Бу фильмны һәркем карасын!

Светлана Изамбаева – үзенең ВИЧ статусы турында җәмгыятькә беренче булып ачылган,  нинди проблемалар белән яшәвен җәмгыятьтә беренче булып ирештергән кеше. Светлана ханым турында берничә ел элек «Сөембикә» журналында зур гына язма басылып чыккан иде.

Узган ел очрашканда Светлана ВИЧ статуслы яшүсмерләрнең тарихларын китап итеп бастырып чыгару хыялы белән яна иде. Бу идеяны аңа әти-әниләр үзләре биргән булган. Җәмгыятьнең ВИЧ статуслы кешеләргә мөнәсәбәте катлаулы. 16-23 яшь – гашыйк булу, тормышның башка якларын да татып карау чоры. Вирус йоктыру куркынычы нәкъ яшүсмерләр арасында зуррак. Шуңа да вирус хакындагы мәгълүмат нәкъ менә алар өчен аңлаешлы булырга тиеш. Әлбәттә, замана чире булган әлеге куркыныч вирус хакында без берни дә белмибез түгел. Аның җенси якынлык вакытында йогуын, кан һәм күкрәк сөте белән күчүен, анадан карындагы балага йога алуын беләбез. Ул хакта укып белү – бер нәрсә, ә менә дусларың арасында шундый кеше булса?  Яисә балаң укый торган класста андый бала укыса? Алар бергә бассейнда коенсалар? Ашханәдә бер савыттан ашасалар? Китап геройлары үз язмышлары аша шушы сорауларга җавап бирә дә инде. «Позитивные дети» – язмышлар китабы. 13 яшүсмернең үзләренең бу вирусны йөртүләре хакында ничек белүләре, аның белән ничек яшәүләре, каршылыкларны, аңлашылмаучылыкларны ничек җиңүләре хакында.

Светлана Изамбаева китап чыгару мәшәкате белән янганда, Мәскәүдә «Такие дела» мәгълүмати порталы «Все сложно» интерактив фильмын төшерү өчен реаль тарихлар эзли. Бик катлаулы эш булып чыга ул. Чөнки ВИЧ статуслы яшүсмерләр турындагы мәгълүматлар яшерен. Порталның махсус проектлар продюсеры Галина Мосалованың очраклы гына рәвештә  Светлана Изамбаевага тап булуын язмыш ярдәме дими, тагын ничек атарга?

«Все сложно» фильмы – Катя исемле кызның ВИЧ статус белән тууы, үсүе, тәүге кат гашыйк булуы, сайлау алдында калуы хакында. Катя – ВИЧ статуслы, ә сөйгәне  сәламәт. Икесе дә бер-берсен өзелеп яраталар.  Фильмның ахыры бәхетле – Катя кияүгә чыгып, сау-сәламәт бала таба.

Фильмда Ирина Старшенбаум, Риналь Мухаметов, Чулпан Хаматова, Алена Бабенколарның да катнашуы җәмгыятьнең ВИЧ статуслы кешеләрнең проблемаларына ниһаять йөз белән борылуын сөйли.

«Все сложно» – романтик комедия жанрындагы фильм, яшүсмерләргә һәм яшьләр гаять аңлаешлы телдә, гадәти ситуацияләр аша әлеге мәкерле вирус турында мәгълүмат бирә. Чынлыкта, аны фильм дип атау да дөрес үк булмас, тамашачыга уйлау мөмкинлеге бирә торган сайт-уен ул. Һәм әлеге фильмны һәрбер яшүсмергә, һәр студентка, гомумән, һәр кешегә күрсәтәсе иде, диләр аны иҗат итүчеләр.





 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Үги әнкәйнең җылы йөрәге «...Үги ананың бик әйбәтләре була. Гадәттә, алар турында гел яман сөйлиләр, ләкин алар турында юньле сүзне күбрәк сөйләргә кирәк. Чит канга ана булырга тырыша бит ул. Мәҗбүри яратып булмый бит. Ә ул рольгә кереп «уйнарга» тиеш. Бала исә рольгә керми, «уйнамый». Ике артистның берсе уйнап, икенчесе уйнамаса, спектакль туа алмый. Үги аналы гаиләдә әнә шуңа күрә җылы, уңай тормыш коруы бик кыен. Үги аналарны кызганырга, ихтирам итәргә кирәк...» Мөхәммәт Мәһдиев «Мәңгелек яз» әсәрендә үги әниләр турында әнә шундый уйлануларын язып калдырган. Үги тормышны үз башына төшкәннәр генә аңлыйдыр, мөгаен. Үги ананың да, үги баланың да үз хәле... Әмма гомер уртасына җиткән ир балачагын искә алганда «Үги әниләргә һәйкәл куярга кирәк», – ди икән, димәк, барлык үги әниләр дә, халык телендәге кебек, явыз түгелләр. Чит балаларны карап үстерә икән, димәк, алар олы йөрәкле... Үги әни белән үскән Татарстанның халык артисты Җәвит ШАКИРОВ үзе сөйләсен әле...
    9050
    10
    105
  • Бәхетле булырга хакым бар!  Мин кияүгә 25 яшемдә чыктым. Яратып чыктым...
    9121
    8
    74
  • Өч кенә көнгә... – Кирәкми. Кешечә түгел бу. Шалтыратмагыз. Өметләнеп көткәнче, алдан ук барысын да аңласын. Башка бер сүз дә әйтмичә, нянечка балалар янына кереп китте. Ишек тавышы йөрәкне сызып үткән кебек булды. Бар да тынып калды. 
    4856
    4
    57
  • Сөеп, сөелеп яшисем килә-2 «Таһирә өстеннән жалу язганнар» дигән хәбәр авылда таралганга да бер айга якын вакыт үтте. Тегеләй дә, болай да дип тикшергәннән соң: «Фактлар ачыкланмады», дигән.
    6087
    2
    26
  • Көтеп алынган бәхет Әллә күзенә күренәме, сискәнеп китте Гөлгенә. Каршысында пәйда булган Гамилне күргәч, ни уйларга да белмәде, чөнки бу  очрашу көтмәгәндә, кинәт булды. Унсигез еллап гомер үтсә дә, шундук  таныды  аны: шул ук озын буй, киң җилкә, серле караш, тик куе кара чәчләренең чигә тирәләренә ак бәс яткан. Күзләрендә ниндидер сагышмы, назмы...
    2809
    0
    24
Реклама
Соңгы комментарийлар
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан