Һаман дөнья куабыз. Ирне дә карарга кирәк, балаларны мәктәпкә йөртәсе, түгәрәкләргә илтәсе, эштә дә уңышларга ирешәсе килә... Ләкин сәламәтлегебез турында онытабыз шул.
40 яшькә кадәр хатын-кыз сәламәтлегенә бәйле тикшеренүләр
• Гомуми һәм биохимик канны тикшерү анализы – алар нәтиҗәсендә организмның гомуми халәтен, инфекция барлыгын / юклыгын, органнарның эшчәнлеген билгеләп була;
• Гомуми бәвелне тикшерү анализы – бөерләрнең халәте һәм матдәләр алмашы турында гомуми мәгълүмат бирә;
• липидограмма – атеросклероз куркынычын билгели;
• ВИЧ, сифилис һәм гепатит B анализы;
• ЭКГ – кардиограммада йөрәкнең хәтта беренче стадиядәге авырулары да күренә;
• Үпкәләргә КТ ясау – тын алу системасын тикшерү;
• Калкансыман бизгә һәм корсак куышлыгына УЗИ ясау – бавыр, бөерләр, бөер асты бизе, үт куыгында булган проблемалар күренә;
• Сөт бизләренә УЗИ ясау – шешләр барлыгын / юклыгын билгеләргә ярдәм итә;
• Кече таз органнарына УЗИ – аналык һәм күкәйлектәге авыруларны күрергә ярдәм итә.
40 яшьтән соң хатын-кыз сәламәтлегенә бәйле тикшеренүләр
• гормоннарга анализ – хатын-кыз сәламәтлеге, кәеф күтәренкелеге, бала алып кайтуга җавап бирә торган гормоннар;
• гомуми кальцийга анализ – сөякләр өчен генә түгел, кан әйләнеше һәм нерв күзәнәкләре өчен җавап бирә;
• тизәктәге яшерен канны тикшерү – яшь барган саен, туры эчәклектә яман шешнең барлыкка килү куркынычы арта;
• СА-125 һәм СА 15-3 онкомаркерларын тикшерү – аналык, күкәйлек һәм сөт бизләрендәге шешкә антитәнчекләрне тикшерү;
• Йөрәккә УЗИ ясау;
• брахиоцефаль артерияләргә УЗИ ясау – атеросклероз һәм инсульт куркынычын тикшерү.
Следите за самым важным и интересным в Telegram-каналеТатмедиа
Комментарий юк