Бассейнлы, сәхнәле... фермабыз (укырга)

«Безнең ферма кызлары – авылның йолдызлары!» – дип җырлыйлар алар турында. Фотолары – газета һәм журнал битләрендә. Үзләре авыл, район советы депутатлары, слет, съезд делегатлары. Алар – социалистик ярыш алдынгылары, иң күп сөт савучылар. 

«Азат хатын» журналының 1977 елгы сентябрь саны тышлыгыннан елмаючы  Гөлфия Муллахмәтова да ул чактагы Минзәлә районы «Ярыш» колхозының (хәзер Тукай районы) алдынгы сыер савучысы. Сигезенчене тәмамлаган көннән лаеклы ялга чыкканчы – 41 ел рәттән бер көн ялсыз фермада эшли ул. Аңа ул вакытта нибары 15 кенә яшь була әле. 
«Дус кызларым белән барыбыз да сыер саварга кердек, – ди Гөлфия апа. – Миңа 15 буаз тана сайлап бирделәр. Шуларны бозаулатып, саварга өйрәтеп, үземә группа тупладым. Эш көндәлегенә кайсы сыер көнгә күпме сөт биргәнен, кайчан бозаулаганын язып бара идем. «Сирень» кушаматлы бер сыерымнан елына 4,5 литр сөт сауганмын. Чорына күрә ул бик күп булган инде». 

1965 ел бу. Савым аппаратлары әле юк. Унбиш сыерны көненә өч тапкыр кул белән савасы. «Беләкләр сызлый, куллар иртәнгә шешенә... – дип искә ала ул. – Шулай да бездә тырышлык, үҗәтлек көчле булды. Төнге икедә, өчтә торып фермага барабыз. Йоклап ятсаң, сыерларыңа башак болгатырга кайнар су да, онлы апара да эләкми бит! Башкалар алдында бер дә сынатасы килми, алдынгы буласы, сөтне күбрәк савасы килә. Группа белән группа, бригада белән бригада, колхоз белән колхоз ярыша».  

Алдынгы сыер савучының эше ферма белән генә чикләнми. Авылдашлары аны авыл һәм район советы депутаты итеп сайлый. Депутат ул – халыкның илчесе, аларның гозерен югарыдагыларга җиткерүче. Кемгә кемгә, күп балалы гаиләләрнең бар борчуы аңа яхшы таныш. Күрше Күзкәй егете – баянчы Өлфәт белән комсомол туе ясап өйләнешеп, үзләре дә өч ул, бер кыз үстерәләр. Ялгыз карт-карчыкларга ярдәм оештыру да аның күз уңында. «Ничек кенә өлгердек икән? – дип, бүген үзе дә аптырый. – Җәйләрен сыерларны Ыкның аръягына җәйләүгә алып чыгып, өчәр-дүртәр ай шунда эшли идек. Гектарлаган чөгендер бүлеп бирәләр. Өйдә дә хуҗалык зур...» Аннары үзе үк җавабын да бирә: «Яратып эшләгәнгә, яратып яшәгәнгәдер. Яшьлек матур үтте безнең. Җәйләүләргә барганда, кайтканда, машина кузовына төяләбез дә, и җырлыйбыз! «Әнә ферма кызлары кайтырга чыкты», – дип, күрше авыллар безне тыңлый икән. Бәйрәмнәр якынлашса, кич клубка йөгерәбез. Концерт әзерлибез, спектакль куябыз… Мин биергә, чигәргә... һәм китап укырга ярата идем. Өйдәгеләр йоклап беткәч, өстәл астына лампа белән кереп утырам да, дөньямны онытам. 
Эшемне бигрәк яраттым шул. Без балалар үстергәндә декрет ялы ике генә ай иде. Анда да кызларның фермага барганын тәрәзәдән күреп елыйм. Сыер саву никадәр авыр хезмәт үзе, ә фермадан китсәм, башка бер генә җирдә дә эшли алмам кебек тоела иде. Безнең фермабыз үзе генә дә нинди иде бит! Ашханәсе, актлар залы, мунчасы, хәтта бассейны да булган фермалар сирәктер. Бик сагынсам, әле дә шул тирәләрдән әйләнеп төшәм. Бүген анда тагын да матуррак «Ярыш» хуҗалыгы җитәкчесе Рәмис Шәйхаттаров инициативасы белән тирә-юненә агачлар утыртканнар, асфальт җәйгәннәр, бөтен эш техника белән башкарыла. Рәхәтләнеп эшлә генә! Кайчагында шул шартларда эшләргә үзем дә кызыгып куям».

 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • 7648
    1
    66
  • «Насыйбың булыр әле!» Әдибә эштән кайтып керде дә, бермәлгә ишек төбендә тукталып, йорт эченә күз салды. Их, күңелгә рәхәт тә соң нур бөркеп торган өеңә кайтып керүләре! Бар җирдә дә тәртип,
    5477
    2
    52
  • Балан ачылары Әйдәгез, без бу хатынның исемен күрсәтмибез. Шулай исемсез генә булсын ул. Аның ни атлы булуы мөһим дә түгел бит. Ул – шушы көндәлекләрнең хуҗасы.  Теләсәгез, бастырыгыз, гыйбрәт булсын дип, егерме ел элек язылган дәфтәрләрне, миңа биргән иде.
    7522
    1
    51
  • Югалткан мәхәббәт Фәридә Казандагы сәүдә йортында йөргәндә үзенең яшьлек мәхәбәтен очратып, имәнеп китте. «Айрат!» – дигән cүз әйтерсең хатынның теленнән кош кебек чыгып атылды.
    3811
    1
    44
Реклама
Соңгы комментарийлар
  • 12 май 2021 - 11:54
    Без имени
    Дура - бердэнбер туры килгэн суз. Ничек шулкадэр узенне яратмаска була ул,анламыйм
    Сабыр төбе – кара упкын
  • 11 май 2021 - 13:31
    Без имени
    Нигэ мэктэпкэ кереп балаларны.атып ктергэч кенэкуркыныч чаралары курелэ?Кая булган охрана?
    «Әни, аталар, без парта астында....»
  • 11 май 2021 - 14:59
    Без имени
    Аллаһы тзгалә сабырлыклар юирсен. Сабыйларга шифа бирсен Раббыбыз.
    Террорист кулыннан зыян күрүчеләр арасында хәзрәт балалары да бар
  • 11 май 2021 - 23:40
    Без имени
    Аллаһ ярдәменнән , рәхмәтеннән бер мизгелгә дә калдырмасын! Балалар исән - сау терелеп чыксыннар! Бик авыр кайгыгыз белән уртаклашам..Аллаһ Раббым сабырлык, түземлек бирсен. Әмин!
    Террорист кулыннан зыян күрүчеләр арасында хәзрәт балалары да бар
  • 12 май 2021 - 11:24
    Без имени
    Бик кызганыч.Яшь кыз баланың гомере өзелде.Ата- анасы,туганнары өчен бик зур кайгы. Хезмәт юлын күптән түгел генә башлаган укытучы,мәктәпне,балаларны яратып эшләгән бит ул. Авторга әйтәсе сүзем шул- Эльвира чын укытучы,шуның өчен үзенә авыр булса да мәктәбен,укучыларын калдырып китә алмаган.Мәктәп тормышы белән яшәгән,укучылары ,аның өчен,иң кадерле кешеләр булганнар.Ул җаны,тәне,йөрәге белән тырышып эшләгән.Эх,Эльвира кебек укытучылар күбрәк булсын иде.
    Эльвира Игнатьева: «Май аеннан яши башлармын...»
Реклама
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»