Башыңны сакла, балам...

 

Яшьлек ялгышлары, мәхәббәт турында уйлауга, бер мәзәк искә төште. 

Бер егет әтисе янына биш кыз ияртеп кайтан.  

– Бишесе дә ничава гына, әти, бишесен дә яратам. Менә син дөнья күргән кеше буларак әйт әле, кайсысына өйләним икән? 

Әтисе кул гына селтәгән: 

– Улым, үзеңә кара. Тик бел, кайсысына өйләнсәң дә – үкенәчәксең. 

Гомер үренә менеп җиткәч, һәрбер кеше артына борылып карый һәм: «Их, шул чакта нигә болай итмәдем икән?!» – дигәнрәк уйлар кичерә торгандыр. Кайчагында бу мәхәббәткә дә кагыла. Беркадәр олыгая төшкәч, безгә акыл кергән сыман тоела. Һәм шул акылны яшьрәкләргә дә өйрәтү таләбе барлыкка килә. Ике малай атасы буларак, ул тойгы миндә дә бар. Улларыма әйтер сүзләр бар. Без яшьлектә кылган хаталарны балалар кабатламасын дигән уйдан яралган шул нәрсәләрнең бер өлешен сезгә тәкъдим итәм. Кайсылары кичә әйтелгән, кайсылары бүген... Бала-чага аны тыңламый, әлбәттә. Шулай да... Кайсыларын иртәгә ишетерләр, кайсыларын соңрак... 

 

1. Яшьлек – ялгышу, күп итеп хаталар ясау өчен бирелә. Калган гомер – шул хаталарны төзәтү өчен. Бу – табигатьнең камиллеге. Адәм баласының гамьсезлеген бүтәнчә җиңү, бүтән юл белән аны ниндидер изгелек эшләргә мәҗбүр итү мөмкин түгел.  

Яшьлекнең беркайчан да узмый торган, кешене гомере буе озатып бара торган күзгә күренмәс бер өлеше бар. Ул өлеш «мәхәббәт» дип атала. Мәхәббәте исән чагында кеше беркайчан да хаталанудан туктамый. Син дә хаталанырсың. Кеше ялгышларын кабатлама, башкаларны сөендерерлек үз ялгышларың булсын. Хаталарыңнан оялма, алар өчен бүтән берәү дә түгел, ә син түләячәксең. Хаталанудан курыкма: Американы да Һиндстанны эзләгәндә тапканнар... 

2. Беренче мәхәббәт дип беркайчан да өзгәләнмә. Ул бергә яшәү өчен түгел, ә тәҗрибә туплау, саф һәм сантый чакларыңны сагыну өчен бирелә. Чынында, мәхәббәт беренче дә, икенче дә булмый, ул бер генә була. Һәм ул – синең күңелең. Күңелең саф, тирән икән – мәхәббәтең дә шулай булыр. Кемне яратсаң да.  

Кичә сөйгән ярың ул мәхәббәт түгел, ә истәлек. Иртәгә сөячәк ярың – өмет. Бүген сөйгән кешең – мәхәббәт. Бүгенгеңнең кадерен белеп яшә. Иртәгә иртән дә бүген баеган кояш чыгачак. 

3. Бүген сөйгән кешеңне син иртәгә дә яратырга бурычлы түгелсең. Ул да. Аны синең теләсә кайсы вакытта ташлап китәргә, башкага алыштырырга хакың бар. Аның да. Әгәр аның һәрвакыт яныңда булуын, иртәгә дә яратуын телисең икән – мәхәббәт белән шөгыльлән. 

4. Руста «мәхәббәт белән шөгыльләнү» дигән төшенчә җенси бәйләнешне аңлата. Мин бу сүзне татарча, аз гына башка мәгънәдә кулланам.  

Мәхәббәт – халәт түгел, ул – хәрәкәт, һәрвакыт үзгәрештә. Һәм ул, көйсез бала сыман, һәрвакыт үзе белән шөгыльләнүне таләп итә, игътибар сорый. Сөйгән кешеңә игътибарлы бул, кирәк чакта ярдәмләш, аны аңларга, хаталарын һәм гөнаһларын кичереп яхшы сыйфатларын күрергә өйрән. Хатын-кыз ул көйсез сабый сыман. 

Никах белән, хәтта уртак балалар белән бәйләнсәгез дә, ул сиңа бернәрсә өчен дә бурычлы түгел. Ул теләсә кайсы мизгелдә сине ташлап китәргә хаклы. Ул – синең яртың түгел. Ул – аерым шәхес. Һәм аның гомере дә берәү генә. Шул бердәнбер гомерен ул синең белән бүлешә... Ул сине үз гомере белән сыйлый! 

Йөрәге дә берәү. Һәм ул йөрәк тә вакыт белән, тормыш белән бергә үзгәреп тора. Бүгенге кәләшең инде кичәге кәләш түгел: ул беркадәр үзгәргән, дөньяга да, үз-үзенә дә, сиңа да башкачарак карый. Һәм син аның йөрәген бүген дә яулап алырга бурычлысың. Көннән көнгә, мизгелдән мизгелгә яңарып тормый икән, мәхәббәт үлә. Шуңа күрә, мәхәббәт белән шөгыльлән, аны яңартып тор. Мәхәббәт ялкаулар һәм битарафлар өлеше түгел. 

5. Башыңны сакла. Шатлык-уңыштан да, кайгыдан да, мәхәббәттән дә башыңны югалтма. Сукыр мәхәббәткә ияреп йөрсәң үзең дә сукыраерсың. Аны үз артыңнан иярт – күзе ачылыр.  

Кыз белән танышкач, аның гаиләсенә игътибар ит. Әгәр ул гаиләдә әтиләренә хөрмәт зур икән, бергә гаилә корсагыз, сиңа да шундыйрак караш булыр. Әгәр әтиләренең кадере юк икән, сине дә санламаска тырышырлар. Үзеңне санлаган, кадереңне белерлек кешене сайла. Сине санламаска тырышучылар болай да күп. Һәм ниндидер уңышка ирешкән саен, алар арта барачак. Андыйларны күңелеңә алма, алган булсаң – төшереп калдыр. Теләсә кемне төяп йөрергә синең күңел маршрут автобусы түгел... 

...Моңа акыл кергән икән, бүтән бер дә хаталанмас, бер гөнаһ та кылмас дип уйлама. Болар – тормыш тәҗрибәсе. Тәҗрибә әле ул акыл дигән сүз түгел... Ә асылда, кешегә беркайчан да акыл керми. Бары тик яңадан яңа ялгышлар ясарга рәте генә бетә. 
 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (3)
Cимвол калды:
  • 7 август 2022 - 17:50
    Без имени
    Узебез белу турында суз дэ юк, улыма да анлата алмадым...
  • 4 август 2021 - 07:57
    Без имени
    Тугри фикирлар язылган
  • 27 апрель 2021 - 21:32
    Без имени
    Матур язылган
Реклама
Хәзер укыйлар
  • «Таккан белән теккән кебек без...» – Кайнана белән ничек торасың син? Минем сыман гомер буе бием белән яшәгән, башкалар кайнаналарын сөйләгәндә сүзгә кушылмаган кешегә бу сорауны бик еш бирәләр. Җавабым гел бер була минем: – И-и, рәхәт бит аның белән! – дим. Чын күңелдән әйтәм! Бер риясыз...
    4385
    10
    113
  • Гомерем усал кайнана, исерек ир белән үтте 8   Рәфис тә, кайнатам да туасы баланың малай булуын  бик тели иделәр.  Ирем: «Малай тусын, Алладан сорап дога кыл әле», – дип, авылдагы сукыр Фәния карчыкка сәдака да илтеп бирде. Ул заманда туасы баланың кызмы, малаймы икәнен алдан белеп булмый иде шул...
    12866
    2
    90
  • «Ирең яратсын дисәң, кайнанаңны ярат» – Бу – төп нигез. Ишле гаилә! Эшле гаилә! Монда килгән-киткән кеше дә бик күп булыр. Ә син шушы йортның хуҗабикәсе булырсың! Әнинең – кайнанамның туйда әйткән бу сүзләре бүгенгедәй колагымда яңгырап тора. Ул көнне ишеткән теләкләрнең бик күбесе күптән онытылды, ә әнинекеләрне гомерлеккә хәтерләп калганмын. Матур тормышның башы шушы сүздән үк башлангандыр.
    2717
    9
    87
  • Гомерем усал кайнана, исерек ир белән үтте 11 Көн артыннан көн, ай артыннан ай узды. Икенче балама көмәнле вакытымда без, кайнана белән кайната яшәгән йорттан башка чыгып, үз йортыбыз белән яши башлаган идек...
    10843
    13
    74
  •  Гомерем усал кайнана, исерек ир белән үтте 10  Мин, иремне уятмаска тырышып, куенымда мыш-мыш килеп йоклаган баламны саклык белән агач караватка китереп салдым. Өстемдәге пальтомның төймәләрен чишеп, чөйгә өлдем. Урамда апрель башы булуга карамастан бик суык иде шул, кар да эреп бетмәгән. Салкын төндә печән өстендә баламны кысып кочаклаган килеш төн кундым бит.
    13429
    4
    73
Реклама
Соңгы комментарийлар
  • 29 сентябрь 2022 - 14:49
    Без имени
    Очень жизненно интересная история!👏👏👏
    Үз кызы итеп кабул итте
  • 29 сентябрь 2022 - 13:17
    Без имени
    Искиткеч шагыйрэ!
    Лена Шагыйрьҗан шигырьләре
  • 29 сентябрь 2022 - 20:53
    Без имени
    ФӘгыйләүүүүү, сез кая?) дәвамын көтәбез бит, һаман язмыйсыз. Языгыз инде, тизрәк укыйсы килә биииииит!!!!😻
    Гомерем усал кайнана, исерек ир белән үтте 11
  • 28 сентябрь 2022 - 08:57
    Без имени
    Эчә инде ул,туктамый хәзер.Алма агачыннан ерак төшми шул.Ераграк тәгәрәгәне бик сирәк аның.Бер ни эшли дә алмыйсыз,кызганыч.Ә кызыгыз,нәрсә булса да булыр инде диеп,буйсынган тормышы белән....
    Бүре баласын бүреккә салсаң да...
  • 27 сентябрь 2022 - 18:49
    Без имени
    Кияугэ чыкканда баласы бар икэнен белмэдегез мени? Ул беренче хатыны хэм баласы янына кире китэргэ дэ момкин, беренче хатын Аллахтан
    Баладан көнләшәм
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда