хезмәттәше аңа күрәзәлек белән шөгыльләнүче бер ханымның телефон номерын биргән. Апам бу телефон номеры буенча шалтыратып, аның белән очрашуга барган иде. Очрашуга килгәч, күрәзәче ханым апама атап карталар ачкан. Ә карталар... апам белән әлеге егетнең беркайчан да бергә була алмыйсын, бу егет аның язмышына язылган ир-ат түгеллеген «әйткән». Үзеңнең тиң ярыңны соңрак табарсың, дигән аңа күрәзәче хатын. 
 – Ашыкма, тынычлан. Бәхетең алда көтеп тора. Синең кебек кызлар ялгыз калмый, – дип кат-кат кабатлаган. 
Апам бу очрашудан шундый тәэсирләнеп кайтты! Күрәзәче хатынны бер дә теленнән төшермәде. Гел аның сүзләре белән генә сөйләшә башлады. Менә шулай биш ел вакыт узды. Тормышында нинди генә вакыйга булса да, апам шул күрәзәче ханымга мөрәҗәгать итәргә гадәтләнде. Әле нинди зур акчалар түли ул аңа! Әниемнең дә, минем дә киңәшләргә колак салмый, һаман шул ханым сүзе белән яши...
Аңлавымча, күрәзәче ханым аны гел яхшыга ышандыра, күңелле вакыйгалар юрап тора. Хәтта егетләр белән очрашуга барганда да ул аның белән шалтыратып киңәшә. Без апам белән утырып сөйләшеп тә, аңлатып та, күрәзәченең акча өчен генә аралашканы турында әйтеп тә карадык. Юк, ул безнең белән килешми, һаман үзенекен итә.
Ә беркөнне апама күрәзәче шәхси тормышыңны җайларга сиңа әти-әниең комачаулый, дип әйткән. Хәтта аңа арендаларга фатир табарга да булышкан! Апам хәзер шул фатирга күченеп йөри.
Бу хәлләргә әнием бик борчыла. Апамны ниндидер куркыныч хәлләрдән, зур алдаулардан саклап кала алмабыздыр сыман тоела. Нишләргә икән? Мондый очракта кемгә мөрәҗәгать итәргә?
Киңәш бирегез әле...

Рамилә. 

Казан шәһәре.

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Син минем балам! – Нихәл, улым! – Айдар Фидаилевич ак биләүдәге бәбине күтәреп, битенә үк терәде. Үз гомерендәге иң шатлыклы көне бүген аның! – Рәхмәт сезгә, Ләйлә! Бу бәхетне бүләк иткәнегез өчен. – Ир баланы күтәргән килеш Ләйләгә борылды. Хатын елый иде. Башта яшерен генә тамган күз яшьләре тора-бара тоташ үксүгә әверелде.  – Ай-дар... Фи-даи-левич... ба-ла-ны бир-мим... Бирә... ал-мыйм... – Ләйләнең бу сүзләре иңрәү булып чыкты. 
    10758
    5
    136
  • Бозым Сихерчеләр, имчеләрне никтер картаеп-бирчәеп беткән карчыклар кыяфәтендә генә күзаллый иде моңарчы Галия. Аларның яшәгән йорты да каядыр бер читтә, аулакта булырга тиеш иде кебек. Ул йорт үзе үк күңелдә шик уятырга, шом кертергә тиеш...  Ачык йөзле, ак яулыклы апа каршы алды аларны.
    6492
    1
    85
  • 7568
    2
    52
  • Ялгыш очрашу Инде ничә ел үткән, әмма аны күргән саен, атлап барган җирдән адымнарын әкренәйтә, йөзенә иңгән гаепле елмаюын махсус җыерылган кашлары астына яшерергә тели. Оныта алмый бугай шул...
    8581
    1
    48
Реклама
Соңгы комментарийлар
  • 21 сентябрь 2020 - 21:33
    Без имени
    Нэкь шундый дип куз алдына китергэн идем.Ошыйсын Син мина Золфэт,кеше буларак,ир-ат буларак.Сойлэвеннэн ук эйтмэсэн дэ хатынны да балаларынны да яратуын сизелеп тора.Шундый гаилэлэр кубрэк булсын иде.Молодец!!!
    ​Мин хуҗабикәне сайлыйм
  • 21 сентябрь 2020 - 14:35
    Без имени
    Молодцы, Голнур да, Голназ да, афэрин сезгэ, кызлар! Бик матур килеп чыккан!)
    «Мин – Гөлназ Сәфәрова...»
  • 21 сентябрь 2020 - 22:04
    Без имени
    Акыллы ир,сырлап,матурлап тормый,турыдан,молодец!
    ​Мин хуҗабикәне сайлыйм
  • 21 сентябрь 2020 - 11:27
    Без имени
    Яхшы тәмамланды, ләкин бик кыска язма булды
    Җилбәзәкне өйләндерү
  • 20 сентябрь 2020 - 07:43
    Без имени
    Бернәнсәдә аңлашылмады, дәвамы ничек?
    Яңгыр 
Реклама
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»
Кешелек хакында фәлсәфи уйланулар, робот София һәм ипи
Балачак – уйнар чак...