Җырчы Алсудан бәхет рецепты

«Әлегә һава торышы да  шатландырмый,  кәефне күтәрер өчен тикшереп каралган үз алымнарым белән бүлешәм. Бу алымнарның һәрберсе эшли, әмма барысын бергә эшләсәгез, бәхет киләчәк», – дип яза социаль челтәрләрендә  Алсу. Нинди алымнар соң?

–    Дога укыгыз.
–    Кочаклашыгыз.
–    Саваплы эшләр башкарыгыз (мәсәлән, хәер бирегез).
–    Әниегезгә йә яраткан якын кешегезгә шалтыратып мәхәббәтегезне аңлатыгыз, аның  нинди асыл кеше булуын әйтегез.
–    Саф һавада йөрегез, кәефне күтәрә торган музыка тыңлагыз, йөгерегез, сикерегез.
–    Контрастлы душ керегез.
–     Бер чынаяк яраткан каһвәгезне эчегез.
–    Прическа, макияж ясагыз һәм ачык төстәге киемнәр киегез.
–    Хәзерге минутта авырлык кичергән берәр кеше турында уйлап куегыз. Вөҗдан (әгәр дә ул булса!) бик тиз хискә китерәчәк.
–    Ситуацияне кабул итегез. Әгәр дә аны үзгәртеп булмый икән, аңа  мөнәсәбәтегезне үзгәртегез.
–    Тормышыгызда булган бөтен  яхшылыкны бәяләгез. Аларны һәрвакыт искә төшереп торыгыз.