Бала кирәкме миңа?

Утыз яшемә якынлашып киләм. Тормышымдагы берничә вакыйга мине бала табу теләгеннән мәхрүм итте. Хәзер мине борчыган бердәнбер сорау – баласыз да бәхетле гомер кичереп була микән?

Берничә ел элек бер яичнигымны алдырырга туры килде. Табиблар хәзер климакс бик күпкә иртәрәк киләчәк, диделәр. Ягъни 35 яшемдә дә бала табу мөмкинлеге булмаска мөмкин. Ничек насыйп булса, шуңа риза инде үзем. Чөнки хәзер миңа баланың кирәге юк. 

Гаиләдә бердәнбер бала мин. Әти-әни күп вакытларын эштә уздырдылар. Әти архитектор иде, аның проектлар уйлап, алар белән эштә төнгә кадәр утырып кайтканын хәтерлим. Аның проектлары буенча шәһәрдә бик матур биналар төзелде. Әни пластик тәрәзәләр ясау буенча үз эшен ачып җибәрде. Әле ул вакытта пластик ишек-тәрәзәләр кулланышка кереп кенә бара иде. Вакытлы башлап җибәрү нәтиҗәсендә әнинең эше уңышлы барды. Икесе дә эшләренә бирелгән кеше буларак, миннән кала башка бала алып кайтырга теләмәгәннәр булса кирәк. Вакытлары да җитмәс иде барыбер. Няня белән үсәргә калган бер бәхетсез бала да бик җиткән бер гаиләгә, дигәннәрдер.

Кичен гаилә белән җыелып, сөйләшеп утырулар, бергә кинога барулар, кышын чаңгы, чана шуулар, җәен бергәләп каядыр ял итүләр, әбиләргә кунакка кайту кебек һәр баланың балачагын бизәүче матур хатирәләр мине урап узды. Әбиләр дә бездән бик еракта яшиләр, Урал якларында. Әти белән әни яшь чакларында ук күченгәннәр монда. 

Сагынып ялгыз утырырга туры килмәсен өчен әни мине нинди генә түгәрәкләргә яздырмады. Шахмат белән скрипкага мәктәптә йөрдем, бию һәм рәсем осталыгына махсус белем бирү мәктәбендә өйрәндем. Инглиз теле, бассейн да минем графигымның бер өлеше иделәр. Бөтен җиргә няня йөртте инде. Үсә төшкәч үзем йөри башладым. 

Үз көнемне үзем күрә башлагач, әти-әни сөенделәр генә. Фатирны мин мәктәптә укыганда ук алып куйганнар иде инде. Бүген пластик тәрәзәләр производствосын берничә шәһәрдә алып баралар. Мин кияүгә чыктым. Ирем дә эшлекле кеше. Үзем үскән гаиләнең моделен кабатлыймдыр инде. Ләкин минем гаиләдә балага урын юк. Бәлки, үземнең беркемгә кирәксез балачагым шулай тәэсир иткәндер. Ирем дә бала кирәк дип әйткәне юк. Дөрес, әле өч ел гына яшибез.

Кирәк бит, минем дус кызларым да утыз яшен узган хатыннар. Берсенең дә баласы юк. Бәлки бу психологиядер – мин үземә шундый дуслар табамдыр. Безнең өчен бу гадәти хәл кебек, безнең беркайчан да балалар турында сөйләшкән юк. Мохит дигән әйбер бар бит ул. Минем тирәдә үзем шикелле бала теләмәгән кешеләр...

Диагнозыма әйләнеп кайтырга телим... Табиблар әйтүенчә, бала табу сәләтен мин бик тиз югалта алам. Әмма бүгенге көндә мине бу бөтенләй борчымый, чөнки бала алып кайтырга теләмим. Ләкин алга карап уйлый торган кеше буларак, бер сорау борчый. Көннәрдән бер көнне, мәсәслән, 35 яшемдә бала кирәксенә башласам? Ул чакта нишләргә соң? 

Беркөнне төш күрдем. Текә тауга менеп барам, менгән саен авыррак, тавы да текәрәк, кыяга әйләнә бара. Нигә болай авыр соң миңа, дип аптырыйм, имеш. Шулчак күзем корсагыма төште. Инде бала табыр вакыты җиткән хатын-кыз корсагы күрдем үземдә. Йокыдан шабыр тиргә батып уяндым. Балага узганмынмы әллә, дип, куркып та калган идем. Әле ярый дөрес булмады. Ләкин шул көннән соң башыма шикле уйлар керә башлады. Үкенечкә калмасын өчен теләмәсәм дә бала алып кайтыргамы әллә? Бер теләгең дә булмаса, ул баланы яратып булырмы? Соңыннан ирем дә кирәксенә башламасмы? 

Психологка да мөрәҗәгать иттем инде. «Гадәттә, кеше якыннарын югалту стрессын кичерер өчен үзен алдан әзерли, бала таба. Ул моны үзе уйламыйча да эшли, табигать кануннары бу. Баласы булган кеше барыбыр өмет белән кала, киләчәккә карап яши, бала яшәргә ярдәм итә. Ә сез якыннарыгызны, әти-әниегезне югалтудан курыкмыйсыз», – диде. 

Монда хаклык бар. Мин гомерем буе алар өчен артык булдым кебек. Аларның тормышларын катлауландыра идем, комачаулый идем кебек. Авырый башласам, әни нишләргә белми иде. Чөнки ул бер сәгать тә өйдә тора алмый, аны клиентлары көтә. Ә мин, авырып, аның планнарын боза идем. Әти инде бөтенләй мине саклап утырмады... Әле дә сирәк аралашабыз. Атнага бер икесенең берсе белән сөйләшсәм, шуннан артыгы кирәкми. Аларга да, миңа да...

Бала тапмыйча да бәхетле булып яшәгән хатыннар бармы ул? Йә инде теләмичә дә бала алып кайтып, аннары ул баланы яраткан хатыннар? Ике юлның берсен сайларга ярдәм итегез...
 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (8)
Cимвол калды:
  • 21 февраль 2023 - 09:16
    Без имени
    Ялгышасын бала бик кирэк.бик зур операциялэр кичереп бала таба алмадымлэкин мина балалар йортыннан алып устерергэ аллага шокер насыйп булдлыбердэ укенмибез,безнен кайта дип котеп тора торган кызыбыз,оныгыбыз киявебез бар,аллага шокер исэн имин булсак иде
  • 29 гыйнвар 2023 - 22:52
    Без имени
    Аллага шокер 37 яшемдэ беренче баламны таптым.мин доняда ин бэхетле кеше.
  • 28 гыйнвар 2023 - 21:17
    Без имени
    Сенлем!!!! Бу бэхеттэн узенне мэхрум итмэ. Тормэ Син бэхетле бэрхеткэ. Хэр бала уз бэхете белэн Туа. Хэзерге заманда эллэ нинди вариантов бар. Син бэби алып кайтмыйча узенне, оныклар сою бэхетеннэн Дэ мэхрум итэсен. Баланны балансы балдан татлы.
  • 26 гыйнвар 2023 - 17:37
    Без имени
    Танышым икенче баласын 40 тирэсендэ тапты. Тоже 1 яичнигы гына. Шатланып, яратып устерэлэр. Эгэр таба алсагыз табыгыз, баласы кеше чын яратуны белми дип уйлыйм.
  • 25 гыйнвар 2023 - 10:45
    Без имени
    Балалар - ул яратып туймаслык Ходай бүләкләре, Аларның йомшак нәни куллары, матур елмаюлары, "әни, мин сине яратам" диюләре дә күңелгә әйтеп бетергесез рәхәтлек бирә бит, тормышка ямь өсти. Табыгыз бер бала, үзегезгә иптәш булыр, әти-әниегезнең ялгышларын кабатламыйча үстерегез, үзегезне шушы бәхеттән мәхрүм итмәгез.
  • 24 гыйнвар 2023 - 20:57
    Без имени
    Бала - ул проблемалар инде. Туганнан алып ахырга кадәр. Менә әле дә кызымның балаларын крашырга килеп җиттем. "Скорая помощь" мин. Тик... Шулардан башка тормышның бер кызыгы булмас иде минем өчен. Ир белән хатын арасында мәхәббәт сүрелә, балага мәхәббәт мәңгелек ул!
  • 23 гыйнвар 2023 - 12:30
    Без имени
    Ооо монда все запущено, русча эйткэндэ, берне тугел биш табарга кирэк сроооооочно, вакытны кире кайтарып булмый, ата ана ялгышын кабатламаска, ничек инде узенен баланны яратмаска момкин,
  • 23 гыйнвар 2023 - 11:58
    Без имени
    Сез ,жаным,бэби табыгыз,,тормышыгыз эйбэт,тормыш иптэшегез дэ каршы булмас.Йортка бэби кайтса,узегез ук анларсын,гаилэнен ин зур бэхете бала булганда икенен!
Хәзер укыйлар
  • Дус кызымның ире икенче хатын алган  Дус кызыма шулчак әллә нәрсә булды, мышык-мышык елап җибәрде, керфекләренә яккан тушь җебеп, алсу бите буйлап акты. Мин Гөлчәчәкне тынычландырырдай кирәкле сүзләр таба алмадым, ни өчен сорау биргәнемә дә үкендем...
    7249
    1
    52
  • Хата Тормышта бер генә кеше дә хаталардан хали түгел. Без ясаган хаталар бер-берсеннән зурлыгы йә кечкенәлеге белән генә аерыладыр. Кечкенәләре шунда ук онытыладыр. Ә зурраклары, язмышыңны башка сукмактан алып кереп киткәннәре... Алары башка шул. Алары сине гомер буе озата бара...
    4824
    0
    34
  • «Кичер мине, әни!» Ә менә бу – ул керәсе йорт, анда аны әнисе көтә. Унбиш ел көтә инде... Кичке эңгер-меңгер. Кәүсәриянең күзе ирексездән ике якты тәрәзәгә төште. Аларның берсендә бөкрәйгән хатын-кыз шәүләсе күренде. «Йә Хода! Ничек картайган!» Кызганудан Кәүсәриянең йөрәге чәнчеп алды...
    3638
    1
    20
  • Ләкләкләр Яз җиткән саен ләкләкләр кайтуын өзелеп көтә башлыйм. Бу кошлар кайткач җиһанга яңа тормыш иңә кебек. Мин өчен бик кадерле алар. Аларга кагылышлы үз тарихым бар. 
    1515
    0
    18
Реклама
Соңгы комментарийлар
  • 23 март 2023 - 11:56
    Без имени
    Башта ул үзе генә булганда аңа игътибар күп булган, аннан сез кияүгә чыккансыз, игътибар кими төшкән, бала туган, тагын ныграк кимегән, аңа гына карап тору беткән. Ул бала гына икәнен онытып җибәргәнсез. Сезгә ул инде зур, үчтекиләргә кирәк түгел дип саный башлагансыз. Ә ул балада әкренләп әнә шул көнләшү дә, үпкәләү дә, үртәлү дә барлыкка килгән. Белмим, бу хәлне төзәтә алырсызмы.
    Ничек дуслаштырыйм?
  • 22 март 2023 - 10:47
    Без имени
    «Улымны узем генэ устердем» дигэн суздэн сон ук барысы да анлашылды. Киленне яратмавыгыз хэр суздэн «кычкырып» тора. Вот и гаеп эзлисез
    Оныгым минеке түгел...
  • 22 март 2023 - 09:46
    Без имени
    Менэ бу ирне жэллэп язгансыз, кешенен гаилэ тормышын белмичэ язып булмый бит, юньле ирдэн хатын китми, малаен курергэ тилмереп артыннан чабып йоргэнче, гаилэ бн яшэгэндэ кадерлэрен белеп яшэргэ булган дип тэ уйлап була, остендэге киемен утюклап кию кимэу кешенен узеннэн тора, аяксыз, кулсыз кеше тугел бит ул, утюклап кисен, хатын- кыз эш аты тугел бит ул, баласын карарга вакыты тисэ бик яхшы, ир- ат бала чага тугел, гаилэ коргач ул узе йорттагы ботен кеше очен жаваплы булырга тиеш, хатын жилкэсенэ менеп утырырга тиеш тугел!!
    Бер очрашу
  • 22 март 2023 - 14:07
    Без имени
    Улыгыз баланы яраткач, кысылмагыз. Безкапчыкта ятмый конечно. Ноикенче яктан, кешелэрбит детдомнан да алып устерэ
    Оныгым минеке түгел...
  • 23 март 2023 - 16:39
    Без имени
    Бу язманы бик дулкынланып,тетрэнеп укыдым,Аннан коментарийларны да укып чыктым,торле фикерлэр эйтелгэн,хэрберсе дэ дорестер дип уйлыйм.Куренекле шэхеслэрнен тормышын гади халык белми,курми бит,барысы да ал да гол кебек.Баксан, алай тугел икэн...Боек шэхеслэр бераз эгоистрак булалар шикелле,аларга кубрэк игьтибар кирэк,шуна курэ аларнын гаилэ тормышлары да ,яшэу рэвешлэре дэ бераз узгэрэк,ягьни каршылыклы,ямьсезлеклэр белэн чуарлана.Икенчедэн боек шэхес булыр очен узенне танытыр очен ботен гомеренне шул идеяга юнэлтергэ кирэк.Э ботенесенэ дэ житешер очен бик кочле рух,батырлык кирэктер дип саныйм мин.Андыйлар да бар сэнгать кешелэре арасында.Э шулай да Галимэ апаны актриса буларак бик яраттым,рольлэрен бик оста уйный иде.Э тормышына килгэндэ,нишлисен,беребез дэ эулия тугел,хэрбер кешенен дэ русча эйтмешли свои скелеты в шкафу
    Чибәрлек – матур кешенең сыңар канаты! 
Реклама
«Балалы Солянка» балалар музыкаль премиясе
«Татар гаиләсе / килен-кайнана» бәйгесе җиңүчеләрен котлау тантанасы
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату