Әби белән үскән кеше башка була инде. Аңарда «ярамый»лар гел бүтәннәргә караганда күбрәк.
Әби белән үскән кеше башка була инде. Аңарда «ярамый»лар гел бүтәннәргә караганда күбрәк.
Ә нигә ярамый? Күп вакыт аның сәбәбе дә аңлашылмый. Беренче карашка аңлашылмый...
Җырчы Илсөя БӘДРЕТДИНОВА әбисе күңеленә сеңдергән шул «ярамый»лар турында язды:
«Искә төшереп утырам... Безгә әби әйткән бөтен сүз закон иде! Ярамый, димәк, ярамый! Кирәк, димәк, кирәк!
Мәсәлән:
Өстәлдәге калган ризыкларны каплап куярга! Нигә? Чөнки фәрештәләр канаты белән каплап утырып арып бетәләр икән. Бу – әби версиясе... Ә чынлыкта ул безне бары тик чисталыкка өйрәткән!
Аякны селкеп утырырга ярамый! Имеш шайтан баласын тирбәтәсең! Ә чынлыкта?..
Юган керләрне уң ягы белән элеп киптерергә ярамый! Чөнки?
Калак белән чәй эчәргә ярамый... ату ирең алкаш була!
Өйдә сызгырырга ярамый... Нигә?
Мунчада рәхмәт әйтергә ярамый!
Савыт-саба шалтыратырга ярамый! Нигә?
Өстәлне кәгазь белән сөртергә ярамый!
Ууууфффф... Кызып киттем ахры...
Сезне дә шулай тәрбияләделәрме? Шундый кызык «ярамыйлар» бармы соң сездә?»
Илсөяр саный башлаган «ярамый»лар башкаларда да бик күп икән!
Менә ниләр язалар:
«Артык сөенергә, артык еларга ярамый. Күргән төшеңне кешегә сөйләргә ярамый. Өйдән сул аяк белән чыгарга ярамый»
«Мунчада җырларга ярамый, шайтанны чакырасың...»
«Өстәл почмагына утырырга ярамый, кияүгә чыкмый каласың...
«Тупсага утырырга ярамый, үсми каласың...»
«Зиратка төртеп күрсәтергә ярамый...»
«Ватык көзгегә карарга ярамый...»
«Ияккә таянып утырырга ярамый...»
«Кич белән акчаны кулга бирергә ярамый...»
Санамаганнар калдымы әле, сез нидер өсти аласызмы?
Следите за самым важным и интересным в Telegram-каналеТатмедиа
Комментарийлар
0
0
Баш киемен, мендэрне остэлгэ куярга яратмый - башын авыртыр.
0
0
0
0
Ашагач, остэл яныннан торып киткэндэ, урындыкны алып куймасан, ирен ялкау була. Чэй эчкэндэ остэлгэ тугеп эчсэн,-ирен исерек була. Кояш баегач, тырнак киссэн-гомерен кыска була. Чэч-тырнакны телэсэ кая ташлап йорсэн, теге доньяда барсын да эзлэп табасы була. Тэрэзэ тобенэ утырсан, буен кыска кала.
0
0
0
0
Болар барсы да Исламн диненен эдэп кагыйдэлэре. Барысы дп эдэпле инсафлы булырга ойрэтэ. Бары шул гына. Безнен эбилэр безне шулай ислам эдэбе бн тэрбиялэнэннэр. Афэрин аларга, бездэн хэер-дога. Амин
0
0