Яңа ел төне:  сызгыру, утюгны тәрәзәдән ату, иң шәп бүләк – ишкәк  

 

Һәр халык,  һәр ил елның иң матур һәм иң күңелле бәйрәмен үзенчә каршылый.  Кайбер илләрнең Яңа елга кагылышлы үтә үзенчәлекле,  мәзәк гадәтләре яши.  Бездә дә бит Яңа ел төнендә  бер минут эчендә  теләкне кәгазьгә язып, аны яндырып, шампан бокалына салып эчүчеләр бар.  

Италия: тәрәзәдән урындыклар һәм утюглар оча 

Италиядә яңа елны иске әйберләрдән арынып каршы алырга кирәк дигән ырым яши. Шуңа күрә Яңа ел төнендә тәрәзәдән иске әйберләрне ыргыталар.  Аларда тагын бер кызык гадәт яши әле: 1 гыйнвар иртәсендә өйләренә су алып кайталар. «Дусларыңа бүләк итәр әйберең булмаса, су белән зәйтүн ботагы бир», – диләр. Су өйгә бәхет китерә дигән ышану яши аларда.  

Германия: Санта Клаус  ишәккә утырып килә 

 Яңа ел чыршысы бизәү традициясе тамырлары әлеге илгә барып тоташа. Ул аларда урта гасырдан ук килә. Немецлар Санта Клаус ишәккә атланып килә дип саный, шуңа күрә балалар  Яңа ел төнендә башмакларына печән салып йокларга ята.  

Эквадор:  сары төстәге эчке кием – байлыкка, кызыл төстәгесе – мәхәббәткә 

 Ел буе сәяхәт итәргә теләгәннәр сәгать 12 не суккан вакытта чемодан тотып өй тирәли йөгереп йөри. Ә баерга теләүчеләр Яңа ел төнендә сары төстәге эчке кием кия. Узып барган елдагы күңелсез хәлләрдән арыну өчен эквадорлылар  урамга сулы стакан ыргыта. Ватылган стакан белән бергә күңелсезлекләр дә  юкка чыга дигән гыйбарә яши.  

Швеция: яктылык бәйрәме  

 Дөньяга чыршы уенчыклары бүләк иткән ил – Швециядә Яңа елны бик якты утлар яктысында каршы ала. Балалар ут патшабикәсе Лючияне көтә.  Ак күлмәк, башына янып торган шәмнәрдән корона кигән патшабикә  балаларга күчтәнәчләр өләшә.  

Англия: ачык ишекләр  

Нәкъ менә Англиядә Яңа елда котлау открыткалары алышу гадәте барлыкка килгән. Сәгать 12 не суккан вакытта бер-берсен яраткан кешеләр, киләсе елда да бергә булыр өчен, үбешә. Шулай ук иске елны чыгарып җибәрү өчен  арткы ишекне, яңа елны кертү өчен алгы ишекне ачалар.  

Шотландия: дегетле бочка яндыралар 

 Шотландиядә Яңа елны  "Хогмани" дип атыйлар. Традиция буенча, Яңа ел төнендә дегет тутырылган бочканы яндырып, аны урам буйлап тәгәрәтеп йөриләр.  Килгән кунаклар үзләре белән бер кисәк ташкүмер алып килеп, аны каминга ыргыта.  

Австралия: су коену киеме кигән  Кыш бабай  

Аларда Яңа ел  беренче гыйнвардан башлана. Бу вакытта Австралиядә бик эссе, шуңа күрә Кыш бабай белән Кар кызы   купальниклардан бүләк өләшә.  

Вьетнамга Яңа ел карп аркасына утырып килә  

Бу бәйрәмне Вьетнамда Яз бәйрәме, Тет дип тә йөртәләр. Аларда яңа ел символы чыршы түгел, ә шәфталу ботаклары. Бәйрәм 21 гыйнвар белән 19 февраль арасында үткәрелә. Нәкъ шушы вакытта иртә яз килә башлый. Яңа ел төнендә бер-берләренә шәфталу ботаклары бүләк итәләр. Парк, бакча, ишегалларында учак ягып, шунда җыелышалар.  Кайчандыр вьетнамлылар  Яңа ел  карп аркасына утырып килә дип санаган. Шуңа күрә алар  бу балыкны кибеттән сатып алып, елгага җибәрәләр. 

Непал: Яңа елны кояш чыкканда каршы алалар  

Төнлә, тулы ай яктысында непаллылар учак ягып, иске әйберләрен утка ташлый. Икенче көнне төсләр бәйрәме башлана. Кешеләр  йөзләренә, кулларына төрле төсләрдән рәсем ясыйлар, урамнарда биеп-җырлап йөриләр.  

Куба: тәрәзәдән су  сибәләр 

Яңа ел алдыннан  Куба халкы бөтен савыт-сабаларын су белән тутыра, ә төн уртасында  тәрәзәдән сибә башлый. Шул рәвешле, утрау халкы Яңа елга су кебек якты, чиста юл тели. Шулай ук сәгать телләре 12 не сукканчы 12 бөртек виноград ашыйлар. Шулай эшләгәндә аларга 12 ай буе  тынычлык, уңыш ияреп йөриячәк.  

Венгрия: сызгырырга кирәк 

 Яңа елның беренче секундларында ук  сызгырырга кирәк дип саный венгерлар. Шулай әйтеп, өйдәге кара көчләрне куалар, бәхет, байлык чакыралар.  

Япония: иң яхшы бүләк – ишкәк 

Яңа елның беренче секундларында ук көлә башлыйлар. Болай эшләү уңыш китерәчәк. Япониядә иң популяр бүләк – ишкәк. Яңа елда бәхетне ишеп алу өчен бирелә ул.  

Кытай: су коену 

 Кытайда әлегә кадәр Яңа ел бәйрәмендә  Будданы су коендыру традициясе бар. Бу көнне барлык статуяларны да чиста су белән юалар. Ә кытайлар  үзләре, башкалар аларга теләк теләгәндә, су коена. Шуңа күрә бу көнне, урамда чыланып беткән кешеләрне очратырга була.  

Болгария: караңгыда үбешү 

Болгариядә бәйрәм табынына җыелганнан соң, өч минутка ут сүндереп торалар. Бу вакыт яңа ел үбешүе минутлары дип атала.  

Грециядә: кунакка – таш кыстырып 

Алып килгән ташны  ишек бусагасыннан өй эченә атып бәрәләр дә: «Хуҗаның байлыгы шушы таш кебек авыр булсын», – диләр.  

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • 7630
    1
    66
  • «Насыйбың булыр әле!» Әдибә эштән кайтып керде дә, бермәлгә ишек төбендә тукталып, йорт эченә күз салды. Их, күңелгә рәхәт тә соң нур бөркеп торган өеңә кайтып керүләре! Бар җирдә дә тәртип,
    5444
    2
    52
  • Балан ачылары Әйдәгез, без бу хатынның исемен күрсәтмибез. Шулай исемсез генә булсын ул. Аның ни атлы булуы мөһим дә түгел бит. Ул – шушы көндәлекләрнең хуҗасы.  Теләсәгез, бастырыгыз, гыйбрәт булсын дип, егерме ел элек язылган дәфтәрләрне, миңа биргән иде.
    7494
    1
    51
  • Югалткан мәхәббәт Фәридә Казандагы сәүдә йортында йөргәндә үзенең яшьлек мәхәбәтен очратып, имәнеп китте. «Айрат!» – дигән cүз әйтерсең хатынның теленнән кош кебек чыгып атылды.
    3779
    1
    44
Реклама
Соңгы комментарийлар
  • 12 май 2021 - 11:54
    Без имени
    Дура - бердэнбер туры килгэн суз. Ничек шулкадэр узенне яратмаска була ул,анламыйм
    Сабыр төбе – кара упкын
  • 11 май 2021 - 13:31
    Без имени
    Нигэ мэктэпкэ кереп балаларны.атып ктергэч кенэкуркыныч чаралары курелэ?Кая булган охрана?
    «Әни, аталар, без парта астында....»
  • 11 май 2021 - 14:59
    Без имени
    Аллаһы тзгалә сабырлыклар юирсен. Сабыйларга шифа бирсен Раббыбыз.
    Террорист кулыннан зыян күрүчеләр арасында хәзрәт балалары да бар
  • 11 май 2021 - 23:40
    Без имени
    Аллаһ ярдәменнән , рәхмәтеннән бер мизгелгә дә калдырмасын! Балалар исән - сау терелеп чыксыннар! Бик авыр кайгыгыз белән уртаклашам..Аллаһ Раббым сабырлык, түземлек бирсен. Әмин!
    Террорист кулыннан зыян күрүчеләр арасында хәзрәт балалары да бар
  • 12 май 2021 - 11:24
    Без имени
    Бик кызганыч.Яшь кыз баланың гомере өзелде.Ата- анасы,туганнары өчен бик зур кайгы. Хезмәт юлын күптән түгел генә башлаган укытучы,мәктәпне,балаларны яратып эшләгән бит ул. Авторга әйтәсе сүзем шул- Эльвира чын укытучы,шуның өчен үзенә авыр булса да мәктәбен,укучыларын калдырып китә алмаган.Мәктәп тормышы белән яшәгән,укучылары ,аның өчен,иң кадерле кешеләр булганнар.Ул җаны,тәне,йөрәге белән тырышып эшләгән.Эх,Эльвира кебек укытучылар күбрәк булсын иде.
    Эльвира Игнатьева: «Май аеннан яши башлармын...»
Реклама
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»