Кеше бәхете...


Эльвира инде ике ел элек 30 яшен узып китте. Әти-әнисе кияүгә чыгу турында урынсыз сорауларын биреп аптырата алмыйлар аны. Укырга керергә дип Казанга киткән җиреннән шунда төпләнде дә, алар янына ике елга бер генә кайтып килә башлады. Шәхси тормышын җайлап җибәрде алай да. Үзеннән егерме яшькә олырак ир белән студен чакта ук бергә яши башладылар. Торак турында да, акча турында да кайгыртырга кирәкми. Машиналы да булды. Яңа салынып килүче йорттан фатир да алып бирде. Шуңа күрә эшендә дә бирелеп, карьера өчен дип тырышып эшләргә аңа тормышның бер вак-төяк проблемасы да комачауламады. Ләкин бу ирне бөтен кешедән яшерде ул нигәдер. Аның турында эштә йә дус кызлары белән сөйләшкәндә «дустым» дип кенә искә ала иде. Дус кызлары да ул ирне читтән генә күргәннәре бар. Исемен сорап караганнар иде, бу мөһим түгел, дип, Эльвира башка кызыксынырлык урын калдырмады. Шул дусты белән 12 ел бергә яшәделәр. Икесенә дә шулай уңайлы булган, күрәсең. Ни гаилә, ни бала... Ләкин кеше алдында күрсәтерлек ир булмады ул Эльвира өчен.

Аңа карап эшендә уңды. Бөтен вакытын, мөмкинлекләрен, акылын, тырышлыгын эшенә багышлады, бүлекне җитәкләде. Чыннан да, эш аты иде ул. Аның кулы астында эшләүче хезмәттәшләре дә шуның өчен хөрмәт итте. Болай да матур киенеп йөргән Эльвираның тагын да матурланып, чибәрләнеп китүен игътибарсыз калдырмадылар. Сорап, кызыксынып карадылар, ә ул серле генә елмайды. Бераз вакыттан соң сер капчыгы чишелә башлады.

Оешмага яңа финанслар директорын билгеләделәр. Себер якларыннан зур оешмада тәҗрибә туплап кайткан яшь иргә күз төшмәслек түгел иде шул. Аның эшкә урнашуы белән Эльвирадагы үзгәрешләр туры килүен күпләр сизде. Бүлек коллективы – аеруча. Һич булмаганны, Эльвира үз бүлмәсе белән бүлекне тоташтыручы туры ишеккә йозак элде. Кереп-чыгып йөри торган үз ишегеннән әйләнеп кенә йөри башлады. Теге яктан кемдер кунакка кереп озак кына көлешеп сөйләшеп утырганнарын сизми мөмкин түгел иде. Берәр айдан соң бөтен бүлек кызлары белән бүләккә күлмәк җиңенә тага торган иң матур запонкаларны сайладылар. Кемгә бу дип кызыксынучыларга: «Директор кушуы буенча», – дип җавап бирде. Ләкин без капчыкта ятмый. Ике көннән яңа финанс директорының туган көне икәнен бөтен коллектив белеп өлгергән иде инде. Җитәкченең шәхси тормышында лаеклы кеше барлыкка килүенә сөенсәләр дә, бу хисләр озакка бармады. Теге ирнең шәһәргә гаиләсе белән күченеп кайтканлыгы билгеле булды. Ике улы да бар икән...

Моңа карап Эльвираның бәхете сүрелмәде. Үзенә туры килердәй «партиядән» баш тартырга уйламады да ул. Перспективалы ир аңа яхшы юлдаш та, терәк тә була ала. Берәр айлап вакыт узды микән, эштә Эльвираның теге финанс директоры белән бергә яши башлавы турында сүз китте. Әле генә хөрмәт иткән җитәкчеләрен күрмәс хәлгә җитте хезмәттәшләре. Барысы да гаиләле, балалы хатын-кызлар булгангамы, Эльвираның бу адымын бөтенләй хупламадылар, күтәрелеп карамас булдылар. 

Шулай итеп, гаиләне таркатып, бу ирне үзенеке итте Эльвира. Инде озак та узмады, бәби көткәне турында хәбәр итте. Бала туар вакыт җиткәндә бу пар турында бөтен оешма белә иде. Читләтеп тә, турыга да әйтеп карадылар Эльвирага. «Гаиләне таркатучы», «сөяркә», «балаларны атасыз калдыручы» дигән сүзләргә игътибар да итмәде ул. 

Эльвира кеше төсле вакытында декретка да чыкмады. Үзе теләмәде. Эшне ташламау сәбәп кенә иде. Көне буе диярлек яңа иренең кабинетын сагалады. Үз кабинетын аныкы янына күчерүләрен сорады. Бала табарга да эштән генә китте ул. Уллары туды. Ләкин Эльвираның тынычлыгы бетте. Өйдә бала белән утырасы килмичә ике айдан эшкә чыкты. Эшне сагынып түгел, ирен сакларга. Моны бөтен кеше аңлый иде. Эльвира гына төрлечә акланырга, сәбәпләр эзләргә тырышты. Үзенә тынычлык тапмагангамы, улы да елак булды. Финанс директор төнгә кадәр эшләсә, ул да, кайтырга ашыкмыйча, аны көтеп утыра. Иргә бу, әлбәттә, ошамады. Хезмәттәшләре дә, «сакчы этең» көтә, дип, ярсып торган учакка утын атып тордылар. Ир Эльвирага эшкә йөрүне тыйды. 

Ничек кенә эшкә чыгарга теләсә дә, Эльвира булдырмады. Ярты яшьлек кенә улы була торып ул инде икенчегә бәби көтә иде. Ире инде Эльвира урынына килгән яңа яшь җитәкче белән гыйшык уены башлаганын ул әле белми иде...
 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • «Мин синең иреңне бәхетле итәм...» Тормышның яңа борылышында үзебезне нәрсә көткәнен без беркайчан белмибез. Уйламаган җирдән аякка уралган ниндидер борчулармы, әллә бөтенләй көтмәгән сөенечләрме? Тормыш борылышлары безне күкләрдән җиргә төшерә ала. Ә кайчак – киресенчә: бәхетсезлегең бәхет юлына бер адым гына булуын аңлата. Чүпрәле районының «Туган як» газетасы баш мөхәррире Резидә Җамалтдинова һәм аның ире Рамилнең очрашу, танышу, кавышу тарихы – шуңа бер мисал. Ачыктан-ачык сөйләшәбез.
    7238
    7
    66
  • «Хатының кайда – син шунда бул, тормышны бергә тартыгыз» «Тәгәри китте йомгагым, күрмәдегезме, агайлар», – ди Гөлчәчәк татар халык әкиятендә. Гомер йомгагын сүтә-сүтә, көннәр, айлар, еллар үтә... Адәм баласы әллә кайда – офыклар артында көтеп торган бәхетне эзләп бара да бара... Үткәнебезне – бар иткән, киләчәгебезгә нигез салган бүгенгебезне сизми дә калабыз. Мин бүгенгем белән бәхетле!
    4484
    0
    43
  • Гомер бер генә килә  Балалары икәү булса да, әниләре янына килергә ашыкмыйлар, эшләре бик тыгыз, ахры. Рафига апа ике учын янәшә куеп гел дога укый, Аллаhы Тәгаләдән җиңел үлем сорап ялвара.  Ул Галиягә үз тормышын сөйләп бирде инде: «Балаларым минем үлемемне телиләр инде. Мин киткәч, алар арасында фатир өчен тавыш-гауга чыгар инде. Карт кеше кемгә кирәк».
    4921
    0
    37
  • Өмет белән алга карап яшәргә әнкәйдән өйрәндем 1981 ел. Булачак кайнанам белән мин Казан тимер юл вокзалында таныштым. Төнге сәгать 11 дә! «Төнлә белән беренче тапкыр кайнанаң белән кайнатаңны күрергә вокзалга төшәчәксең», – дисәләр, һич ышанмас идем.
    2954
    4
    36
  • Үтмә, гомер, заяга! Хатынын һәр баганага көнләвенең урынсыз гына түгел, ә тормышларын җимерүче, бер-берсеннән читләтүче гамәл икәнлеген, кызганыч, Гамил һич кенә дә аңларга теләми...
    9676
    6
    35
Реклама
Соңгы комментарийлар
  • 1 декабрь 2022 - 21:27
    Без имени
    Баланын этисе бардыр бит? Этисе дэ алгаласын бакчадан, уйнатсын, саф хавалар суларга алып чыксын. Ник эни тиеш дип белэсез? Ул узенекен устереп, кеше иткэн инде, житэр ана. Олы яшьтэ, башны кутэрмичэ, бала карап булмый да эле, арыта да. Узегез тапкансыз, узегез устерегез! Алла сабырлык хэм ярдэмен бирсен. Бала устеру жинел дигэн кеше юк эле, аны бит уйнатып, ашату, юындыру гына тугел, тэрбия бирергэ дэ кирэк.
    Әни шәхси тормышын төзи, мин җәфаланам
  • 1 декабрь 2022 - 21:15
    Без имени
    Белмим, мин дэ баланы берузем тарбиялим, эни эти икенче шэхэрдэ торалар, Бер булышучым да юк, куршедэн башка, элдэ Аллага шокер ул бар, баланы иртэн торып мэктэпкэ озата (1класс), мин эшкэ БИК иртэ китэм, дэрес беткэч подъездда каршы алып квартирага кертеп, ашарга жылытып бирэ. Свидание га йорергэ уемда да юк, даже не представляю как это. Куршемэ озын гомер сэлэмэтлек телим, элдэ ул бар. Бала усэ ул, Гомер буе бэлэкэй булмый, Шуна элеге вакытта баланы карау минем очен важнее всяких свиданий и личной жизни.
    Әни шәхси тормышын төзи, мин җәфаланам
  • 1 декабрь 2022 - 16:39
    Без имени
    Баштан утте, килмэгэн туганы калды микэн, торыргада. Йэ эйтмичэ килеп керэлэр иде. Аннары зарланганнарын ишеттемдэ. Берегезнедэ чакырып китермэдем, уземнен сезгэ барып торганым юк дидем. Мэжбури тотмыйм узегез килэсез дидем. Тоже бер булмэле иде. Хэзер килэсэлэрдэ китэлэр. Эле аларча булырга тиеш. Булмый гына торсын эле.
    Иремнең туганнары...
  • 1 декабрь 2022 - 10:43
    Без имени
    Котлыйбыз! Яшьлэр безнен килэчэгебез
    «Яңа йолдыз»да яңа җиңүче!
  • 1 декабрь 2022 - 09:35
    Без имени
    Бик кызыклы ,эчтелекле язма.
    Тау артында таулар бар
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда