Рөстәм Миңнеханов Татарстан Республикасы Конституциясе көне белән котлады

Татарстан президенты Рөстәм Миңнеханов республика халкын Татарстан Республикасы Конституциясен кабул итүгә 25 ел тулу белән котлады.

«Хөрмәтле татарстанлылар!
Татарстан Республикасы Дәүләт Советы, Хөкүмәте исеменнән һәм шәхсән үзем сезне республикабыз Конституциясе кабул ителүгә 25 ел тулу уңаеннан чын күңелдән тәбрик итәм.

Татарстанның Төп Законында шул чорда илдә барган социаль-икътисадый һәм сәяси үзгәрешләр бик ачык чагылыш тапты, ул төбәкнең хокукый системасы үсешендә иң әһәмиятле урын тотучы документ булды. Россия Федерациясе Конституциясенә һәм Татарстан Республикасы Конституциясенә таянып, федераль үзәк белән нәтиҗәле мөнәсәбәтләр урнаштырылды.

Татарстан бүген икътисадта, социаль өлкәдә һәм рухи-мәдәни үсештә Россия Федерациясендә алдынгы сафта бара. Бездә тупланган эш тәҗрибәсенә федераль дәрәҗәдә дә, төбәкләрдә дә ихтыяҗ зур. Республиканың казанышлары илебез җитәкчелеге, иң беренче нәүбәттә, Россия Федерациясе Президенты Владимир Владимирович Путинның даими зур ярдәменнән башка мөмкин булмас иде.

Хөрмәтле татарстанлылар!
Республикадагы иҗтимагый-сәяси тотрыклылыкны ныгытуда Конституциябез гаять зур әһәмияткә ия. Хакимиятнең барлык тармаклары һәм дәрәҗәләре арасында уңышлы үзара хезмәттәшлек булдыру, кешеләрнең ирекләрен гарантияләү, иҗтимагый үсештә барлык  катнашучыларның тигезлеген тәэмин итү – Конституциянең әлеге һәм башка нигезләмәләре чынбарлык тормышыбызны чагылдыра.

Гомумроссия сәяси партияләренең алтмыштан артык төбәк бүлекчәсе, ике мең тирәсе дини һәм меңгә якын һөнәри берлек оешмасы, өч йөз илледән күбрәк милли-мәдәни мохтарият, башка иҗтимагый берләшмәләр белән беррәттән, граждан җәмгыяте үсешенә үзләреннән өлеш кертә.

Җәмгыятьтә татулыкны ныгыту механизмнарын даими рәвештә камилләштерүнең мөһимлеген аңлау – бер гасыр элек булып узган инкыйлаб вакыйгаларының сабагы. Җәмәгатьчелектәге уңай көчләрне туплау хәзерге дөньяда көннән-көн ишәя барган төрле тискәре, радикаль күренешләргә каршылык күрсәтүнең гаять мөһим шарты булып тора.

Тынычлык һәм дуслык, икътисадның уңышлы үсеше Татарстанга мәгариф, сәламәтлек саклау һәм социаль яклау өлкәләрендә югары стандартлар урнаштыруны тәэмин итәргә, тарихи-мәдәни һәм рухи мирасыбызга үзенчәлекле сакчыл мөнәсәбәт күрсәтергә мөмкинлек тудыра.

Сәламәт яшәү рәвешенә аеруча зур игътибар бирү, спортка ярдәм күрсәтү, экологик иминлек турында кайгырту җәмгыятебез үсешенә, гомумән алганда, уңай йогынты ясый. Туган җирне, Ватанны ярату хисе безне берләштерә, яңа казанышларга рухландыра.

Кадерле дуслар!
Конституция көне яхшы тормыш, кеше һәм гражданның хокуклары һәм ирекләре тәэмин ителгән хокукый социаль дәүләт төзү юлында саллы казанышларга ирешүебезне күрсәтә.

Һәммәбезгә бердәмлек, ныклык, күңел күтәренкелеге, илгә-көнгә тынычлык, игелекле гамәлләр һәм иминлек телим.

Бәйрәм котлы булсын! Барыгызны да Татарстан Конституциясе көне белән ихлас тәбрик итәм!».


ТР Президенты Матбугат хезмәте. 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Оясында ни күрсә... Оясында ни күрсә ...Очканында шул булыр. Халкыбызның буыннан-буынга күчеп килгән әлеге мәкале бүген дә үзенең актуальлеген югалтмый. Ә очар өчен һәр кешегә ныклы канатлар, кайтырын сагынып көтә торган нигез кирәк. Бала өчен ул башта ата-ана йорты булса, үсә төшеп насыйбын очраткач, үз өенә әверелә. Бүгенге геройларыбыз Земфира һәм Рамил Әхмәтшиннарның йорты да хәзер туганнарны гына түгел, балаларны, оныкларны бергә туплый торган җылы учак булып тора.
    2062
    27
    227
  • Үгиләр... Илзирә бүген әбисенә төшеп китте. Әнисенә үпкәләде. Үз әтисе үлеп, икенче иргә кияүгә чыкканнан соң әнисе ике арада өзгәләнә: бер яктан балалары, икенче яктан яңа ире. Ир – ир инде ул. Ничек Илзирәгә ышанмый әнисе?! Ана кеше иренә түгел, кызына ышансын өчен нәрсә эшләргә кирәк бу Хариска? Башка чыдар хәле калмады бугай кызның...
    5860
    2
    83
Реклама
Соңгы комментарийлар
  • 21 октябрь 2021 - 08:34
    Без имени
    Молодцы
    Оясында ни күрсә...
  • 20 октябрь 2021 - 17:53
    Без имени
    Заяга узган гомерлэр....ииии,уткэннэрне кайтарып булсын иде... башкачарак бэлки булыр иде....иде....иде.....
    Иремнән уңмадым 
  • 19 октябрь 2021 - 19:01
    Без имени
    Бу бит кеше тугел, бу кешедэн ничек кирэк шулай котылырга кирэк. Бу бит русча эйтсэк "Урод"
    Мәхәббәттән нәфрәткә бер адым икән
  • 19 октябрь 2021 - 15:22
    Без имени
    Аңлый балалар күбрәк булсын иде,сирәктер шул.Кайберләре ата кыланганны эшли шул.
    «Кагыласы булма әнигә!»
  • 19 октябрь 2021 - 11:37
    Без имени
    Рәхмәт,бик яхшы хикәя
    ​ Ястык
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан