Рөстәм хәзрәт Вәлиуллин: «Корбанга хәлсез, арык сарыклар суймагыз» 

- Рөстәм хәзрәт, Корбан бәйрәме якынлашу уңаеннан, үзегезнең нәсыйхәтләрегезне бирсәгез иде. 

- Иң элек корбанлыкка хайван сатучыларга киңәш итеп шуны әйтәсем килә:  шушы максаттан алып куйган хайваннарыгыз – сарыкмы, тәкәме,  кәҗәме яисә башка хайванмы – ветеринария таләпләренә туры килергә тиеш. Исәнлеге, кыяфәте, яше туры килмәгән хайваннар белән эш итмәгез. Сарыкларның  яше 6 айдан 1 яшькә чаклы булса да ярый дип, кайберәүләр хәлсез, арык хайваннарны да сатып җибәрергә ашыга. Бу эштә намуслы булсагыз иде. Корбанга исән, яхшы хәлдәге, авыру булмаган таза сарыкларны гына сатыгыз. Корбанлыкка хайван сатып алучыларга нәсыйхәт итеп шуны җиткерәсем килә – корбан чалучының  матди хәле яхшы булырга тиеш. Әгәр дә, төрле сәбәпләр аркасында бөлгенлеккә төшкәнсез, финанс кыенлыклары кичерәсез икән, соңгы акчагызны хайван сатып алырга тотмагыз. Хәлсез, кечкенә сарык сатып алып, акчагызны юкка чыгармагыз. Сезгә быел корбан чалу түгел, корбан чалучы китергән итне «рәхмәт» әйтеп алып, гаиләгез белән пешереп ашау насыйп булган дип уйларга кирәк. Ә инде арык, хәлсез сарыкны чалуның бернинди хикмәтен дә күрмибез. 

- Корбанга нинди хайваннар чалына? 

- Корбанга сарык, кәҗә, сыер, үгез, буйвол, дөя чалына. Хайваннарның сәламәт булуы шарт. Колаклары, борыннары киселмәгән, аякларына зыян килмәгән булырга тиеш. Сыер, үгезләргә дә шул ук таләпләр.  Кәҗә, сарык бер яшьтән дә ким булмаска, сыер малы – 2, дөя  малына 5 яшь булырга тиеш. 

- Корбанны чалдыручы намаз укый торган кеше булырга тиешме? 

-  Кеше бурычлы булмаса, тормыш итәргә акчасы бар икән, корбан чалдыра ала.  Корбан чалдыручы кешенең намазда булу-булмавы шарт түгел. Ипотекасы булганнар үз финанс мөмкинлекләренә карап эш итәләр. Соңгы акчаларын ипотека ябарга тоталар икән, авырлык белән корбан чалырга кирәкми. Тормышлары җитеш икән, бу саваплы эштән читтә калмасыннар. 

- Әҗәтле кеше корбан чалдыра аламы? 

- Әҗәтле, финанс проблемалы кеше корбан чалдырырга тиеш түгел. Киресенчә, бу кешенең үзенә хәер бирерлергә тиеш. Җыелган бурычын каплатырга ярдәм итүче табыла икән, бик хәерле гамәл булыр иде. 

- Корбан итен намаз укымаучыга бирү фарызмы? 

- Әлбәттә, күңелегез кайсы кешегә бирергә тели, итне шуңа бирә аласыз. Фәкыйрьләр, мескеннәр, ятимәр, бөлгенлеккә төшкән кешеләр өстенлекле санала. Корбан ите бирелүче кешенең намаз укуы шарт түгел. 

- Итне мөселман булмаган кешегә бирергә ярыймы? 

- Хәер биргәндә милләт, дингә карамаска кирәк. Фәкать Аллаh ризалыгы өчен өләшәбез. Мөселман булмаган кешегә корбан итен хәер итеп бирү зыян китерми, фәкать дәгьвәт, изгелек кылу булып санала. 

- Мәрхүм булган туганнар исеменнән корбан чалу фарызмы? 

- Үзегезнең гаилә исеменнән корбан чалгансыз икән, хәлегездән килсә, вафат булган туганыгыз, якыннарыгыз исеменнән корбан чалу хәләл. 

- Корбан чалу урынында корбан чалучының яисә корбанга заказ бирүченең булуы мәҗбүриме? 

- Әлбәттә, безнең шәһәр шартлары корбан чалу урынында булуны тәэмин итмәве дә ихтимал. Татарстан, Казан шәһәре буенча моның өчен махсус урыннар булдырылган.  Нинди дә булса сәбәпләр аркасында корбан чалган урында була алмасагыз,  корбан итен корбан чалынганнан соң барып ала аласыз. Бу шәригать кануннарына каршы килми. 

- Кемнәр өчен корбан чалу мәҗбүри булып тора? 

- Бай, зәкать түләүче кешеләргә корбан чалу мәҗбүри. Бар шундый кешеләр, шәhәр уртасында зур биналары булып та, кесәләре буш, үзләре муеннан бурычка баткан. Андыйлар, әлбәттә, корбан чалырга тиеш түгел. Кешенең малы тормыш-көнкүреш чыгымнарын каплый торган булырга тиеш. 

- Бер гаиләдән бер генә корбан чыалынырга тиешме? 

- Гаиләдә бюджет уртак икән, бер корбан чалына. Әгәр дә гаиләдә мөстәкыйль малга ия кешеләр яши икән (әйтик, улларының аерым эше, бизнесы), ул аерым корбан чалдыра ала. 

- Гарип, авыру, акылга зәгыйфь кешеләр корбан чалдыра аламы? 

- Хәлле, финанс мөмкинлеге булган мондый кешеләр дә корбан чалдыра ала. 

- Корбанга чалынган хайваннарның сөякләрен ташларга ярыймы? 

- Корбанга чалынучы хайваннарның ит-сөякләрен дә куллана алган кадәр кулланыгыз. Сөякләрне кеше йөрми торга җиргә күмсәгез зыян итмәс. 

Гает алдыннан әйбәтләп гает мунчаларын кереп, яхшылап чистарыныгыз. Соңга калмыйча гает намазына барыгыз. Корбан гаетеннән соң өегезгә кайтып, гаиләгез белән  рәхәтләнеп бәйрәм итегез. Аллаһы Тәгалә бу көнне олылап бәйрәм итәргә насыйп итсен. Төрле хәвеф-хәтәрләрдән имин кылсын. 

 

 

     Корбан бәйрәме ел саен Зөлхиҗҗә аеның унынчы көнендә билгеләп үтелә. Быел бу бәйрәм  2021 елның 20 июлендә уздырылачак. 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (2)
Cимвол калды:
  • 13 июль 2021 - 19:48
    Без имени
    ????
  • 11 июль 2021 - 17:32
    Без имени
    Рэхмэт!
Хәзер укыйлар
  • «Рәнҗемә миңа, кызым...» Ул аның каберенә еллар үткәч кенә кайта алды. Юк, еракта – диңгез-океаннар артында яшәгәнгә түгел, күңеле тартмаганга...
    14945
    1
    84
  • «Төшләремдә  ак күлмәктән син...» – «Шевроле круз» машинасында йөри торган малаегыз бармы? – дип сорыйлар Иршат абыйдан. – Әйе. – Авария булган, килегез... Өс-башларына нәрсә туры килә, шуны киеп, кайнанасы Галиябану апага берни әйтмичә өйдән атылып чыгып китәләр...
    11275
    1
    61
  • Кыска буйлы зур бәхет Бар яктан да килгән Миләүшәгә башка егет табылмады микән дип, шаккаттым, дөресен генә әйткәндә. Авылда өрлек кадәрле менә дигән ничә егет бар, ә аның артыннан кайсыдыр бер авылдан шушы кечкенә генә егет йөреп маташа. 
    5526
    3
    48
  • Үләнче Рушания ханым Минсәгыйрованы үзе яшәгән Спас районының Болгар шәһәрендә генә түгел, инде бөтен республикада үләнче дип беләләр
    5039
    3
    41
Реклама
Соңгы комментарийлар
  • 31 гыйнвар 2023 - 16:29
    Без имени
    Дөрес эшләгәннәр, дип язучыга җавап бирәсе килә. Аларны яратмаган кешегә өйләнергә, кияүгә чыгарга кем мәҗбүр иткән? Яратмыйча яшәгәч, нигә шул гомер яшәгәннәр? Нигә баштарак аерылмаганнар? Бу очракта азгынлык бу! Әгәр алар бер-берсе бн очрашканчы мәхәббәтсез яшәү авыр, дип аерылган булсалар, аңлап булыр иде. Ә бу очракта хыянәт бу! Димәк, азгынлык!
     «Мин аны  сыйныфташлар очрашуыннан алып кайттым...» 
  • 31 гыйнвар 2023 - 13:57
    Без имени
    Хыянэт итмэгэн ирлэр бар микэн ул? Мин иремэ шулай дип эйткэч, э ирлэр кемнэр белэн хыянэт итэ сон хатыннарына,хатын-кыз белэн тугелме диде. Монда ирлэрне генэ дэ гаеплэп булмыйдыр, муеннарына асылынгач, постельгэ сойрэп яткыргач, нишлэсен инде алар? Ир-ат табигатьтэ нэсел калдыручы, самец бит инде ул. Э хатын-кыз тотнаклырак булса, хыянэтлэр дэ булмас иде. Уз ирлэре белэн яши алмаган, азып-тузып йоруче хатын-кызлар( хатын-кыз димэсэн, хэтерлэре калыр) этэрэ ир-атларны хыянэткэ. Ойлэнгэн ир икэнен белэ торып, анын белэн очрашып йору бернинди кысаларга да сыймый.
    «Йөремсәк» хатын
  • 31 гыйнвар 2023 - 18:16
    Без имени
    Аллаһ Тәгалә сынауларның ин олысын биргэн,димэк ин яраткан колларыннандыр...Куркэм сабырлык белэн уткэреп жибэрергэ насыйп булсын.Мэрхэмэтле,шэфкатьле иманлы кеше тап итсен.Ялгызлыкка караганда,янэшэндэ яхшы кеше торса,авырлыкны жинэргэ жинелрэк булыр.Балаларның уз юлы. Аллаһ хэерле юлын узе курсэтер ин ша Аллаһ.
    Киләбез дә китеп югалабыз...
  • 30 гыйнвар 2023 - 20:45
    Без имени
    Мин дэ сезнен кебек исерек ирне 18 ел тузеп яшэдем. Хэзер исемэ тошкэн саен, жулэр булганмын дип уйлыйм. Аерылышканыбызга елдан артык, хаман эчэ, эчендэ чыкмаган жаны гына калган инде. Кеше ни эйтер дип тузэбез шул, узебезне уйламыйбыз. Эгэр бер фикергэ килэ алмасагыз, психолог белэн кинэшегез. Мина ярдэме тиде. Игътибарыгыз очен рэхмэт.
    Эчкече иргә сабыр итәргәме?
  • 30 гыйнвар 2023 - 17:52
    Без имени
    Бэхетегезгэ куз тимэсен, матурларым.
    Икесе — бербөтен (видео)
Реклама
«Татар гаиләсе / килен-кайнана» бәйгесе җиңүчеләрен котлау тантанасы
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр