Нурдия Җүрәева (2.06.1937) – Татарстанның һәм Россиянең атказанган сәнгать эшлеклесе, Татарстанның халык артисты.
Казанда туа. 1964 елда Казан консерваториясен тәмамлый. Казан музыка училищесында укыта. 1981 елда аны Муса Җәлил исемендәге Татар дәүләт опера һәм балет академия театрына баш хормейстер итеп чакыралар. Бер елдан соң Татарстанның мәдәният министры урынбасары итеп куялар. 1985 елның ноябреннән башлап, тоташ егерме ел ул кабат опера театрында – баш хормейстер вазыйфасында, аның җитәкчелегендәге хор театрда куелган барлык операларда гына катнашып калмый, аерым концертлар да куя. 2006 елдан Нурдия ханым театрның баш хормейстер вазыйфасыннан китсә дә, театрга тугры булып кала, хормейстер булып эшли. Театрдагы эше белән бергә, педагогик эшчәнлек белән дә шөгыльләнә – Казан дәүләт консерваториясендә укыта.
Комментарий юк