Татарстанда Корбан гаете: корбан чалу урыннары, бәйрәм акцияләре турында мәгълүмат

Быелның 12 сентябрендә Татарстан Республикасының барлык мәчетләрендә Корбан бәйрәменә багышланган бәйрәм намазлары укылачак. Бу хакта Татарстан мөселманнары Диния нәзарәте матбугат хезмәте хәбәр итә.

Быел бәйрәм көннәрендә Татарстан мөселманнары Диния нәзарәте аз керемлеләргә ярдәм итү буенча чаралар үткәрә.

Казанда Корбан бәйрәме уңаеннан гает намазы Кол Шәриф мәчетендә узачак. Бәйрәм намазыннан соң республиканың барлык шәһәрләре һәм районнарында мөселманнар корбан чалу йоласын башлый.

Мөселманнар өч көн дәвамында - 12-14 сентябрьдә корбан чалачак.

Татарстан башкаласында яшәүчеләр өчен 17 махсус корбан чалу урыны әзерләнгән. Корбан ите аз керемле гаиләләргә, балалар йортларына, ятимнәргә, ялгыз кешеләргә һәм өлкәннәргә таратылачак. Шул максаттан Татарстан мөселманнары Диния нәзарәте 2000 сарык чалдырачак.

"Мохтаҗларны ашат" акциясе.

"Зәкать" хәйрия фонды Корбан бәйрәме алдыннан традицион "Мохтаҗларны ашат" акциясен игълан итте.

Һәр теләгән кеше "Зәкать" фондында сарык сатып алып мохтаҗларга корбан итен өләшә ала.

50 кг га кадәрге авырлыктагы бер тәкә 7500 сум тора, бу бәягә суеп бирү, ваклау, мохтаҗларга тарату хезмәте керә. "Зәкать" фонды чыгып йөри алмаучыларның өйләренә илтеп бирә. Бүгенгә фондка корбан чалуга 47 заявка бирелгән. Беренче көнне 200 кешегә ит тапшыру планлаштырыла, икенче көнне - 170, өченче көн - 180.

2015 елда "Зәкать" фонды Корбан бәйрәмендә 30 корбан сарыгы итен өләшкән.

"Зәкать" фонды оештыру мәсьәләләрен хәл итүне тулысынча үз өстенә ала: күпләп сатып алу бәясеннән алып мохтаҗлар өенә илтеп бирүгә кадәр", - дип билгеләп үтә фондның генераль директоры Ирек хәзрәт Жиһаншин.

Татарстан мөфтие урынбасары Рөстәм хәзрәт Хәйруллин сүзләренчә, Казанда бәйрәм көннәрендә барлыгы 10 000 нән артык корбан чалыначак.

Казанда Корбан чалу урыннары:

«Фатиха» мәчете Р.Зорге ур., 4а

«Казан Нуры» мәчете Ф.Әмирхан пр., 3

«Әл-Мәрҗәни» мәчете К.Насыйри ур., 17

«Әҗем» мәчете Фәткуллин ур., 15

Корбан чалу комплексы Бертуган Петряевлар ур.,

«Тынычлык» мәчете Мирный, Мелитопольская, 15

«Гадел» мәчете Оренбург тракты, 193

«Ризван» мәчете Х.Мәүлетов, 48а

Ат спорты клубы Мирный, Новосельская, 70

«Жомга» мәчете Юдино, Ильич ур., 4

«Рамазан» мәчете Окольная ур., 25Б

«Сөләйман» мәчете Левченко, Ютазы ур., 8

«Ислам дине» мәчете Чишмәле ур., 17а

«Биләл» мәчете Вознесенское , Иркен ур., 33

«Котдус» мәчете Карьер, Яснополянский, 16

«Иман Нуры» мәчете Нагорный, Юл ур., 32а

«Ислам» мәчете Дәрвишләр, Вяземская, 28

Корбан-бәйрәме – халыкның бөтен катламын берләштерүче бөек бәйрәм. 

Бу көнне социаль ярдәм күпсанлы кешегә җиткереләчәк дип ышана Татарстан мөфтие урынбасары Илдар хәзрат Баязитов.

"Теләсә нинди дини бәйрәм ул гаилә бәйрәме генә түгел, ә безнең голәмәнең барлык катламын берләштерә торган иҗтимагый бәйрәм дә. Бер өстәл артында фәкыйрьләр һәм бай кешеләр очраша, алар барысы бергә изге бәйрәмне билгеләп үтә", - диде Татарстан мөфтие урынбасары, Казанның Киров һәм Мәскәү районнары имам-мөхтәсибе Илдар хәзрәт Баязитов.

Корбан итеннән сәламәтлек буенча мөмикнлекләре чикләнгән кешеләр, инвалидлар, сукырлар, республиканың берничә балалар йорты тәрбияләнүчеләре, шулай ук Татарстандагы тоткыннар да - гомумән ике меңнән артык кеше авыз итә алачак. Моннан тыш күп кенә мөселманнар 100, 200 һәм аннан да күбрәк кеше өчен хәйрия ашлары үткәрү теләге белдерде.

"Мәрхәмәтлелек атнасы"

Моннан тыш, Корбан бәйрәме алдыннан "Зәкать" фонды Татарстан мөселманнары Диния нәзарәтендә "Мәрхәмәтлелек атнасы" игълан итте. Хәйрия акциясе кысаларында мөфтият коллективы бер көнлек хезмәт хакын ДЦПтан интегүче һәм 57 000 сум күләмендә кыйммәтле дәвалауга мохтаҗ 2 яшьлек Данис Чупашевка ярдәм буларак күчергән.

Акциягә Татарстанның район мөхтәсибәтләре дә актив кушылган, алар бала исеменә 16 000 сум чамасы акча күчергән. Татарстан мөселманнары Диния нәзарәте һәм мөхтәсибәт инициативасы белән планлаштырылганнан күбрәк акча җыелган. "Зәкать" фонды артык акчаны башка балаларны двәалауга күчерәчәк. Шулай ук фонд Корбан бәйрәме кысаларында хәйриячеләрнең берсеннән зәкать алган. Бу фонд карамагындагы 10 бала дәвалау яки тернәкләнү курсы уза алачак дигән сүз.

Искәртеп үтик: бәйрәм көнендә Казан мәчетләре аша уза торган җәмәгать транспорты иртәнге 4 тә йөри башлый, Корбан бәйрәме көнендә муниципаль урам парковкалары бушлай эшләячәк. 

чыганак - http://tatar-inform.tatar/

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Ялган никах Танышуларының беренче көнендә үк, ЗАГСка барып, язылышырга гариза биреп кайткан кыз белән егет хакында Нурсөянең моңа хәтле ишеткәне булмады. Андый хәбәр колагына чалынса да, әллә юләр инде болар, дип бармагын чигә тирәсендә борудан башка берни дә кыла алмас иде кебек. Әгәр дә ки уйламаганда-көтмәгәндә ул юләр кыз үзе булып чыкмаса!..
    8535
    0
    84
  • Әти өйләнә Әни үлгәнгә инде биш ел. Әнине югалтуны бик авыр кичерде әти. Хәтта башта минем белән сөйләшми йөрде, үз эченә бикләнде. Аны безнең янга күчергә үгетләдем, әмма ул яшәгән фатирымны калдырмыйм дип каршы килде.
    7750
    2
    75
  • Балаларына сыймаган Галия әби Сәяхәт вакытында нинди генә кешеләр күрмисең дә, нинди генә тарихлар ишетмисең – үзе бер китап язарлык. Поездда язмыш тарафыннан гомернең бер аралыгына очраткан юлдашлар бер-берләренә җаннарын бушата, шатлык-кайгыларын сөйли. Бу юлы да шулай булды...
    3778
    1
    42
  • Хыялдагы ир-ат  Үсмер чакта ук  ничек тә булса бай тормышта яшәргә кирәк дип нәтиҗә ясадым. Телевизордан күрсәткән гламур тормыш кызыктыргандыр, мөгаен. Әмма кыяфәтем бай егетләр артымнан чабып йөри торганнардан түгел иде. Гомумән, күбәләк кебек бер егеттән икенче егеткә очып йөрергә дә яратмадым. Ныклы карарга килде: укыйм да, җитәкче булырга тырышам. Ул вакытта бай ир дә кирәк булмаячак. 
    4800
    1
    40
  • Укытучым Их, вакыт дигәннәре! Ник сез шулай бик тиз агасыз соң? Азга гына булса да мәктәп елларына кайтып киләсе иде лә... Миңа инде 30 яшь, 16 яшьлек  чагым әле кичә генә кебек...  
    3635
    0
    28
Реклама
Соңгы комментарийлар
  • 27 май 2022 - 00:29
    Без имени
    Курячяк язмыш
    Инде минем чират...
  • 26 май 2022 - 20:32
    Без имени
    Укып торасым да килми, ташладым. Уз рэхэтеннэн китеп, кайнанайны курэ-ишетэ торып, ниемэ кайтырга иде? Бала карар, ашарга пешерер дип ометлэнеп? Уз тарткан картасы, тарта-тарта ашасы. Чык та кит
    Инде минем чират...
  • 27 май 2022 - 06:58
    Без имени
    Безнен, тормышлар уртак та кебек автор белан. Мин дэ иремне дэ, баламны да Ходайдан сорадым. Хэзер аллага шокер баламда туды, иремдэ бик эйбат кеше.
    Мин аны Ходайдан сорап алдым
  • 26 май 2022 - 15:03
    Без имени
    Дингэ беренче куп урлаган, карак, гонахсы зур булган кеше килэ. Улэр вакыты житкэч, исенэ тешэ, курка башлый, жавап бирэсе булса, нэрсэ дип, жавап бирермен, дип ,курка.
    Дингә кеше кайчан күбрәк килә?
  • 25 май 2022 - 22:40
    Без имени
    Сез гел балалар дип яшәгәнсез, инде үзегез өчен яшәргә вакыт. Аларның үз тормышы, вакыт узгач алар сезне аңлар дип ышанасы килә.
    Кызларым каршы булса да, кияүгә чыгаргамы?
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда