​Бөекләр тормышыннан



Александр ИНОВЕРЦОВ туплады 

 

*** 

Исаак Ньютонга, фәндәге казанышлары өчен, лорд исеме тапшырыла һәм ул озак еллар буе лордлар палатасы утырышларында катнашырга мәҗбүр була. Галимгә анда бик күңелсез икәнлеге йөзенә язылган була – ул аны яшерми дә. Гадәттә ул утырышларда бернинди сүзгә катышмый. Шуңа да бер утырышта кинәт аның сүз соравы барысын да уятып җибәрә. Гаҗәпләнеп аңа текәләләр. 

– Җәмәгать, – ди ул, үзенә баккан күзләргә карап бик тантаналы тавыш белән: – Әгәр сез каршы килмәсәгез, мин тәрәзәне ябуларын сорар идем. Бик нык җил өрә, салкын тидерермен дип куркам.  

Шулай ди дә, Ньютон вәкарь белән генә кире урынына утыра. Лордлар палатасында шушыннан кала ул беркайчан бернинди сүз әйтми.  

 

*** 

Мәҗлесләрнең берсендә язучы Марк Твен бер ханым белән сөйләшеп китә. Язучының кәефе шәп чак була һәм ул бу ханымга:  

– Сез искиткеч! – ди.  

Әмма әңгәмәдәше шактый төксе кеше булып чыга: 

– Кызганычка каршы, мин сезгә шундый ук комплимент белән җавап бирә алмыйм, – ди.  

Твен, кычкырып көлә дә: 

– Ә сез нәкъ минем кебек эшләгез – ялганлагыз! – ди. 

 

*** 

1917 ел. Беренче бөтендөнья сугышы бара. Рус композиторы һәм дирижеры Иван Федорович Стравинский Рим һәм Неаполь шәһәрләренә бара. Сәфәре вакытында ул Пабло Пикассо белән таныша, алар шактый дуслашып китәләр.  

Кире Швейцариягә кайтканда Стравинскийны таможня хезмәткәрләре туктата. Музыкант багажындагы бер документ алар карашынча сәеррәк тоела. 

– Бу нинди рәсем? – дип сорый  таможня хезмәткәре бик җитди тавыш белән кулына тоткан кәгазьдәге квадратлар, почмакларны карап. 

–Пикассо минем портретымны ясады... 

– Дөресен әйтмисез! План бит бу! 

– Әйе, план. Әмма минем йөземнең планы. Шул гына...  

Таможня хезмәткәрләре үз сүзләреннән кире кайтмыйлар: план бу! Бик мөһим бинаның планы! Һәм рәсемне алып калалар.  

 

*** 

Әдипләр йортында шагыйрь Михаил Светлов янына бер танышы – үзе кебек үк шагыйрь килә. Кәефе юклыгы бөтен йөзенә чыккан. 

– Ни булды, нәрсә өчен бу кадәр борчыласың? – дип сорый аннан шунда ук Светлов. 

– Менә хатын белән аерылышабыз әле, – дип күңелсез генә җавап бирә танышы. – Никадәр генә язсам, басылсам да, аңа һаман да гонорар җитми... Ә язган шигырьләремнең бер юлын да укып караганы юк үзенең! 

– Аңлыйм хәлеңне, – дип авыр сулап куя Светлов. – Синең белән минем кебек шагыйрьләргә гонорар түгел, ак болытлар санаучы хатыннар кирәк шул... 

 

*** 

Бернард Шоуның әле студент чагы. Ул имтихан бирергә килә. Аның бик озак уйланып, авызына  су кабып утыруын күреп, профессор түзми: 

– Беләсезме, яшь дустым, – ди, – имтихан ул – театр кебек. Сез – актер, мин – тамашачы. Йә, ник һаман дә дәшмисез? Тыңлыйм... 

– Килешәм, килешәм, профессор! – дип җавап бирә булачак Нобель премиясе лауреаты. – Алай булгач, минем курсташым Джимины да чакырырга кирәк. 

– Ә аның монда нигә кирәге бар соң? – дип гаҗәпләнә профессор. 

– Миңа бит суфлер кирәк!  

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
Реклама
Соңгы комментарийлар
  • 24 сентябрь 2021 - 14:54
    Без имени
    бик. матур. хикея. ошады. ахыры да. яхшы. тэмамланды. рэхмэт
    Тормышымны үзгәрткән борылыш
  • 24 сентябрь 2021 - 09:19
    Без имени
    Бу хәлләр ир-ат тарафыннан азгынлык кына. Әгәр дә үзегезнең хатыныгызга да шундый ук игътибарлы булсагыз, хатыныгызны бер кемгә дә алыштырмас идегез
    Авырлы хатынны ташлап китү – ир эшеме?
  • 23 сентябрь 2021 - 18:10
    Без имени
    Монда әйтелгән фикерләр белән килешәм. Соңгысы гына күңелгә ятмый. Кияүгә ни өчен чыгалар, белмәдеңмени? Сине көчләп бирмәгәннәр бит!!! Малаең үз әтисе белән үсәргә тиеш, балаңны яратсаң...Җитәр, уйнап алгансың!!!
    Ирем булмаса, бәхетле яшәр идем...
  • 22 сентябрь 2021 - 22:45
    Без имени
    Оятсыз йэштэр! Иномарка, ял итеу хэзэр проблема тугел. Хаман Ата инэ елкэхендэ йэшэргэ оят бит хезгэ. Узегез генэ елкэ кимереу етмэйме ни, тыумаган балагызга урын Таба алмай ятахыгыз
    Тумаган килеш балама урын юк
  • 23 сентябрь 2021 - 06:38
    Без имени
    Башка кешегез булгач, ник хатыныгыз белән дә йокладыгыз соң? Баланы җил ясамагандыр бит?
    Авырлы хатынны ташлап китү – ир эшеме?
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан