Абый

Алдагы тормышымда әти юклыгын, яклаучысызлык бушлыгын шушы Илгиз абыем тутырды. Гомер буе якын кардәшләр булып яшәдек.

Бәләкәй хикәятләр юл йөргәндә юлны кыскарта. Хәер, алар хикәят итеп тә сөйләнми. Болай гына, сүз җаеннан гына. Әнә, юлдашым – сәнгать дөньясында билгеле ха­-ным – балачагын исенә төшереп елмаеп бара. Аның хатирәләре дә елмаю кебек якты: «Бервакыт, ун яшьләрдә булганмындыр, – дип сөйләп китте ул, – бер малай артымнан бастырып куып йөри генә бит. Күрше мәктәптән ул. Тәки бер кууында тотып алды бит бу мине. «Тукта, тукта әле! Син Галия бит! Син минем сеңлем Галия бит, – ди бу миңа. – Әйдә безгә барабыз. Кунакка. Мин синең абыең Илгиз».

Нишләптер, мин бу яңа табылган абыема шунда ук ышандым. Бигрәк беркатлы, риясыз булганмын инде. Аңа ияреп аларга кунакка киттем. Өйгә төн уртасында гына кайттым. Илгизнең әнисен дә яраттым. Ул да ягымлы булгандыр инде. Иң гаҗәбе шул: әнием дә: «Юк, ул синең абыең түгел. Аларга барып йөрисе булма!» – димәде. Хәер, күрше урамда гына көндәше яшәп ятканын хатын-кыз белми буламы соң инде!

Абый миннән нибары өч айга гына олырак иде. Ә безнең әти сугыштан кайтмады. Юк, һәлак булып калмады ул. Көнчыгыш фронтта японнарны кыйнап кайтышлый Фрунзе шәһәрендә яшәүче әнисе, минем әбием, янында тукталган. Шул тукталудан әбиемнәрнең күршесендәге тол хатында торып та калган. Күрәсең, безнең әти бик тиз гашыйк булучан кеше булгандыр инде. Бәлки кызганучан, мәрхәмәтле адәмнәр өммәтеннән булгандыр. Казандагы – күрше урамнарда гына яшәгән ике сабыен оныттырырлык итеп үзенә бәйләп куйган тол хатынның кызына әти итеп калдырырлык сәбәпләрне хәзер ачыклау да, аңлау да мөмкин түгел инде.

Алдагы тормышымда әти юклыгын, яклаучысызлык бушлыгын шушы Илгиз абыем тутырды. Гомер буе якын кардәшләр булып яшәдек.

Илгиз абый әтине дә эзләп тапты. Хәтерлим әле: ул Фрунзедан алып кайткан хәбәре белән урын хастасына калган әниемнең көннәрен озайтты.
«Фатыйма әни (минем әнигә шулай дип эндәшә иде ул), әтине күреп кайттым. Гомер буе бер сине генә яраткан, сине генә сагынып яшәгән икән ул! Фатыйма белән кызым Галияне күрсәм, үлсәм дә үкенмәс идем», – диде. Кайта алмый инде әткәй. Аның анда җиде баласы бар икән.
Шушы бер җөмләдән әни күңелендә еллар буе яткан боз эреде дә бетте. Әтине бәхилләп үлде ул.

Илгиз абыемның әнисенең көндәшенә – минем әниемә карата миһербанлылыгына торып-торып хәйран калам. Мин ул кадәр үк булдыра алмас идем.

Абый Фрунзедагы туганнар белән дә күпер салды: хатлар алышты, кунакка чакырды, үзе барып йөрде. Шулай итеп, тегендәге җиде бала да абыйлы булды. Гаҗәеп киң күңелле кеше иде шул ул. Пәйгамбәребез хәдисләрендәге төсле, кыз туганының хәлен үзенекеннән артык күрә торган, ярдәм итәргә яки кереп хәл белергә вакыты булмаса, өй каршыннан чыбыркысын булса да шартлатып уза торган адәм иде».
 
Менә юлдашымның матур истәлеген, онытылганчы дип, сезгә җиткерим әле.                                                                                      

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (1)
Cимвол калды:
  • 12 июль 2020 - 13:34
    Без имени
    Ах , нинди яхшы хикэя! Кунел жылылык белэн тулды! Идая.
Реклама
Хәзер укыйлар
  • «Таккан белән теккән кебек без...» – Кайнана белән ничек торасың син? Минем сыман гомер буе бием белән яшәгән, башкалар кайнаналарын сөйләгәндә сүзгә кушылмаган кешегә бу сорауны бик еш бирәләр. Җавабым гел бер була минем: – И-и, рәхәт бит аның белән! – дим. Чын күңелдән әйтәм! Бер риясыз...
    4387
    10
    113
  • Гомерем усал кайнана, исерек ир белән үтте 8   Рәфис тә, кайнатам да туасы баланың малай булуын  бик тели иделәр.  Ирем: «Малай тусын, Алладан сорап дога кыл әле», – дип, авылдагы сукыр Фәния карчыкка сәдака да илтеп бирде. Ул заманда туасы баланың кызмы, малаймы икәнен алдан белеп булмый иде шул...
    12866
    2
    90
  • «Ирең яратсын дисәң, кайнанаңны ярат» – Бу – төп нигез. Ишле гаилә! Эшле гаилә! Монда килгән-киткән кеше дә бик күп булыр. Ә син шушы йортның хуҗабикәсе булырсың! Әнинең – кайнанамның туйда әйткән бу сүзләре бүгенгедәй колагымда яңгырап тора. Ул көнне ишеткән теләкләрнең бик күбесе күптән онытылды, ә әнинекеләрне гомерлеккә хәтерләп калганмын. Матур тормышның башы шушы сүздән үк башлангандыр.
    2717
    9
    87
  • Гомерем усал кайнана, исерек ир белән үтте 11 Көн артыннан көн, ай артыннан ай узды. Икенче балама көмәнле вакытымда без, кайнана белән кайната яшәгән йорттан башка чыгып, үз йортыбыз белән яши башлаган идек...
    10844
    13
    74
  •  Гомерем усал кайнана, исерек ир белән үтте 10  Мин, иремне уятмаска тырышып, куенымда мыш-мыш килеп йоклаган баламны саклык белән агач караватка китереп салдым. Өстемдәге пальтомның төймәләрен чишеп, чөйгә өлдем. Урамда апрель башы булуга карамастан бик суык иде шул, кар да эреп бетмәгән. Салкын төндә печән өстендә баламны кысып кочаклаган килеш төн кундым бит.
    13429
    4
    73
Реклама
Соңгы комментарийлар
  • 29 сентябрь 2022 - 14:49
    Без имени
    Очень жизненно интересная история!👏👏👏
    Үз кызы итеп кабул итте
  • 29 сентябрь 2022 - 13:17
    Без имени
    Искиткеч шагыйрэ!
    Лена Шагыйрьҗан шигырьләре
  • 29 сентябрь 2022 - 20:53
    Без имени
    ФӘгыйләүүүүү, сез кая?) дәвамын көтәбез бит, һаман язмыйсыз. Языгыз инде, тизрәк укыйсы килә биииииит!!!!😻
    Гомерем усал кайнана, исерек ир белән үтте 11
  • 28 сентябрь 2022 - 08:57
    Без имени
    Эчә инде ул,туктамый хәзер.Алма агачыннан ерак төшми шул.Ераграк тәгәрәгәне бик сирәк аның.Бер ни эшли дә алмыйсыз,кызганыч.Ә кызыгыз,нәрсә булса да булыр инде диеп,буйсынган тормышы белән....
    Бүре баласын бүреккә салсаң да...
  • 27 сентябрь 2022 - 18:49
    Без имени
    Кияугэ чыкканда баласы бар икэнен белмэдегез мени? Ул беренче хатыны хэм баласы янына кире китэргэ дэ момкин, беренче хатын Аллахтан
    Баладан көнләшәм
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда