​Минем балам гений!

Хәзер талантларны йолдызлар һәм гороскоп буенча билгеләү модага кереп китте. Бу хакта китапларда күп язылган. Укыдың исә бөтенесе аңлашыла шикелле. Әгәр дә балагызның ни дәрәҗәдә сәләтле икәнлеген ачыклыйсыгыз килә икән, иң яхшысы фәнгә, психологиягә мөрәҗәгать итегез.

Балагызга йомшак карандаш белән каты кәгазь бирегез дә “кеше” һәм “абый” ясарга тәкъдим итегез. Ул аны бөтен буена ясарга тиеш. Балагызга ярдәм итәргә яисә аңлатма бирергә ярамый. Рәсем әзер булганнан соң, аңлашылмаган әйберләрне балагыздан сорагыз.

Аннары рәсемне кулыгызга алыгыз һәм түбәндә бирелгән пунктлар буенча тикшереп чыгыгыз. Туры килсә - 1 балл, килмәсә - 0 куегыз. Нәтиҗәдә җыелган балларны кушыгыз.

1. БАШ - теләсә нинди (түгәрәк, озынча түгәрәк) сурәт исәпкә алына. Баш контуры белән әйләндереп алынмаган йөз сызыклары өчен 0 балл куела.

2. МУЕН - нинди төре дә бара. Әйтик, һичьюгы муен белән гәүдә арасында сызык кына да булсын, ди.

3. КҮЗ - хәтта бик үк аңашылып бетмәгән ишарә дә яисә бер генә күзле булса да... Кашлар, керфекләр, күз карасы да аерым исәпләнә.

4. БОРЫН ҺӘМ АВЫЗ - теләсә нинди сурәт, һичьюгы бер сызык.

5. ЙӨЗ ПРОПОРЦИЯСЕ. Анфас (турыдан караганда): ике күз һәм авыз; күз өстендә һәм авыз астында маңгай һәм ияк өчен (ияк турында берни әйтелмәсә дә) җитәрлек урын калдырылган булырга тиеш.

6. ЧӘЧЛӘР 1. Иң тупас итеп күрсәтелгәне дә исәпкә алына.

7. ЧӘЧЛӘР 2. Әгәр дә балагыз чәчне буярга яисә дулкын итеп күрсәтергә тырышса да, балл бирелә.

8. ЧӘЧЛӘР 3. Әгәр дә ул аны киселгән йә башка бер фасонда итеп сурәтләсә дә, балл өстәлә.

9. КОЛАКЛАР. Нинди төре дә ярый.

10. БАРМАКЛАР. Кул яки кул чугыннан тыш, бармакның теләсә нинди билгеләре.

11. Бармакларның ике кулда да дөрес санда булуы шарт.

12. ИМӘН БАРМАКНЫ КАРА-КАРШЫ КУЮ. Игътибар! Бәя куйганда бик таләпчән булыгыз: имән (зур) бармак башкаларыннан кыскарак. Бияләй рәвешендәге кул, “кеше” сурәте кышкы киемнән ясалганда гына исәпкә алына.

13. КУЛ ЧУГЫ. Кул чугы теләсә нинди сурәттә булырга мөмкин (бармакларны исәпкә алмыйча).

14. БЕЛӘЗЕК яки ТУБЫК СӘЯГЕ җиң яисә чалбардан аерым итеп бирелә.

15. ҖИЛКӘЛӘР. Әгәр дә балагыз гәүдәнең өске өлешен озынча түгәрәк итеп ясау белән генә чикләнә икән, аның өчен балл куелмый. Биредә кулга күчкәндә бөгелеп торган урыны ачыктан-ачык күренеп торырга тиеш.

16. КУЛЛАР. Кулның, һичьюгы берсе генә булса да гәүдә буйлап салынып төшкән кыяфәттә сурәтләнсә яки куллар “кесәгә тыгылган” яисә ботка куелган рәвештә торса да, очко куела.

17. ТЕРСӘК. Кулның һичьюгы берсендә уртадан кискен бөгелү күзәтелергә тиеш. Кулдагы җиңнең яисә киемнең бөрмәләре дә исәпкә кертелә.

18. АЯКЛАР. Ничек ясаса да ярый. Аяклар фигураның теләсә кайсы өлешенә тоташтырылган булырга мөмкин. Бер аякка ике табан кушылган рәсемгә дә очко бирелә.

19. ТЕЗ. Терсәк шикелле исәпкә алына.

20. АЯК ТАБАНЫ. Төрле сурәт.

21. ҮКЧӘ. Шулай ук төрле сурәт бара.

22. КУЛ ҺӘМ АЯКНЫ ТОТАШТЫРУ. Тиешле урында тоташтырыла.

23. ГӘҮДӘ. Гәүдә икәнлеген күрсәтә торган теләсә нинди фигура, хәтта аның размеры һәм формасы күбрәк гәүдәне түгел, ә муенны хәтерләтсә дә.

24. ГӘҮДӘНЕҢ ПРОПОРЦИЯСЕ. Озынлыгы киңлегеннән артыграк булырга тиеш.

25. ТӘН ПРОПОРЦИЯСЕ: 1 балл буенча. Әгәр дә башның мәйданы гәүдәнекенең яртысыннан зуррак һәм гәүдә мәйданыннан 1/10 га кимрәк булмаса, куллар якынча гәүдә озынлыгына тигез;

- аяклар гәүдәдән кыскарак һәм аннан ике тапкырдан артык озын булмаска тиеш.

26. КИЕМ 1. Ничек ясаса да ярый.

27. КИЕМ 2. Киемнең иң кимендә үтә күренмәле булмаган ике элементы.

28. КИЕМ 3. Киемнең иң кимендә дүрт элементы.

29. Костюм сурәте. Ятышсыз предмет һәм детальләр булмаска тиеш.

30. Куллардагы, аяклардагы, гәүдәдәге озын сызыклар ныклы һәм ышанычлы итеп, бөгелешләрсез сызыла.

31. Сызыклар кисешмичә, бер-берсе өстенә ятмыйча, ипле генә кушылалар.

32. Йөз сызыклары симметрияле.

Шулай итеп, тәмамладык. Хәзер таблицага карагыз. Яшенә туры килгән нормаль акыл үсеше, түбәндәге саннар чикләрендә ята: өч яшь - 7-1 дүрт яшь - 10-3 биш яшь - 16-6 алты яшь -18, 19-7 җиде яшь - 22, 23-9 сигез яшь - 26-10.

Әгәр дә сез яшенә карата күбрәк сумма җыйсагыз, шатланыгыз: сезнең бала югары сәләткә ия. Ләкин алданмыйсыз микән?! Мин, мәсәлән, башта үземнең дүрт яшьлек кызыма 22 балл исәпләдем - гений инде, бер уйласаң. Әмма хатын моңа бик җитди килде һәм аның исәпләвенчә ул 12 генә балл булды. Анысы да начар түгел, әмма бу инде гений түгел, нормаль, гадәт и бала. Шунысын да әйтик, бу тестны түбән акылны ачыклау өчен кулланып булмый. Аның каравы, әлеге башваткыч ярдәмендә сез балагыз турында күп кенә кызыклы, файдалы мәгълүмат алырсыз. Әмма аларның берсе дә сезнең балагызга булган игътибарны, сөекле карашыгызны алыштыра алмый. Нинди генә балл җыйсагыз да, сез хаклы: балагыз - талантлы. Чөнки талантсыз кешеләр гомумән юк. Әгәр дә күз нурыгыз сау-таза икән, аның барыбер, көннәрдән бер көнне сәләте ачылачак. Талантны сакларга һәм нибары үстерергә генә кирәк. Ә тормышта юлны ул үзе табар.

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Син минем балам! – Нихәл, улым! – Айдар Фидаилевич ак биләүдәге бәбине күтәреп, битенә үк терәде. Үз гомерендәге иң шатлыклы көне бүген аның! – Рәхмәт сезгә, Ләйлә! Бу бәхетне бүләк иткәнегез өчен. – Ир баланы күтәргән килеш Ләйләгә борылды. Хатын елый иде. Башта яшерен генә тамган күз яшьләре тора-бара тоташ үксүгә әверелде.  – Ай-дар... Фи-даи-левич... ба-ла-ны бир-мим... Бирә... ал-мыйм... – Ләйләнең бу сүзләре иңрәү булып чыкты. 
    11533
    5
    144
  • Бозым Сихерчеләр, имчеләрне никтер картаеп-бирчәеп беткән карчыклар кыяфәтендә генә күзаллый иде моңарчы Галия. Аларның яшәгән йорты да каядыр бер читтә, аулакта булырга тиеш иде кебек. Ул йорт үзе үк күңелдә шик уятырга, шом кертергә тиеш...  Ачык йөзле, ак яулыклы апа каршы алды аларны.
    7214
    1
    94
  • 8069
    2
    54
  • Ялгыш очрашу Инде ничә ел үткән, әмма аны күргән саен, атлап барган җирдән адымнарын әкренәйтә, йөзенә иңгән гаепле елмаюын махсус җыерылган кашлары астына яшерергә тели. Оныта алмый бугай шул...
    9123
    1
    50
Реклама
Соңгы комментарийлар
  • 25 сентябрь 2020 - 01:53
    Без имени
    Мин Дэ нэкъ шулай 32 яшемдэ 2 кызым белэн ялгыз калдым,ирем бер хатын бн чыгып китте ,1 елдан кире кайтты, гафу итэ алмадым,шартлатып араны оздем.Ул хатыннан-хатынга йореп,45 яшьтэ асылынып улде,чыгып киткэн хатын 10 еллап, психбольницада яши.Э мин ,Аллага шокер ,ирлэр булдыра алмаган ирлэр эшен эшлэп,кызларымны устереп,эле Дэ исэн- сау эшлэп ятам.Хатын-кыз ялкау булмаса,беркайчан да югалмый,аларга АллахеТэгалэ безгэ коч бирэ.
    Бәясен белгән хатын-кыз көчле ул...
  • 25 сентябрь 2020 - 02:10
    Без имени
    Минем кияу Дэ нэкъ шулай качып-посып ,никах укытып,узенен классташы белэн 5 ел инде яшэп ята.10 еллык классташлар очрашуыннан сон айный алмады.Бик тырышып яшерсэ дэ,тэжрибэле кузгэ куренеп тора.Ул да шуннан сон дин юлына кереп китте.Имеш диндэ 4 хатын да рохсэт ителэ.Узлэре бугенге кондэ БИК рэхэт яшэсэлэр дэ,ата-ананын азгынлыгы очен балалар узлэренен авырулары,газаплы тормышлары ,улемнэре белэн жавап бирэ.Чонки рэнжу,куз яшьлэре узенэ тошмэсэ,балаларга тошэ.Хэр кеше шуны онытмасын Иде.Алар бит ойгэ кайтасы акчаны,гаилэнен зур ойлэр салып,иркен тормышта яшисе доходларын илтеп икенче хатынга бирэ.Гаилэдэ беркайчан да артык акча булмый.Ойдэге хатын белэн бергэлэп эшлэп,чит хатынны содержать итэлэр.2 нче хатын булып яшэргэ ризалык бируче хатыннар,акылыгызга килегез,ул ирлэрнен акчасы тозлы куз яшьле,рэнжешле акчалар,беркайчан сезгэ бэхет китермэячэк,авырлык,авырулар белэн корэшу очен тотылып бетэчэк.
    Бәясен белгән хатын-кыз көчле ул...
  • 23 сентябрь 2020 - 15:08
    Без имени
    👍👍👍
    ​ Адашкан шәүләләр
  • 23 сентябрь 2020 - 19:18
    Без имени
    Великовозрастный балаларны карарга жигелергэ кем кушты? Узегез гаепле бит!!!
    Ана рәнҗүе төшәргә дә мөмкин
  • 23 сентябрь 2020 - 15:25
    Без имени
    Шундый тәрбияви әсәрләр иҗат итүчеләр бик сирәк шул.Урының җәннәт түрләрендә булсын иде,Туфан абый
    Сиңа дигәне...
Реклама
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»
Кешелек хакында фәлсәфи уйланулар, робот София һәм ипи
Балачак – уйнар чак...