Диләра ЗӨБӘЕРОВА (9.01.1930–15.12.2000) – язучы, журналист.
Татарстанның Сарман районы Күтәмәле авылында туган дип язылса да, чынлыкта, төрмәдә туа. Әтисен – җиде буын мулла нәселеннән чыккан Гази абыйны, аннан соң «халык дошманы хатыны» дип әнисен дә кулга алалар. Яшьли ятим калган Диләра, җидееллык мәктәпне тәмамлап, Алабуга педагогика училищесына укырга керә, аннан Казан дәүләт педагогика институтының татар теле һәм әдәбияты бүлегендә укый. 1952 елны Татарстан китап нәшриятында эшли башлый. 1962 елдан алып пенсия яшенә җиткәнче хәзерге «Сөембикә» журналында әдәби хезмәткәр, бүлек мөдире вазыйфаларын башкара. Шушы еллар аның иң актив иҗат еллары. «Кичер, сөеклем», «Кызлар, кызлар...», «Яшьләр күңеле», «Куш өянке шаһит» исемле хикәя һәм повесть җыентыклары басылып чыга. 1980 елда «Татарстанның атказанган мәдәният хезмәткәре» дигән мактаулы исем бирелә.
Следите за самым важным и интересным в Telegram-каналеТатмедиа
Комментарий юк