«Яңа туган баланың һәркайсына – ана капиталы»

Татарстан Республикасы Дәүләт Советының хатын-кыз депутатлары «Мәрхәмәт» берләшмәсе, Татарстан Министрлар Кабинетының ЗАГС Идарәсе коллегиясе һәм «Ныклы гаилә» иҗтимагый советы вәкилләренең бергәләшеп үткәргән утырышында чыгыш ясаучы «Татарстанның күп балалы гаиләләре» региональ оешмасы рәисе Артем Кузнецов демографияне яхшырту һәм гаилә мөнәсәбәтләрен ныгыту турында сөйләгәндә уены-чыны бергә, шулай дип белдерде. Утырышка җыелган депутатлар, җәмәгатьчелек, хәйрия белән шөгыльләнүче оешма вәкилләре ул көнне «Татарстан Республикасында гаилә һәм демография сәясәтен гамәлгә ашыру буенча дәүләт һәм хакимиятнең муниципаль органнары, гражданлык җәмгыяте институтлары эшчәнлегендә төп юнәлешләр» дигән темага җитди сөйләшү алып бардылар. Мәсьәлә, чыннан да, бик җитди. Татарстан Республикасы Дәүләт Советы Рәисе урынбасары, хатын-кыз депутатларының « Мәрхәмәт» берләшмәсе җитәкчесе Татьяна Ларионова бүгенге вазгыятьне ачыктын-ачык күрсәтеп бирде. Ни максаттан җыелу сәбәбе дә аңлашыла. «Гаилә һәм демография проблемалары – ул дәүләт проблемасы гына түгел. Аны хәл итү өчен коммерция булмаган һәм хәйрия, җәмәгатьчелек оешмаларының  моңарчы кулланылмаган потенциалыннан файдаланырга кирәк», – диде ул. 

Бу сөйләшү тикмәгә кузгатылмады. Саннарга гына күз төшереп алыйк. Татарстан Министрлар Кабинетының ЗАГС Идарәсе җитәкчесе Альбина Шәвәлиева әйтүенчә, быелның тугыз аенда республикада 35 мең 352 бала туган. Бу, былтыргы белән чагыштырганда, күпкә ким. Казан шәһәрендә аерылышучылар саны 5,8 процентка җиткән. Һәр алтынчы бала (5610) тулы булмаган гаиләдә дөньяга килгән.
Татарстан Республикасының Хезмәт, халыкны эш белән тәэмин итү һәм социаль яклау министры урынбасары Наталья Бутаева Россия Президенты Владимир Путинның демографияне көйләү максатыннан, май аенда чыгарган Указын искә төшерде. Ничек кенә булмасын, вазгыять безнең файдага түгел: бала табудан баш тартулар, бала төшертүләр (былтыр ул 17 мең 735 тирәсе) дәвам итә. Ә быел исә инде 9 мең хатын-кыз аборт ясаткан. Хәзер илдә 143 миллион кеше яшәсә, 2050 елга ул 107 миллионга калачак. Бу үлем-китемнәрнең артуы, бала тууның кимүе белән аңлатыла.
Демография проблемасы һәркемне уртак борчырга тиеш. Иң мөһиме –  бигрәк тә күп балалы әниләр өчен уңай яшәү шартлар тудырырга кирәк. Сүз махсус ташламалар, субсидияләр, балалар бакчаларына урыннар турында бара. Һәм, әлбәттә инде, Артем Кузнецов әйткәнчә, дөньяга килгән һәрбер балага ана капиталы бирсәң дә, комачауламас иде.

Очрашу ахырында Татьяна Ларионова сөйләшүдә катнашучыларны хәлне үзгәртү юнәлешендә тәкъдимнәр кертергә чакырды. Яшәүләре, бала үстерүләре бер дә җиңел түгел шул.  Әгәр дә күп балалы әниләргә бушлай фатирлар булса, медицина хезмәте өчен түләүләр булмаса, мәктәпләрдә балалар теләгән түгәрәкләренә бушлай йөри алса, гомумән, тормыш шартлары җиңеләйсә, бәлкем, әниләргә ана капиталы да ул кадәр үк кирәк булмас иде. Без бер яшәп карадык ич инде андый «коммунизм»да. 
    
фото: https://pixabay.com/

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Бозым Сихерчеләр, имчеләрне никтер картаеп-бирчәеп беткән карчыклар кыяфәтендә генә күзаллый иде моңарчы Галия. Аларның яшәгән йорты да каядыр бер читтә, аулакта булырга тиеш иде кебек. Ул йорт үзе үк күңелдә шик уятырга, шом кертергә тиеш...  Ачык йөзле, ак яулыклы апа каршы алды аларны.
    7938
    1
    104
  • 8532
    2
    57
  • Ялгыш очрашу Инде ничә ел үткән, әмма аны күргән саен, атлап барган җирдән адымнарын әкренәйтә, йөзенә иңгән гаепле елмаюын махсус җыерылган кашлары астына яшерергә тели. Оныта алмый бугай шул...
    9555
    1
    54
Реклама
Соңгы комментарийлар
Реклама
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»
Кешелек хакында фәлсәфи уйланулар, робот София һәм ипи
Балачак – уйнар чак...