Беркөнне кич эштән кайткач ашарга әзерләп йөри идем, тоз беткән! Иртән үк тоз юклыгын күргән идем инде, кайтышлый кибеткә дә сугылган идем, алырга онытканмын! Тоз өчен генә яңадан киенеп, яңадан салкын урамга чыгасы килми бит. Каршыдагы күршеләрнең ишеген шакыдым. Бер савыт тутырып тоз биреп чыгарды. Рәхмәт яусын инде үзенә. Туган көн дә кирәкми, күрше көн дә кирәк, дип, халык бигрәк белеп әйткән шул.
