Марсель Галиевкә туган ягы кирәк!

  Иллә дә дөрес әйткән инде Фәнис Яруллин: « Шатлыкта да, кайгы да да туган ягы кирәк кешегә!» – дип. Бу ара Республика йөзе булырлык хөрмәт иясе кешеләрнең юбилей чаралары булып узды. Кайсыларында катнаштым, кайсыларында юк. Дөресрәге, катнашырга җай чыкмады.
  Ә менә Марсель Галиев белән Гарифҗан Мөхәммәтшинның гомер бәйрәмнәрен күрмәммешкә сабышу мөмкин түгел иде. Шагыйрь халкы Күе белән Җир арасын бюиләп яши торган зат инде ул. Аларның бу хасияте Марсель Галиевнең Камал театры бинасында узган юбилей кичәсендә бигрәк тә нык тоемланды. Әй сагындырган икән Камал театры бинасын шыгрымлап тутырып уздырылган ул кичәләр. Кичәң өчен бина юллап йөрүләрне, артистлдарны күндерүләр, ераклардан килгән кунакларыңны сыйлап озатулар әллә бик ансат дип уйлыйсызмы. Шул мәшәкатьләрнең барысы өчен акча табулар хакында әйтмәсәм дә чамалыйсыз булыр. Җиңел түгел, һич тә җиңел түгел ул, акча теләнеп йөз суын түгүләр.Марсель Галиев үзе  үзара сөйләшкәндә : «Мин йөрмәдем», – дигән ия-хәбәрле кыска җөмлә генә ташлады. Йөрсә дә, йөрдем димәс, горур башын имәс инде ул. Ярый ла синең өчен йөреп торырлык дусларың булганда. Сәхнәдән кичә ахырында теге җөмләнең икенче варианты да ыргытылды: «Мәдәният министрына комачауламаган өчен рәхмәт». Юкка, бер дә юкка алай ди. Арендасы бер кичкә 300 мең торган бинаны алырсың  болай гына. Түшеңә медальне кадарлар болай гына...
  Ә нигә? Барысы да ихтимал. Кайсы халыкта бар әле ул тагын Марсель Галиев кебек галилеген саклый белгән каләм хуҗасы! Әйе, Каләм остасы гына дию аз аңа, ул чыннан да Каләм хуҗасы. Мин аны иҗат газабы кичерәдер дип белмим.Ул инде кайсы сүзнең кайсы сүз, кайсы ымның нинди ишарә артыннан әйтелергә тиешлеген, ягъни сүз кадерен, сүз тәмен, сүз хасиятен, сүз тылсымын, сүз егәрен белеп туган. Шул белеклелеге белән сокландыра да ул безне. Нинди бөек халыкның баласы булуыбызны, ягъни татар булу фидакарьлеген (ә бәлки фидаилыгын  дип әйтү дөрестер, ә Марсель? Чөнки татарлык татар баласыннан фидаилык та таләп итә), шушы олы тарихлы халыкның баласы булу горурлыгын искәртеп, хәтерләтеп тора.
  Кичә башланып, сәхнә түре Галәм киңлегенә әйләнгәч, Галәм кайтавазы сыман  карабаер юргаларда җайдаклар тыпырдаганы ишетелгәч, ничек йөрәкләр татлы, самәви сагвыштан, югалту ачысыннан ничекләр ярылмагандыр?! Әлмәт театры Казанга күчтәнәч итеп алып килгән бу галәми-драматик тамашаның Марсель Галиев иҗатыннан тукылган булуы арабызда динди бөек иҗат әһеле – замандашыбыз гомер кичереп ятуын искәртеп, сөендереп куя. Гаҗәеп зирәк тарих: «Ә бит Сез нинди бөек халык! Менә Сезнең олуг талант, олы егәр күмәртәсеннән тагын бер кәррә, тагын бер валчык», – дип искәртеп куя. Меңәр кыш кышлаган бодай бөртеге, мең ел элек гамәлдән кичкән кир җәнлегенең (мамонт) күзәнәгеннән тергезелгән ген сыман  искәртә – терелү мөмкин ул! Бөек илаһ янә бер тезләнеп, татарларның маңгаеннан үбеп алуы бик ихтимал.
  Ай-һай пафослы җөмләләр чыгара бу кампитр төймәсе. Моңа мин түгел, Марсель Галиев иҗатыннан рухланган тамаша гаепле. Ә бит бу тамашаны тагында пафослырак (пафосның нәрсәсе начар, хисле дигән сүз генә ич ул), әйтергә теләгән фикерне тагын да аңлаешлырак итәргә дә мөмкин иде. Әйтик,театрда «Бөекләр таягы» күренешенә чыгарырлык санда   ир-ат артистлар табылмавы аяныч. Алайса, сәхнәгә тезелешеп агъәбиләр чыкты. Үкенеч юк үзе, илаһи бөек таякның инде Марсель Галиев кулына күчеп, Гали таякка әверелергә тиешлеген төшенде тамашачы. 
  Галәми драманың дәвамын Әлмәткә барып карага диделәр. Ә минемчә аны әле тагын музыка белән дә баетып,  мюзиклга әйләндереп, Казанга янәдән алып килергә кирәктер.
  Мин Тукай премиясе иясе, халык шагыйре Марсель Галиев кичәсенә аның шигъриятенә чуму ләззәтен кичерергә дип тә килгән идем. Зур иҗаттан кечкенә кичә ясау чамасыз авыр вазифа. Мөгаен, аның «Рух» китабын сәхнәгә, сәхнәгә генә түгел дөнья әдәбияты табынына аерым чыгарырга кирәктер.
  Туган як дип башлаган идем бит әле. Казан тамашачысына бүләк ителгән бәйрәм артында Туган як торуы, андагы булдыклы җитәкчеләрнең торуы бәхәссез. Ул гына мыни әле, шул туган ягы – Азнакае гали иткән ләбаса Марсель Галиевне. Хәзер инде үз нәүбәтендә ул туган ягына шөһрәт китерә! Шәхесләре булмаган як уңдырышсыз туфрак кебек кысыр була ул!

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Кайгыда да, шатлыкта да бергә без Мин иң бәхетле хатын идем. Яраткан ирем, кызыбыз туды. Әмма Аллаһы Тәгалә безгә сынау әзерләгән булган икән. Ирем түзәр микән дигән сорау белән башланды һәр көнем ул вакытта...
    16706
    3
    105
  • «Мин синең иреңне бәхетле итәм...» Тормышның яңа борылышында үзебезне нәрсә көткәнен без беркайчан белмибез. Уйламаган җирдән аякка уралган ниндидер борчулармы, әллә бөтенләй көтмәгән сөенечләрме? Тормыш борылышлары безне күкләрдән җиргә төшерә ала. Ә кайчак – киресенчә: бәхетсезлегең бәхет юлына бер адым гына булуын аңлата. Чүпрәле районының «Туган як» газетасы баш мөхәррире Резидә Җамалтдинова һәм аның ире Рамилнең очрашу, танышу, кавышу тарихы – шуңа бер мисал. Ачыктан-ачык сөйләшәбез.
    5480
    7
    57
  • Баллы кирпеч 1861 нче елда Болын-Балыкчы авылында урта хәлле крестьян гаиләсендә Ибәтулла исемле бер малай туа. Язмышына сынаулы еллар кичерәсе сабый чагыннан ук язылган була, күрәсең, Ибәтуллага өч яше дә тулмаган чагында кинәт кенә авырып әтисе үлеп китә. Ялгыз тормыш тарту ул чакта, хатын- кызга имана бае да бирелмәгән чорда, әнисенә авыр булгангамы, әллә инде башка сәбәпләр булганмы, сабыйның әнисе биш яшендәге Ибәтулланы әтисенең абыйсы Зиннурга калдырып, Кормаш авылындагы хатыны үлгән бер татарга кияүгә чыга.
    4925
    3
    44
  • «Хатының кайда – син шунда бул, тормышны бергә тартыгыз» «Тәгәри китте йомгагым, күрмәдегезме, агайлар», – ди Гөлчәчәк татар халык әкиятендә. Гомер йомгагын сүтә-сүтә, көннәр, айлар, еллар үтә... Адәм баласы әллә кайда – офыклар артында көтеп торган бәхетне эзләп бара да бара... Үткәнебезне – бар иткән, киләчәгебезгә нигез салган бүгенгебезне сизми дә калабыз. Мин бүгенгем белән бәхетле!
    3802
    0
    39
  • «Ә мәхәббәт гомерләрдән озын...» Хәдичә хәзрәтләре үлем түшәгендә ятканда, Мөхәммәд пәйгамбәребез аның янына килә һәм хәл-әхвәлен сораша, аннан болай ди: «Хәдичә! Анда баргач, синең кыямәттә көндәшең булачак – фиргавен кызы Асия белән Мәрьямне күрерсең... Аларга миннән сәлам әйт!»
    3498
    0
    37
Реклама
Реклама
Соңгы комментарийлар
  • 24 ноябрь 2022 - 13:01
    Без имени
    Ирегез чыгып кит дигэн сузне котеп кенэ торган инде, анын чыгып китергэ дигэн уе куптэн булган, сез тизлэткэнсез генэ. Всё равно китер иде, икенче жае чыгар иде. Сез, узем куып чыгардым диеп узегезне гаеплэп яшисез. Ирегезгэ шулай жайлы булган балалар алдында да.
    «Иреңне берәүгә дә бирмә!»
  • 24 ноябрь 2022 - 09:46
    Без имени
    Хыянәтне бернәрсә белән дә аклап булмый. 40 ел үтте хыянәтенә, менә кичә булган кебек кенә. Йөрәктән китми. Кабат бәрепләр үтерәсе килә. Сез ханым, ялгыз калгансыз хәзер, шуңа кичерәсе калган, дип уйлыйсыз. Ләкин кире кайтара торган хәл түгел бит инде. Гел уйлап тагын психушкага китәсез бит. Вакытыгыз күп мени шулай?
    «Иреңне берәүгә дә бирмә!»
  • 24 ноябрь 2022 - 11:41
    Без имени
    Мин балаларым алдында нык гаеплемен шундый атай белән үскәннәренә. Аерылышу элек оят иде.
    «Иреңне берәүгә дә бирмә!»
  • 25 ноябрь 2022 - 00:24
    Без имени
    Ғәфү итергә булыр ине, әгәр ҙә ирегеҙ ғәфү һораһа, бик үкенһә,башҡа ҡабатланмаясаҡ тип һүҙ бирһә, ант итһә. Алдығыҙҙа торҙомо тубыҡланып, баш эйеп. Юҡ. Юҡ бит!!! Ул ғүмер буйы йөрөр ине, һеҙ ғүмер буйы яфаланыр инегеҙ, әле һеҙ бер ауырып алғанһыҙҙа һауыҡҡанһығыҙ, ә ирегеҙ менән йәшәһәгеҙ сәләмәтлегегеҙ ҡаҡшар ине, йөрәк ауырыулы булып ҡалыр инегеҙ. Балаларығыҙ әтиһеҙ, әммә тыныслыҡта үҫкән. Көн һайын талашлы- ыҙғышлы өйҙә йәшәү тамуҡҡа тиң булыр ине барығыҙ өсөн дә. Был осраҡта ғаиләне һаҡлап ҡалыу дөрөҫ булмаҫ ине.
    «Иреңне берәүгә дә бирмә!»
  • 23 ноябрь 2022 - 18:41
    Без имени
    Хатыннар ирлэрне кичерерхэ тиешме!
    Мин хыянәт иттем... 
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда