Өзлексез чәчәк атучы гөлбакча

Бакчасы булган һәр хатын-кызның хыялыдыр инде ул иртә яздан кара көзгәчә чәчәк атучы клумбага тиенү.

Чәчәк клумбасын ясый башлаганчы, башта аның зурлыгын билгеләргә кирәк. Аны гадәттә өйнең тәрәзәләренә карап чамалыйлар. Ул бер тәрәзә иңеннән дә кимрәк булса, матур булмый. Билгеле инде, чәчәк атучы гөлләрнең күпчелеге кояш ярата. Клумба кояшлы урында булырга тиеш.

Беренче кагыйдә – клумба гел шау чәчәктә булсын өчен, үсемлекләрнең төре күп булсын. Икенчедән, клумбаның күрке – эре чәчәкле гөлләр.
Клумбада чәчәкләрне берәм-берәмләп кенә утыртсаң, бик матур күренми, артык чуарлыкка китерә. Шуңа күрә үсемлекләрне төркемләп утыртырга кирәк.
Клумбаны берьеллык та, ике еллык та чәчәкләрдән үстерергә була. Иң уңае күпьеллык чәчәкләр. Болар бер урында озак үсә, әмма чәчәкләрен тиз атып бетерәләр. Гел тукландырып торып, аларны тагын бер кат чәчәк атарга мәҗбүр итеп була анысы.

Бер еллык чәчәкләрне рассадага утыртып мәшәкатьләнәсе булса да, болар чәчәкне озак атулары белән яхшы.
Әгәр дә зур клумба ясарга уйласагыз, берәр чәнечкеле яки купшы чәчәкле куак та утыртыгыз. Үсемлек араларындагы буш калган җирләргә матур яфраклы гөлләр утырсаң матур.
Бер зур үсемлеккә берничә уртача һәм бик күп вак үсемлекләр туры килергә тиеш.

Иң элек чәчәклекнең скелетын булдырырга кирәк. Болар: артык зур булмаган куак – кәрлә туя, артыш (можжевельник), чыршы, гортензия, япон спиреясы, ясмин, роза куагы булырга мөмкин. Буйга үсә торган гөлләрдән: дельфиниум, люпин, аконит, пион яки клематист та бу рольне башкара ала.

Икенче чиратта чәчәклекнең урта өлеше утыртыла. Моның өчен астильбе, флокслар, гелопсис, вероника, лилияләр, ирис, яран, вербейник, пиретрум, аквилегия, кыңгырау гөл, кашкарыйлар, хризантема, вербаскум ише гөлләр әйбәт.

Урта өлештә үсүче үсемлекләр арасына абага, Людовик әреме, гейхер ише челтәр яфраклы үсемлекләр утыртсаң матур була. Боларның яфрагы астына кояш төшми, шуңа күрә чүп тә үсми.

Иң соңыннан клумбаның алгы өлеше утыртыла. Монда инде мөмкин кадәр озаграк чәчәк атучы гөлләр кирәк. Мәңге яшел үсемлекләр булса, бигрәк тә яхшы. Әйтик: бадан, морозник, биек булмаган лилейник, медуница, манжетка. Ә иң алга, чәчәклекнең каймасы сыйфатында, тәбәнәк чәчәкләр: бәрхет гөл, цинния, бегония ишеләр утыртыла. Шулай ук ятып үсә торган тимьян, альп кашкарые, котовник, дицентра, фиалка, карпат кыңгыравы, маргаритка, молодило, таш чәчәк (камнеломка) утыртсаң бик матур була.

Чәчәклек белән газон  (яки юл, ишегалды чирәме) арасындагы чик аерылып торырга һәм матур булырга тиеш. Чикне эре ташлар, агач пүләннәре белән билгеләргә була. Чәчәклек белән газон арасында бик киң булмаган канау гына казып куйсаң да бик матур була. Чәчәклекнең алгы ягына зур гына бер таш, матуррак зур агач ботагы да килешә. Әгәр берәр агач төбе булса, аны петуния утыртылган берәр вазон белән бизәргә мөмкин.

Киңәш: күпьеллык үсемлекләрне бер-берсеннән 30-60 см ара калдырып утырталар. Гадәттә ул гөл ябалдашы диаметрының яртысына тигез була. Күпьеллыклар, үсә-үсә, зурая, араны зуррак та калдырырга була.

Чәчәклек өчен алгы план бик мөһим. Ачык күренеп торган чик булмаса, чәчәклек төгәлләнеп бетмәгән кебек тәэсир кала.

Гөлбакчагыз бик зур булмаса, дөрес формадагы клумба ясарга кирәкми. Бу очракта чәчәклекнең алгы сызыгы да туп-туры булмасын.

фото: https://pixabay.com

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Ялган никах Танышуларының беренче көнендә үк, ЗАГСка барып, язылышырга гариза биреп кайткан кыз белән егет хакында Нурсөянең моңа хәтле ишеткәне булмады. Андый хәбәр колагына чалынса да, әллә юләр инде болар, дип бармагын чигә тирәсендә борудан башка берни дә кыла алмас иде кебек. Әгәр дә ки уйламаганда-көтмәгәндә ул юләр кыз үзе булып чыкмаса!..
    8146
    0
    81
  • Әти өйләнә Әни үлгәнгә инде биш ел. Әнине югалтуны бик авыр кичерде әти. Хәтта башта минем белән сөйләшми йөрде, үз эченә бикләнде. Аны безнең янга күчергә үгетләдем, әмма ул яшәгән фатирымны калдырмыйм дип каршы килде.
    7394
    2
    73
  • Балаларына сыймаган Галия әби Сәяхәт вакытында нинди генә кешеләр күрмисең дә, нинди генә тарихлар ишетмисең – үзе бер китап язарлык. Поездда язмыш тарафыннан гомернең бер аралыгына очраткан юлдашлар бер-берләренә җаннарын бушата, шатлык-кайгыларын сөйли. Бу юлы да шулай булды...
    3587
    1
    39
  • Хыялдагы ир-ат  Үсмер чакта ук  ничек тә булса бай тормышта яшәргә кирәк дип нәтиҗә ясадым. Телевизордан күрсәткән гламур тормыш кызыктыргандыр, мөгаен. Әмма кыяфәтем бай егетләр артымнан чабып йөри торганнардан түгел иде. Гомумән, күбәләк кебек бер егеттән икенче егеткә очып йөрергә дә яратмадым. Ныклы карарга килде: укыйм да, җитәкче булырга тырышам. Ул вакытта бай ир дә кирәк булмаячак. 
    4327
    1
    39
  • Укытучым Их, вакыт дигәннәре! Ник сез шулай бик тиз агасыз соң? Азга гына булса да мәктәп елларына кайтып киләсе иде лә... Миңа инде 30 яшь, 16 яшьлек  чагым әле кичә генә кебек...  
    3494
    0
    25
Реклама
Соңгы комментарийлар
  • 26 май 2022 - 15:03
    Без имени
    Дингэ беренче куп урлаган, карак, гонахсы зур булган кеше килэ. Улэр вакыты житкэч, исенэ тешэ, курка башлый, жавап бирэсе булса, нэрсэ дип, жавап бирермен, дип ,курка.
    Дингә кеше кайчан күбрәк килә?
  • 25 май 2022 - 22:40
    Без имени
    Сез гел балалар дип яшәгәнсез, инде үзегез өчен яшәргә вакыт. Аларның үз тормышы, вакыт узгач алар сезне аңлар дип ышанасы килә.
    Кызларым каршы булса да, кияүгә чыгаргамы?
  • 26 май 2022 - 09:29
    Без имени
    Бу ир сезне хор мэт итэ, Лилияне ярата кебек тоела, монда Лилиягэ акыллы булып, кеше тормышын бозмаска иде, Аллахы Хидэят бирсен бик авыр хэл
    «Сине дә яратам, аны да», – ди...
  • 26 май 2022 - 12:13
    Без имени
    Мина бик ошады
    Җаным жәл түгел сиңа...
  • 25 май 2022 - 12:23
    Без имени
    Мэчет юк иде диеп, язучыга бэйлэнергэ кирэкми, документ тутырмаган ла, ул! Бер ялгыз апа-эби йортында жыелып намаз укыйлар иде, анда йоруче бабайлар да байтак иде. Олылардан ишетеп белэбез Талип бабай турында. Булдырасын, Фагилэ!
    «Фәрештәләр төшемдә дога өйрәтте»
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда