Кырыкны узгач хатын-кызлар нигә тазара?

– Их, ябыгасы иде...
Теләсә кайсы хатын-кыз телендә иң еш яңгырый торган сүз бугай бу. (Кайчак кычкырып әйтмәсә дә, уенда гел бар инде ул аның!) Бигрәк тә хәзер, җәй җиткәндә барыбызның да сылу, зифа күренәсе килә. Әмма кырык яшьтән узгач, артык килограммнардан котылу бик җиңел генә түгел шул... Нигә шулай соң бу? Сәбәбе нидә? Дүртенче дистәне ваклый башлагач, нигә күп хатын-кызлар кинәт кенә калынаеп китә?
Белгечләр моның берничә сәбәбе бар диләр.
 
1. Гормональ дисбаланс
Кырыкны узгач, хатын-кызларның авырлыгы арта башлауның иң зур сәбәбе шушы. Бу чорда аналык бизләре эстроген эшләп чыгаруны киметәләр. Аның җитмәвен сизгән организм, гормональ дисбалансны саклау өчен май тупларга тырыша. Менә шушы факторлар тазаруга китерә дә.
 
2. Прогестеронның күләме кимү
Хатын-кыз менопаузага якынлашканда, аның организмы прогестеронны азрак эшләп чыгара башлый. Бу исә үз чиратында гәүдә авырлыгы артуга, эч күбүгә, организмда суның тоткарлануына китерә. 

3. Аппетит үсә
Гормональ тайпылышлар булу аркасында, аппетит үсә. Нәтиҗәдә, хатын-кыз гадәттәгедән күбрәк ашый башлый. Ә гәүдә авырлыгы артуның төп сәбәпләренең берсе, билгеле булганча, артыгын ашау. 

4. Яшь барган саен метаболизмның акырынаюы
Кырык яшьне узган хатын-кызларның тазара башлавының тагын бер сәбәбе – метаболизмның акрынаюы. Моның белән аларның барысы да очраша. Матдәләр алмашы акырыная башлау белән, организм калорияләрне азрак «яндыра». Нәтиҗәсе күз алдында инде: бил тирәсендә шунда ук артык кирәкмәгән май туплана. 
 
5. Стресс 
Кырыктан узган хатын-кызларда борчулар, көн дә булып тора торган стресслар гына җитәрлек инде анысы. Үсеп килә торган балалары өчен дә борчыла ул, үзенең сәламәтлеге өчен дә... Һәртөрле стресска җавап итеп, организм кортизол бүлеп чыгара. Ә ул ябыгырга комачаулый. Шуңа күрә, артык килограммларны ташлыйм әле дип күпме генә тырышсаң да, берни дә килеп чыкмаска мөмкин. 
 
6. Физик активлык җитмәү
Кырыкның өске ягына чыккач, хатын-кызларның күбесе физкультура белән шөгыльләнүгә артык зур игътибар бирми башлый. Кыскасы, тормыш баса... Физик яктан актив булмаган килеш ул калорияләрне ничек «яндырырга», май катламын ничек киметергә соң? Кырыктан соң тазара башлауның иң җитди сәбәпләренең тагын берсе шушы менә. 

7. Тукланудагы начар гадәтләр
Алдарак әйткән идек инде: кырыктан узган хатын-кызларда борчулар бермә-бер арта. Картаеп килә торган әти-әниләр, әле үз юлларын сайларга өлгермәгән балалар, эш... Тормыш мәшәкатьләре артыннан чабып, күп чакта вакытында ашарга да оныталар. Ашасалар да, кул астына ни эләгә, шуның белән генә тамак ялгарга тырышалар. Нәтиҗәсе тагын бер инде: зур порцияләр алып, кирәгеннән күбрәк ашыйлар – тазаралар. 
 
8. Гәүдәдәге яшь белән бәйле үзгәрешләр
Менопауза чорына якынлашкан саен, хатын-кыз мускулларның массасын югалта. Ә май катламы шул килеш кала бирә. Организм менә шулай көйләнгән инде. Баштарак мәлләрдә бу аерма бик сизелми, әмма матдәләр алмашы акырынайган саен, ул гәүдә авырлыгының артуына китерә. 
 
9. Дарулар 
Кырыкны узгач, күп хатын-кызларның сәламәтлеге белән бәйле проблемалар башлана һәм алар төрле дарулар эчәргә мәҗбүрләр. Ә кайбер препаратлар, бигрәк тә, мәсәлән, антидепрессантлар аркасында кеше тазара башлый. 
 
Иң киң таралган 9 сәбәп шушылар. Гел сылу, зифа гәүдәле булып калу өчен, бу сәбәпләрнең кайберләрен читләтеп үтәргә дә мөмкин, әлбәттә. Моның өчен организмда барган үзгәрешләргә игътибарлы булыгыз. Үзегезне яратудан туктамагыз. Гомумән, яратудан туктамагыз! Гашыйк кеше өчен бернинди диета да кирәкмәгәне күптәннән мәгълүм икәнен онытмагыз. 
Матур булыгыз! 

фото: https://pixabay.com

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Шушы ук темага
Хәзер укыйлар
  •  Гомерем усал кайнана, исерек ир белән үтте 5 Бер көнне иртән торып бәлеш пешерергә уйладым. Бәрәңге турадым, суган әрчедем, камыр бастым. Духовкада кургаш кәгазь астында ике сәгать ярым эчендә бәлешем изелеп пеште. Ләкин хуш исе урамга кадәр чыккан итле бәлешемне ашарга насыйп булмады.
    12020
    4
    110
  •  Исерек ир, усал кайнана белән гомерем узды 3 Рәфис белән 3 ел очрашып йөрсәк тә, мәхәббәтебез үбешүдән ары узмаган иде. Беренче зөфаф төнебезне мин куркып, дулкынланып көттем.
    11422
    5
    80
  • Исерек ир, усал кайнана белән гомерем узды 2 Рәфискә кияүгә чыгарга җыенуымны әнием ошатмады, ул мине кабаттан үгетләргә кереште: «Кызым, тагын бер тапкыр уйлап кара әле! Габдулла белән Сания авылда иң усал гаилә булып санала, Санияне тиккә генә «юха елан» дип йөртмиләр. Алай гынамы, бу гаиләдә эшнең бетәсе юк: 50 сутый бакчалары, абзарларында өч сыер, кырыкка якын сарык...
    9296
    1
    55
  • Юлда кем очрамас... Кичә яшүсмер кызым эштән кайтты да, «Әни, син хәзер мине ачуланачаксың», – ди. Сагайдым. Ачуланасымны алдан ук белеп торгач, нинди ярамаган эш эшләде икән? 
    8617
    1
    52
  • Уеннан уймак Барысы да бәхәсләшүдән башланды. Хатын-кызлар, бигрәк тә йөрәкләре янып торган яшь кызлар бәхәсләшмәсен икән ул. Аларның яшьлек дәрте егетләрне үзләренә карату гына түгел, дөньяны әйләндереп бастыра ала... 
    4147
    0
    48
Реклама
Соңгы комментарийлар
  • 14 август 2022 - 12:38
    Без имени
    Менә болай яшәү сабырлык дип аталмый,куркаклык,хакларыңны өйрәнмиче таптату дип атала Гөмер бер генә,тазалык бер генә,бала хакы бер генә яшәү хакы бер генә бирелә.тормышыңда авырлыкны да,җиңеллекне дә только кеше үзе сайлый,славыйлыгын күрсәткән килмиче,кемнедер гаеп итеп күрсәтә, ә башы бары үзендә дөрес сайламаган өчен ,болар барысыда ТҮЛӘҮле АЛЛАһ каршында котылгысыз хакларны таптаткан өчен.Акыл алырдай хәлләр дә, гыйлемен (психология)дә биреп тора,гел шулай тормоз да торучыларны куатләп иии мескенем,түз инде,нишлатәсең язмышыңдыр диеп,чыгыш юлы барлыгын күрсәтмичә тилмереп үлүен көтеп торган кебек.Хатыннар исегезгә төшерәм тиран авыру, ирләр б н тору катгый тыела КОРЬӘНдә.Талак сүрәсен АЛЛАһ,бу хәлләр буласын белеп, кешеларне кисәтү өчен җибарде.Бу темага китеп язып була,язганнардан да мәгьнә эзләп гыйбрәт алып бик була.
     Исерек ир, усал кайнана белән гомерем узды 3
  • 13 август 2022 - 23:40
    Без имени
    Искиткеч. Үземнең әтием күз алдыма килеп басты. Бик сагынам әтиемне
    Әткәем
  • 10 август 2022 - 11:06
    Без имени
    Тизрэк аерып алып кайтыгыз, тазалыгын, я ботенлэй узен бетерэ ул юньсез
    Кияү кызыбызны кыйный?
  • 10 август 2022 - 10:28
    Без имени
    ДАУАМЫН КӨТӘРГӘ ҠАЛДЫ.
     Гомерем усал кайнана, исерек ир белән үтте 5
  • 11 август 2022 - 13:57
    Без имени
    Гүзәл, син үзең дә бик гади, булган кеше. Гаилә иминлеге, матур киләчәк Сезгә!
    «Иреңнең әнисен ярат!»
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда