Гаиләдә барыбыз да күпмедер дәрәҗәдә бер-беребезгә бәйле. Якыннарыбызга ышанабыз, авыр чакларда иңнәрен куюны көтәбез, көн дәвамында үзебез белән булган вакыйгаларны иребезгә йә хатыныбызга сөйләргә яратабыз. Бу – гаилә өчен гадәти хәл. Шушы гадәти хәл белән яраткан кешеңә буйсыну арасын нечкә бер кыл гына бүлеп тора. Ул чикне үтәсең икән, мөнәсәбәтләр «авырый башлый». Артык нык бәйле булуның, буйсынып яратуның ахыры, гадәттә, бәхетле ноталарда төгәлләнми. Үлеп яратырга ярыймы? Әнә шул сорауга җавап эзләрбез.
